Apple iMac

[بلاحدود]

للبيع ماكنتوش G4 شبه جديد استعمال طلبة الجامعه الامريكيه بالشارقه... نفس الصورة

المواصفات:

The Apple iMac G4/800 (Flat Panel)
15" TFT Active Matrix LCD display
an 800 MHz PowerPC 7445 (G4) processor with the AltiVec "Velocity Engine"
vector processing unit and a 256k on-chip level 2 cache,
512 MB of RAM (PC133 SDRAM), upgradable
80.0 GB Ultra ATA/66 hard drive (5400 RPM)​

 

[Vaio-]

بجم يالغالي

 

[بلاحدود]

والله العظيم انه مكلفني قريب الـ 90 دينار..

وانت قول السعر اللي يناسبك.. وما نختلف ان شاء الله اذا لك رغبة بالجهاز..

وانت اكيد عارف انه مهما كان قديم لايزال يشتغلون فيه أهل التصميم والطباعة الصحفية حتى هذا الوقت..
وهذي النوعية من الماك مميزة جدا لأن البروسيسور صغير ومدمج مع الشاشة والديفيدي درايف... وقابل للتطوير..

 

[Vaio-]

السلام عليكم


حبيبي يالغالي انا اقول عن الحلال والحرام اخذه منك 100 او 110 اول شي
ثاني شي شنو معاه وسستم النظام اصلي معاه سيدي وياه او بس مجرد شاشه ؟ وحجم الشاشه جم وشكرا وتقبل مروري


99758659
سومت 12 ساعه وفمان الله

 

[بلاحدود]

الشاشة 15 بوصة

والسستم نظام التشغيل Mac OS X 10.4.1:

ولا يوجد معه سيديات لكن معي دي في دي نفس النظام اللي راكب عليه Mac OS X 10.4.1:

ويمكن الحصول على الابديت عن طريق الانترنت

 

[Vaio-]

يالغالي ماعندي خلفيه بهالوالسوالف بس ابيك تعلمني كذا شغله اول شي شنو معاه
؟ بالضبط والباجي يهون وشلون لجهاز نظيف ؟ وشكرا

 

[بلاحدود]

للرفع...

الأخ Vaio سام الجهاز بـ 100 د.ك بعدين كلمته.. وقال بيسأل و يشاور..
بعدين دز لي ايميل يبي يركب وندوس اكس بي على الجهاز!!
ما أدري هو شنو يبي بالضبط!!! و غير سومه الى 70 د.ك.. وبعدها اختفى!!!

 

[Vaio-]

السلام عليكم

يعطيك العافيه انا كنت استفسر منك لا اكثر ولا اقل بخصوص الجهاز

السومه ورديت فيها اعتقد شرح لك الوضع يعني اسلوب التشهير
ياجماعه واحد شاري جهاز ب90 يبيني اخذه ب100 وانا سمت لاني ماعرف بالجهاز وعقب شفت الجهاز اصلا سعره اهوا راعيه ماخذه فوق الوضع الطبيعي سعره بامريكا وواصل الكويت ب70 بالله توقع مني شقول ؟

عالاقل ياحبيبي انا عطيك سومه وكنت عند وعدي بس انت لي اختفيت مو اانا

وشاكر لك اسلوبك وهذا ان دل على طيب اخلاقك

فمان الله

 

[بلاحدود]

انت يا اخوي قلت تبي الجهاز عشان تتعلم عليه..
و واضح من البداية انك مو فاهم بالماكنتوش من أصل...

وبعدين وينه هذا اللي بـ 70 واصل الكويت؟؟؟
يا اخوي بذمتك هالكلام؟

انا احكم الشباب على كلمتك هذي.. واصل الكويت بـ 70 ؟؟

وعلى طاري اللي اختفى.. مو انا اللي اختفيت.. وشوف آخر تواجد لي بالمنتدى..

و مو أنا اللي ابيك تاخذ الجهاز بـ 100 هذي سومتك يا الغالي..محد اغصبك عليها.. قول انك رجعت في السومه.. ماكو مشكله أبدا...
اما انك ما تعرف بالماك.. فهذا مو عذر.. يا خوي عندك الأخوان في هالمنتدى وغيره تقدر تسألهم .. وتقدر تشوف المواقع الخاصة بالماك.. و تقارن على كيفك..

أخيرا... أتمنى لك التوفيق...

وسامحنا على سوء الفهم إن حصل..