-= قسائم للبيع في ابوفطيرة =-

[اعلامي]

قطعه 8
500 متر
القسائم رقم: 248 - 250 - 252 ( شارع واحد )
279 ( زاوية )

السوم: 137,000 دينار
البيع: فرق السوم

---------------------------

قطعه 8

القسائم رقم: 83 - 84 - 85 - 86 - 88 - 90 - 92 - 94

السوم: 170,000 دينار
البيع: فرق السوم


الرجاء ... يمنع نهائيا تدخل المكاتب و الوسطاء

 

[المهندس الاول]

اسعار مبالغ فيها مع احترامي

 

[أبوعلي1]

137

و

170

!!!! معقووله !!!!

 

[خسران جداً]

اهم شي بالموضوع فرق السوم..يعني تبي تقنعني ان في واحد سام بهالسعر وما تنباع له الارض؟ دور غيرها..والله انا اقول لو تقولون حد بالسعر الفلاني ابرك من سالفة فرق السوم ...لان الناس كلهم فاقدين الثقه والمصداقيه فيكم بهالاسعار...فعلى الاقل حدو الاراضي احسنلكم:> اما سالفة فرق السوم هذي فلم مفبرك بإخراج هندي

 

[خسران جداً]

الي سايمهم كان بكامل وعيه او لا؟ كان يتغشمر والا من صجه؟

 

[kuwait_market]

الي سايمهم كان بكامل وعيه او لا؟ كان يتغشمر والا من صجه؟

تصدق ذكرتني بواحد قبل جم يوم عارض له شاليه بالخيران طبعا الشاليهات العادية لا وثيقة ولاشي لا ولا مبني ولا شي يقول مسيوم 200 ألف ... شرايك شتقوله !!!

 

[اعلامي]

السلام عليكم

يا جماعة الخير صلوا على النبي

اللي يقرى كلامكم يقول انا اللي حاط هالاسعار من عندي

ترى هالاسعار من اصحاب الحلال انفسهم .... واحنا وسطاء لا غير

الشي الثاني ... كل انسان حر بحلاله .... يحط دينار .. يحط مليون محد له عنده شي


انتوا معترضين على اسعار بوفطيرة


تدرون اسعار الخيران السكني في 2003 جم كانت ؟؟؟ بحدود 5000 - 10,000 دينار

في 2007 وصلت الاسعار لغاية 100,000 و اكثر و تمت بيعات بهالاسعار مع ان الخيران السكني مافيها ترخيص بنيان ولافي خدمات


بوفطيرة حاليا عطوا ترخيص البناء ... وبلشوا بتمديد الصرف الصحي ..

و أول قسيمة تنبني في هالمنطقة الاسعار راح تتعدى ال 200,000

ساعتها اللي ما شرى بهالاسعار .... راح يشتري باعلى منها .... هذا سوق يتحكم فيه وباسعاره التجار

اللي يلاحظ سوق العقار و اللي يصير فيه يعرف انه مقبل على ارتفاعات

اعطيكم مثل في 2003 في المقوع الشرقي بيت حكومة 300 متر 110,000 دينار او 130,000 اذا باع بالعالي

في 2007 نفس البيت تم بيعه ب 500,000 دينار .... و اليوم حتى مليون راعيه ما يبيع

عموما اهي فرص ... ولكل انسان حظه من هالفرص

موفقين

 

[اعلامي]

معروض حاليا عندي 5 قسايم في قطعه 2 في ابوفطيرة بسعر

120,000 دينار بشرط الشراء جملة
ونفس الكلام على القسايم اللي فوق

.... و السعر مرشح للارتفاع مع مرور الايام

 

[اعلامي]

قطعه 8

القسائم رقم: 83 - 84 - 85 - 86 - 88 - 90 - 92 - 94

السوم: 170,000 دينار
البيع: فرق السوم

بخصوص هذي القسايم فهي كلها مواقع ما بين زاوية و بطن وظهر و راس مقابل الخدمات تماما
و المساحه 500 متر


المنطقه ورقم القطعه و رقم القسائم موجوده عندكم ... تقدرون تتطلعون عليها على خريطه بلدية الكويت

http://gis1.baladia.gov.kw/

 

[buhamood]

اللي يبي يشتري بيت قبل مايموت لازم يقول "خلها تبور"!!!!!! منو معاي؟؟؟

 

[شبابي]

اللي يبي يشتري بيت قبل مايموت لازم يقول "خلها تبور"!!!!!! منو معاي؟؟؟

انا معاك

اعلامي

اذا اراضي الخيران وصلت 100 ألف !!! عند صاحبي ارض بالخيران بيعلا اياها ب80 ألف

يا خوي حدث العاقل بما يعقل​

 

[look4land]

الشي الثاني ... كل انسان حر بحلاله .... يحط دينار .. يحط مليون محد له عنده شي

أخوي ليش تسوق أسعار خيالية و تضيع وقتك و وقت الناس...انت حر صح و راعي الحلال حر بس تبي تحط اعلان بمليون انت فاضي مع احترامي لك...و الاستياء جاي من المبالغة في عرض الاسعار اللي المواطن الباحث على سكن متضرر منها...حط اسعار السوق و زيد اشوي بس لا تبالغ...الربح حلال بس في وضعنا الحالي انت تساهم في زيادة مشكلة الاسعار المتضخمة الجنونية...و بالأخير ما كو شراي و لا بياع و الركود الكل قاعد يشتكي منه...ياك مالك يكذب بالسومة خله يولي ليش تضيع وقتك...الاسعار الحقيقة معروفة و موثوقة في تقارير ادارة التسجيل العقاري ..خل عنك الكلام البايخ

انتوا معترضين على اسعار بوفطيرة

في 2007 وصلت الاسعار لغاية 100,000 و اكثر و تمت بيعات بهالاسعار مع ان الخيران السكني مافيها ترخيص بنيان ولافي خدمات

100 الف ما شاء الله يالحبيب صدقناك...كانوا حدهم 60 الف انت تعيد كتابة التاريخ؟

بوفطيرة حاليا عطوا ترخيص البناء ... وبلشوا بتمديد الصرف الصحي ..

و أول قسيمة تنبني في هالمنطقة الاسعار راح تتعدى ال 200,000

ساعتها اللي ما شرى بهالاسعار .... راح يشتري باعلى منها .... هذا سوق يتحكم فيه وباسعاره التجار

يعني الحين المسيلة خلصوا فيها الشوارع و الشبات و تلمع ما شاء الله عليها و اسعار القسايم فيها الحالية على 160 الف...و هي أقرب و التراخيص فيها بعد كم أسبوع....انت تقول بو فطيرة راح تصير على 200 الف... على كيفك أو يمكن في خيالك الواسع؟

اللي يلاحظ سوق العقار و اللي يصير فيه يعرف انه مقبل على ارتفاعات

و غيرك يعني مو متابع السوق؟؟ معظم الكويتين اللي دورون سكن يتابعون السوق و بحرص و بتمعن....الحمد الله ندري شنو قاعد يصير

عموما اهي فرص ... ولكل انسان حظه من هالفرص

انت يمكن تقصد انها فرصة لك تبيع بالعالي و تاخذ النسبة مالتك على حساب المواطن اللي محتاج سكن و راح يكسر ظهره بالقروض أهو و زوجته و يعيش في مذلة الدين 15 سنة

و سامحنا ترى هذا مو هجوم شخصي عليك و لكن نبيك تفهم معانات المواطن الكويتي قبل لا تجي بكل بساطة و تحسب الأمر هين لما تعلن أسعار خيالية و سومات كلها كذب بكذب....نقل الكذبة أعتقد فيها اثم و دير بالك و الله أعلم

 

[خسران جداً]

يا اخ اعلامي...انا شخص غير معترض على الاسعار الخياليه..على قولتك كل واحد حر بحلاله. انا عندي سلعه ابي ابيعها بمليون بس اهي سعرها عشر دنانير...كيفي انا حر فيها...بس هل في احد بيشتريها بمليون؟ على العموم اهم كيفهم بس احنا اعتراضنا على سالفة السوم. يعني امبين انها تفتقد للمصداقيه.

والا الظاهر البايع يقعد ويا رفيجه يقوله سوم بالعالي وماني بايعك..يقوله رفيجه بمليون تبيع؟ يقول لا والله...ويروح يكتبها بالجرايد السوم مليون ويبري ذمته؟ ماني فاهم سالفة السوم هذي. يعني اذا له خاطر خل يقول حد بالسعر الفلاني او السعر اللي بخاطري كذا وكذا..مو يقعد يجذب على الناس

 

[م.يوسف]

يا اخ اعلامي...انا شخص غير معترض على الاسعار الخياليه..على قولتك كل واحد حر بحلاله. انا عندي سلعه ابي ابيعها بمليون بس اهي سعرها عشر دنانير...كيفي انا حر فيها...بس هل في احد بيشتريها بمليون؟ على العموم اهم كيفهم بس احنا اعتراضنا على سالفة السوم. يعني امبين انها تفتقد للمصداقيه.

والا الظاهر البايع يقعد ويا رفيجه يقوله سوم بالعالي وماني بايعك..يقوله رفيجه بمليون تبيع؟ يقول لا والله...ويروح يكتبها بالجرايد السوم مليون ويبري ذمته؟ ماني فاهم سالفة السوم هذي. يعني اذا له خاطر خل يقول حد بالسعر الفلاني او السعر اللي بخاطري كذا وكذا..مو يقعد يجذب على الناس

صح كلامك اخوي والاسعار عالية بس انا قاعد اشوف ناس تشتري او ناس اتبيع اب هالاسعار يعني الي عنده يقول معقول السعر احط عليها 70 وابيعها مبنيه 210.000 او اكثر والتجار والي امتابع اعرف انا الحين افضل وقت حق الشراء او راح تذكرون كلامي انا صج ماعندي هالافلوس اشتري بس في ناس عندهم والي ماعنده مايلزمه يعني عندك 130000 راح تشتري مع ناس عندها افلوس او اصيرون ييرانك ماعندك صيير مثل ونطر الحكومه عاد اقطونك ابأخر الدنيا هذي مشكلتهم يعني انا داق على دلال ابي ارض بالشهداء سؤال مو اكثر قلتله ابي 400م ابي اشوف سعرها بسسسسسسس قالي عندي وحده زييييييييييينه بس اشوية غالية قالي 400م بطن او ظهر 325000 الف يعني لو اورث من امي او ابوي واخواني اطلع 300الف احتمال وقتها ماعندي ابنيها يعني اسكر حلجي وسكت وشوف الي الله كاتبه لي او ياخوي الناس ماحطو هلاسعار الا لاقين الي يشتري الله يرزقنا اويرزقكم اجمعين

 

[المنظور الشامل]

الاخ العزيز الاعلامي الله يوفقك وانت مرسال وماعلى الرسول إلى البلاغ ، م يوسف والله كلامك يبرد القلب بس شتقول