قمت بتاليف قصه ( مسلسل ) كيف اقوم بحفظ حقوقها ؟

[اندرتيكر]

السلام عليكم

اخواني الاعزاء لقد قمت بتاليف قصة عباره عن مسلسل تلفزيوني من 30 حلقه ومكتوب باللهجه الكويتيه

فكيف اقوم بحفظ حقوق القصه باسمي لكي لا ياتي شخص اخر وينسبها لنفسه

بانتظاركم اخواني الاعزاء

 

[fayoona74]

اذا اللي انت كاتبه مما يشمله قانون حماية الملكية الفكرية رقم 5 لسنة 99 وفقا للاشتراطات المذكورة فيه على الرابط

http://www.gcc-legal.org/MojPortalPublic/DisplayLegislations.aspx?LawTreeSectionID=5175&country=1


والطريقة تلقاها على الموضوع اللي سبق وان مناقشته بالقسم على الرابط

http://www.indexsignal.com/vb/showthread.php?t=166394

 

[اندرتيكر]

بيض الله وجهج اختي fayoona74 وما قصرتي والله يعطيج الصحه والعافيه

اختي فيونه الحين مثلا القصه مكتوبه باوراق طابعه على 500 صفحه تقريبا

فهل لمن اقعد مع المكتبه يشيكون على ال500 صفحه وانا انتظر ساعات دوري

والا تعتقدين يعطوني رقم ويقولون راجعنا بعد اسبوع ؟

 

[fayoona74]

تدش لجنة معناه ياخذونه منك وتراجعهم ويعطونك فورمه تعبيها انت راجعهم بالمكان اللي قلتلك عليه اهم يدلونك على الطريقة لاني ناسية صراحة الاجراءات بالضبط


اذا انشالله نجحت قولنا متى موعد عرض المسلسل بس رجاء بسيط اختار ممثلين دمههم خفيف مثل هند البلوشي او حياة الفهد مو ناس تغث

 

[ساحل الليل]

معلومات قيمه !
تشكرون عليها ..

 

[general]

دير بالك تخلي رحالي يصير ممثل ترا المسلسل بيفشل رحالي ماينفع للتمثيل الا للأفلام الكاوبوي ولا القراصنه

 

[عازف الجيتار]

هند البلوشي او حياة الفهد

اتوقع انج غلطانه عزيزتي يمكن تبين تقولين : سعاد عبدالله او حياة الفهد

لأن هند ماتحمل اي ابداع من خلال التمثيل بالمقارنه مع (حياة الفهد)

بالاصح اذا مسلسل تلفزيوني من بطولة هند مع كل احترامي لها يعتبر فشل واتوقع راي العموم من راي

متأسف عالمداخله

وموفق عزيزي بالكتابه اتمنى ان يتم قبول العمل مع طاقم رائع من ممثلين

 

[الاولى]

والله ودك الواحد يؤلف قصه

عن الحياه الفكاهيه عند بعض الناس المنحوسين

عندى واحد أبو خالد

مشكله كله حوادث وعمليات حتى لندن ماسلموا منه

راح يسوى عينه الى بطها بعض الأطفال الى يلعبون بالمسدس الى يطلع فشق بلاستيك

وسارله حادث هناك مسكين وتكسر رجوله وخشمه

بسراح رحت المطار ماعرفته

ومره سوى حادث مع أخوى الحمد لله أخوى بخير

لكن هو ماعرفته كان مضمدين وجهه شال الفاف وقالى شلون وجهى كان شوارع

قلت زين وبتسمت ما صدق راح للمنظره جان أهج بسرعه وسمعت الصياحه

وسبحان الله كل الحوادث تسير يوم الخميس

وقرر أنه ما يطلع من البيت يوم الخميس

وفيه يوم خميس منحوس أحترق بيتهم وسعفناه للمستشفى

وقلتله الحمد لله على السلامه قال هاه حتى بيت الأهل ما سلم منى


والحين ناديه أبو النحاسه

ويمكن الغزو سببه أهو

 

[fayoona74]

اتوقع انج غلطانه عزيزتي يمكن تبين تقولين : سعاد عبدالله او حياة الفهد

لأن هند ماتحمل اي ابداع من خلال التمثيل بالمقارنه مع (حياة الفهد)

بالاصح اذا مسلسل تلفزيوني من بطولة هند مع كل احترامي لها يعتبر فشل واتوقع راي العموم من راي

متأسف عالمداخله

وموفق عزيزي بالكتابه اتمنى ان يتم قبول العمل مع طاقم رائع من ممثلين

لاخوي مو غلطانة هند البلوشي بوجهة نظري ممثلة ناجحة وشاملة انا عن نفسي احب صوتها وادائها والدليل على نجاحها اليهال يموتون فيها وبشهادة أحد المخرجين قال اختارها لانها ماتعب المخرج بعدين لما بنيي نقارن تكون المقارنة مع ابناء جيلها مو ممثلة سبقتها خبرة بستين سنة اكيد في فرق بيكون يعني مثلا الحين محامي (ناجح) وصارله 40 سنة محاكم وثاني هم ناجح صارله مثلا 5 سنوات نقارن هذا بذاك اكيد لا لكن لما تشوف المحامي الناجح تبنى الصغيرون معناه ان المحامي الكبير قيم أدائه ونجاحه واختاره ليتدرب على ايده نفس الشي قيسه على هند وحياة الفهد لاحظ كل اعمالها او اغلبها تاخذ معاها منى شداد وهند البلوشي المبدعة

 

[ابو عبدالله333]

ولا تنسا (سمير القلاف) فى دور بطولة المسلسل........ خصوصا فى دوره فى درب الزلق ماخذ دور البطوله عجيب...هههههههههه

 

[ديوان الباشا]

لا تنسى محمد الشعيبي بمستوى هند البلوشي

موفق

 

[q8taub]

اخي اندر تيكر
ييب نص مالك الي وزاره الاعلام ادارة الدرما وهناك راح يفهمونك السالفه
واذا محتاج مساعده مو راح اقصر معاك
انا مخرج مسلسلات دراميه ولله الحمد اشتغلت مايقارب ١٦ مسلسل درامي
والله الرازق ان شاء الله الله يرزقكك ويوفقك
من جميل انشوف مؤلفين كويتين مليت من مؤلفين مصرين الله يسامحهم بافكارهم الدخيله علي مجتمعنا
والله اقولها وانا صادق
الله يوفقكك وانا مستعد اييب لك منتج ينفذ عملك اذا كان جيد وما يحتاج الي تعديل وايد
راسل علي الخاص وحط رقمك وفكره العمل وقولي انك مؤلف في الرساله