أخلاء شقه

[يوسفاني]

السلام عليكم
عندي بيت نظام شقق رفعت قضية رفع أجره على أحد المؤجرين حكم القاضي برفع الأجره نصف الي طلبته حسب تقرير الخبير رغم تقديمي أعتراض و عدم حضور المدعى عليه و بلغ بالحكم في 30\9 و أستلم بنفسه و في 2\9 أودع لدى المحكمه الأجره القديمه كالعاده لم أستلمها على أساس أنه لم يدفع الأجره كامله
الحين أبي أخليه من الشقه على أساس أنه لم يدفع الأجره كامله و عليه فروق أيجار من تاريخ رفع القضية 500 دينار

 

[بونواف]

اخوي مدام قعد يسوي معاك هلحركات تاكد انه يبي يطلع بس يبي يقثك ويحرق اعصابك...المطلوب منك تخرج ورقه من المحكمه انه الاجار مو كامل للاشهر المطلوبه وارفع عليه قضيه ثانيه اخلاء راح يحكملك القاضي بسرعه
والله يعينك
وياليت تدزلي اسمه على الخاص علشان هم انا عندي اجارات ببيتي واخاف يطلع منك ويجي عندي

وعندي ملاحظه اخوي اي واحد تاجره وما تثق فيه اتفق معاه انه تزيد قيمه الاجار في العقد فقط ويكون الاجار بينكم المتفق عليه
مثلا؛ اذا انت متفق الاجار 200دينار اكتب قيمه الاجار بلعقد 400دينار وعطه وصل شهريا بقيمه 400دينار وانت الاصل مستلم 200دينار ارجو انها وضحت الصوره..
وقوله اذا مادفعتلي اجاراتي او صدر منك اي مشكله ومارضيت تطلع اطالب بقيمه الايجاريه الي بلعقد 400دينار في الحاله هذي مايحتاج محمكه ولا تدوخ راسك مع الماجرين

 

[rahaly]

ارفع دعوى اخلاء لعدم سداد كامل الاجرة ...

لكن ...

المشكلة انك تقول هو لم يحضر دعوى الزيادة ...

فاذا دفع بانه لم يعلم عن الزيادة .. وبادر الى سداد الفرق ... يحكم القاضي برفض الدعوى

(عندي واحد كان حكمه حضوري .. ولما سدد الفروقات ومجموعها 9 شهور .. حكم القاضي برفض الدعوى !!!)

والله اعلم

 

[fayoona74]

اخ يوسفاني دام صدر حكم لصالحك بزيادة قيمة الاجرة وكان المستاجر غير ملتزم بسداد الاجرة كليا او جزئيا وبالتالي يحق لك رفع قضية اخلاء وايجارات متأخرة ومايستجد منها وراح يحكم لصالحك باذن الله
لكن مع احترامي لوجهة نظر الاخ االلي فوق انك تكتب شي وبالواقع شي ثاني فهذا يسمونه استغلال ولف ودوران مايرضاه رب العالمين

 

[يوسفاني]

مشكورين أخ بونواف و رحالي و فيونه على تجاوبكم معاي
أنا اليوم رحت حق ضابط الدعاوي قلت له أبي أرفع دعوه أخلاء لأنه طاف 20 الشهر وما دفع الأجره كامله قالي أرفعلك دعوه عقب ماتعلنه عن طريق التنفيذ و يمر 15 يوم
مع أني معلنه بالحكم و عندي شهادة عدم حصول استأئناف و خاتم الصيغه التنفيذيه

 

[يوسفاني]

شباب أبلغته بالحكم و أخذت شهادة عدم حصول أستأناف و أبلغ عن طريق التنفيذ منذ 20 يوم و دفع أجرة شهر 12 القديمه لم أستلمها و دفع بالتنفيذ فرق أجرة 200 و المطلوب 600
طلبت من الموظفة أن تعطيني شهادة عدم أيداع أجره كامله رفضت لأنه دافع جزء من الأجره و هو قريبها يصير لها شسوي أفيدوني

 

[fayoona74]

ارفع عليه قضية اخلاء مع الزامه بدفع الفروقات ومايستجد والورقة اللي طلبتها من الموظفة مو بكيفها ماتعطيك روح حق رئيس قسمها او مديرها واشتك عليها

 

[الطـبـيـب]

الله يعينك أخوي إجراءات المحكمة طويله جدا جدا

وممكن بعد هالتعب ما تاخذ حقك