eng.explorer
عضو نشط
- التسجيل
- 19 فبراير 2009
- المشاركات
- 494
إن صار زود المال بيديـن الانـذال @ حنّـا مـن المعـروف تنـدا يدينـا
وان كانهم شرهوا على طيب الافعال @ حنّـا وردنـا جمامهـا وارتويـنـا
وان فكّروا للجـود يمشـون رحّـال @ حنّـا قبـل يمشـون يّمـه خطينـا
يا ما لبسنا للشـرف كـل سربـال @ وعلـى البسيطـة للفضيلـة مشينـا
في دوحة العربا لنا مجـد وظـلال @ وحنّـا علـى در المكـارم غذينـا
لو نجمع اللي فات منـا مـن المـال @ إن كـان شيدنـا القصـور وبنينـا
نعطي ولا نتبـع عطانـا بالاقـوال @ ونبذل ونسكـت كننـا مـا عطينـا
وان باعوا الشيمـة بدينـار وريـال @ حنـا دخلنـا سوقهـا واشتريـنـا
نطلع لها لو هي على روس الاقـذال @ لو هو عسير ٍ دربهـا مـا انثنينـا
بافعالنـا نرسـم دروب ٍ للاجيـال @ إلـي نساهـا غيرنـا مـا نسيـنـا
أسـود سـادات ٍ تسجـل للاشبـال @ فضايـل ٍ شمنـا لهـا واهتديـنـا
بيض ٍ نسجلهـن جديـدات وسمـال @ حفـايـظ ٍ لاحفـادنـا اللاحقيـنـا
نصبر على الشّدات لو شيلنـا مـال @ لـو سـال دم دفوفنـا مـا شكينـا
نخـاف يلقـى سدنـا كـل ختّـال @ ويبنـي هزيـلات المعانـي علينـا
الليل يا خالـد علـى والـدك طـال @ وهنّيـت نـاس ٍ بالكـرا نايميـنـا
يا عز راسي شفت ما خبـث البـال @ شـي ٍ يهـوّل شـيّـب الجاهليـنـا
شي ٍ من اسبابـه يشيـب بالاطفـال @ فطّـر خشـوم مهجرعـات الحنينـا
أدير قـالات ٍ عريضـات وطـوال @ قـالات خـلـنّ المخـفـىّ يبيـنـا
منهن رزين العقـل بالوقـت يهتـال @ بوقـت ٍ عبـوس ٍ فطّـن الغافلينـا
وقت ٍ من اسبابه شكى كـل ريبـال @ نصبـر ونسكـت كننـا غايبيـنـا
النـاس بالأيـام راحـل ونّــزال @ وتفجعهـم الدنيـا وهـم دالهيـنـا
وحيات رب ٍ نـزل آيـات الانفـال @ عالـم خفـايـا نـيـة الحاقديـنـا
ما اترك طريق العدل في كل الاحوال @ لـو يرحـل المـريـخ للفرقديـنـا
الشاعر :
محمد بن أحمد السديري