كيف أشحن لاب توب من أمريكا ؟

[الورد]

بسم الله الرحمن الرحيم


لدي صاحب في أمريكا .. ما يعرف شيء في أمريكا إطلاقا

يقول لقى لابت توب في سوق ( وول مارت ) و يبي يرسله للكويت باسمي

السؤال :

1 - كم جهاز مسموح يدخل باسمي في الشهر ؟ أو في السنة ؟

2 - شنو أفضل شركة شحن ( بسعر معقول )

3 - هل أنا معفى من الجمرك ؟ و متى يحسب عليّ الجمرك ؟


و شكرا لكم مقدما

 

[WEST LIFE]

سلمك الله انا عن نفسي عندي صندوق أرامكس مكانهم صناعية العارضيه

تروح تفتحلك صندوق هناك ب10 دنانير وعلى طوووول لك صندوق عندهم

ويعطونك عنوان تحفظه عندك وحساب بالنت طبعا وصندوق أرامكس يخليك تقدر تشتري بالنت من بريطانيا وأمريكا يعني لك صندوق بأمريكا وصندوق في بريطانيا

طبعا يحاسبونك بالكيلو لما يوصل الكويت أول كيلو 3 دنانير وكل كيلو زياده لهم حسبه عليها يعني فرضا الشغله الي طلبتها وزنها 3 كيلو حسبتهم 3 دنانير حق أول كيلو وباجي كيلوين لهم حسبه مايتعدى الكيلو دينار ونص أعتقد

انا قبل جم يوم اشتريت لاب توب من أمازون من أمريكا وعن طريق صندوقي بأرامكس وان شاءالله يوصل بعد يومين

ان شاءالله فدتك بشي وموفق حبوب

 

[هادي33]

نصيحه لله اخواني :

الجمارك ثم الجمارك ثم الجمارك ((ومزاجيتهم ))

ولا تعرف لهم !!!

حطو بالكم انا طلبت جهاز له وكيل بالكويت ((سوني)) حجزو عليه قالو لي ان له وكيل

بالكويت وسوولي سالفه وذلوني (((شغل واسطات ومزاج ))

سألو اكثر وستفسرو من الشباب ألي عندهم خبره يطلبون من بره ....

وموفقين خير.....

 

[الورد]

اسأل الله يثيبكم على ردودكم

و آسف على تأخر شكري


هل ما زالت الجمارك تحاسبنا على الوكيل؟

ألم يخرج قانون يلغي الوكالة الحصرية ؟

 

[mash3an]

اسأل الله يثيبكم على ردودكم

و آسف على تأخر شكري


هل ما زالت الجمارك تحاسبنا على الوكيل؟

ألم يخرج قانون يلغي الوكالة الحصرية ؟

ارجو الافاده .......