مساعد سريعه يا اهل الخير

[القراشي]

في واحد توفى وعنده زوجته غير كويتيه وبنتين
وعنده 4 اخوان وهو عنده بيت وعماره شنو راح يكون تقسيمة الورث فيدونا الله يجزاكم خير

 

[general]

انشالله الاخوان مايقصرون معاك

 

[القراشي]

انشالله الاخوان مايقصرون معاك

الاخوان يبون نصيبهم من قبل مايتوفى وشلون الحين لما توفى ابي اعرف شنو نصيب الزوجه والبنات الاثنين

 

[rahaly]

الزوجة لها الثمن من التركة ..( واذا جعفري فلها ثمن العروش بالنسبة العقار) ..
البنتين يشتركان في ثلثي التركة .. والباقي للاعمام (اخوان المتوفي) ... هذا في السني

في الجعفري ... البنتان تحجبان الاعمام(اخوان الاب المتوفي) .. وترثان كامل التركة .. بعد عزل حصة امهما (زوجة المتوفي)

والله اعلم

 

[القراشي]

هم سنه
يعني لو صافي التركه 400 الف كم يطلع الام والبنتين وكم لاخوان المتوفي

 

[rahaly]

هم سنه
يعني لو صافي التركه 400 الف كم يطلع الام والبنتين وكم لاخوان المتوفي

أعرف بالقانون .. الحساب شوفلك محاسب

 

[القراشي]

محد يعرف طريقة الحسبه

 

[almatire]

الرجال توه متوفي اركد ماصارله يومين؟

 

[اندرتيكر]

هم سنه
يعني لو صافي التركه 400 الف كم يطلع الام والبنتين وكم لاخوان المتوفي

المبلغ 400 الف
الزوجه لها ثمن يعني 50 الف
البنتين لهم الثلثين يعني 133 الف تقريبا لكل بنت
المتبقي للاعمام الاربعه هو 84 الف
يعني لكل شخص منهم 21 الف
اتمنى اني اكون افدتك

 

[القراشي]

الرجال توه متوفي اركد ماصارله يومين؟

بس حبيت اعرف لان اخوان يبون يعرفون
وشاكرلك مرورك

 

[القراشي]

المبلغ 400 الف
الزوجه لها ثمن يعني 50 الف
البنتين لهم الثلثين يعني 133 الف تقريبا لكل بنت
المتبقي للاعمام الاربعه هو 84 الف
يعني لكل شخص منهم 21 الف
اتمنى اني اكون افدتك

ماقصرت كفيت ووفيت

 

[almatire]

بس حبيت اعرف لان اخوان يبون يعرفون
وشاكرلك مرورك

الي يبي يعرفون الاخوان ولا زوج وحده من البنات ؟؟؟؟؟::verymad:: القسيمه في العارضيه والعماره بالفروانيه والمتوفي رشي ؟ وزجه مصريه؟مع العلم ان اليوم رابع يوم من الوفاة؟ وتعضيم سلام للمحامين ؟ونخص الاستاذ رحالي والاخت فيونه؟؟سلملم

 

[fayoona74]

سؤال مخصوص حق رحالي واللي يحب يشارك مافي مانع لان موضوع افتراضي وبنفس الوقت واقعي

هل احكام الميراث عند التوزيع على الورثة يطبق فيها مذهب المورث او الوارث
واذا صارت منازعة بشأن مذهب الميت شلون طريقة الاثبات امام القاضي ؟؟

 

[fayoona74]

وعندي سؤال بالنسبة للحالة اللي تم مناقشتها
اذا في عمات يعني اخوات للمتوفي هل يورثون بوجود البنات وفقا للقانون الكويتي ؟

 

[ابو عبدالله333]

هل احكام الميراث عند التوزيع على الورثة يطبق فيها مذهب المورث او الوارث
مذهب المورث
واذا صارت منازعة بشأن مذهب الميت شلون طريقة الاثبات امام القاضي ؟؟
بالشهود

 

[rahaly]

سؤال مخصوص حق رحالي واللي يحب يشارك مافي مانع لان موضوع افتراضي وبنفس الوقت واقعي

هل احكام الميراث عند التوزيع على الورثة يطبق فيها مذهب المورث او الوارث
واذا صارت منازعة بشأن مذهب الميت شلون طريقة الاثبات امام القاضي ؟؟

هااااا .. اثرتي مسألة من اهم مشاكل الميراث في الدول التي تتعدد فيها المذاهب ...

شنو الحالة اللي ممكن نواجهها وفيها نزاع ؟؟

** عائلة سنية .. الرجل يتوفى .. وله ابنه واحده ...
وفقا للمذهب السني اخوان المتوفي (عمام البنت) يرثون معها ..
من مصلحة البنت ان تثبت ان المنازعة سنية .. والاعمام بيقولون احنا شيعة واذا القصة فيها ملايين (يمكن يقولون احنا شيعة سادة من ايران )

** ومثال .. زوجة شيعية ... يتوفى زوجها .. ولديه عقارات تارسه الديرة ..
ينازعها ابناء زوجها المتوفي .. هي ترث ثمن العروش فقط (يعني ثمن قيمة المباني ولا ترث في قيمة الارض نفسها .. وتعرفين ان الارض هي الاغلى بكثييير) ... فتقول انها سنية (عشان ترث الثمن في كل شئ) .. وهم يصرون انها جعفرية ...!!!


وما يفوتج اكيد ان هالامور لا تثار الا اذا في ورثة واختلفوا اكيد ...

الاصل العام انه عند الخلاف في المذاهب ... فيطبق قانون الاحوال الشخصية (السني) ...

ولكن ....
كما هو الحال بالنسبة لاي دعوى تحتاج الى اثبات ...
فيمكن اثبات مذهب المورث .. ويثبت واضحا اذا كان له وصية ..
فيتبين اذا كانت موثقة في الجعفري او السني ..
وبشكل عام يمكن الاستعادة بالادلة المعتمدة في الاثبات ...

واكيد القاضي راح ياخذ في اعتبارة مصلحة المدعي بالمذهب (يعني من مجريات القضية يبين اذا احد الخصوم يدعي لمصلحته بمذهب ليس مذهب اطراف الدعوى)

هذا الوضع باختصار ...
وبصراحه فيه اشكالات كثيرة في المواريث بالذات (لان في قضايا الطلاق والحضانه والنفقة ... الخ ... اسهل بكثير ..)

 

[fayoona74]

مشكور رحالي ماقصرت لان اليوم البيت تناقشنا على هالموضوع وكان رايي مثل رايك لكن الاهل اصرو احط السؤال لان كنت ابدي رايي من واقع منطق وهم بغو راي من واقع تجربة
كل الشكر لك

بس لحضة ماجاوبتني على سؤالي الثاني اذا الموضوع اللي تم مناقشته في عمات يرثون مع الاعمام او لا بوجود البنتين؟؟

 

[القراشي]

الي يبي يعرفون الاخوان ولا زوج وحده من البنات ؟؟؟؟؟::verymad:: القسيمه في العارضيه والعماره بالفروانيه والمتوفي رشي ؟ وزجه مصريه؟مع العلم ان اليوم رابع يوم من الوفاة؟ وتعضيم سلام للمحامين ؟ونخص الاستاذ رحالي والاخت فيونه؟؟سلملم

معلومه ازواج البنات مايورثون وترا معلوماتك مو كامله

وانا فاعل خير ناس اسألوني وحبيت استفسر لهم

وشاكر لكم .