ضبط و احضار مدين

[السنفور]

السلام عليكم

اخواني في مصري نزل عليه ضبط و احضار و المبلغ 2000 دينار و ابي اصيده و منحاش و ما عنده دوام و ساكن بعماره من العمارات ..

سؤالي.. مثل ما عذبني و دام انه منحاش و ما يبي يطلع يواجه القانون و الشرطة ... يصير استغل الموقف و ارفع عليه دعوه انه سبني مثلا أو اني اطالبه 5000 دينار و ما كان عندنا عقد او اي تهمه اخرى ؟؟

طبعا راح اتنازل اذا نزل الحكم لصالحي لانها قضايا مو واقعيه .. بس بستعملها كأدارة ضغط عليه انه ايي و يسلمني الفلوس اللي اطالبه ..

شكرا و اسف على الاطاله

ارجوا الافاده

 

[general]

أخوي انت بالاول صيده وحصل ال 2000 وعقبها فكر بال 5000
بس من ناحيتي اقولك انسى فلوسك , لي ونهار نصيح ياجماعه وخروا عن المقيمين ماكو فايده واخرتها اركض ورا مصري

 

[z-75]

مافي عقد وانك تطالبه بــ 5000 دينار

واذا صار وطلب منك القاضي تحلف على القران شنو راح تسوي؟؟؟

 

[aljoker]

السلام عليكم

اخواني في مصري نزل عليه ضبط و احضار و المبلغ 2000 دينار و ابي اصيده و منحاش و ما عنده دوام و ساكن بعماره من العمارات ..

سؤالي.. مثل ما عذبني و دام انه منحاش و ما يبي يطلع يواجه القانون و الشرطة ... يصير استغل الموقف و ارفع عليه دعوه انه سبني مثلا أو اني اطالبه 5000 دينار و ما كان عندنا عقد او اي تهمه اخرى ؟؟

طبعا راح اتنازل اذا نزل الحكم لصالحي لانها قضايا مو واقعيه .. بس بستعملها كأدارة ضغط عليه انه ايي و يسلمني الفلوس اللي اطالبه ..

شكرا و اسف على الاطاله

ارجوا الافاده

المطالبه بمبلغ 5000 واقل يصير بشهادة الشهود
واذا انت ادعيت عليه يكون ادعائك باطل والشاهد الي شهد معاك يكون شاهد زور
واي مبلغ فوق ال 5000 لازم يكون بعقد تحياتي

 

[السنفور]

عيل شلون اضغط عليه ؟؟

انا بس ابي اضغط عليه و اخليه ايي يسدد بس ..

الله كريم

 

[rahaly]

عيل شلون اضغط عليه ؟؟

انا بس ابي اضغط عليه و اخليه ايي يسدد بس ..

الله كريم

السلام عليكم ..

اولا اعمل له منع سفر (اذا بعدك مو عاملة) ..

بعدين اتعب انك توصله وتعرف مكانه .. وقتها تتصل على الشرطة يضبطونه ويسلمونه التنفيذ

افضل لك من تتعب نفسك بقضايا مالها اي فايدة


موفق

 

[السنفور]

هلا بالاستاذ ..

لا مسويله كل شي طال عمرك ..

بس باقي تجميد أرصدته (اذا يصير)

مشكورين اخواني على المعلومات القيمة

تحياتي

 

[rahaly]

مو تجميد ارصده طال عمرك ..
حجز ما للمدين لدى البنوك .. وصاحبك شكله ما راح يحط دينار في البنك طبعا

الله يعينك ... بس حرص انك تدور عليه الى ان تلقاه

موفق

 

[q82007]

حاول تعمل تحريات عنه وتعرف اماكن تواجده مثل عمل او قهوه او اي مكان عام يتردد عليه لان معاونه التنفيذ المدني لايستطيعون ضبطه داخل سكنه وبعد ماتثبت مكان ضبطه استعين بمعاونه النتفيذ المدني ولن يقصرو في مساعدتك في تحصيل حقك واستعجل قبل ان يتم ترحيله وبعدها يضيع حقك