تنفيذ حكم محكمة

[yahoo77]

بسم الله الرحمن الرحيم

حدث لي حادث مرور قبل سنتين ونصف تقريبا ( واحد شقردي صدمني وهرب )
وحكم عليه القاضي بغرامة مبلغ وقدره عشرون دينارا
الزبدة
انا ابي شهادة نهائية الحكم من المرور وموراضين يعطوني ياها الا لما الاخ الشقردي يدفع المبلغ
واراجعهم اقولهم شنو صار.....يقولولي كل اسبوعين راجعنا عشان اتعرف اذا الاخ دفع ولا مادفع ؟؟؟؟
هل يعقل هذا الكلام ولا في شي انا ماعرفه
هل في حل ياشباب
اللي يعرف لايبخل علينا بكرمه
وشكرااا لكــم

 

[Abdulla990]

انا مو خبير قانوني لكن اكو واحد (نفس حالتك) اضطر انه يجيب واسطة علشان يدفع هو الغرامة و تمشي معاملته.
للأسف هذا خلل واضح في القانون و مو راضين يعدلونه

 

[rahaly]

ادفع الغرامة بسكات .. وخلاص

او في طريقة ثانية اعلان الحكم .. وقصة فيها دوختين

( وفيونة تقول الناس تخلص شغلها بدون محامين كلشي سهل ... عبالها قاعده في بريطانيا )

 

[قناص_السوق]

ابوي سو اعلان للحكم .... عن طريق شعب ادعاء المرور في المحكمه الي يتبع لها المنطقه الواقع فيها الحادث ...

وانا اتوقع الاورقه الي بيدك اهي اعلان الحكم ... تأكد اذا اهي انطر 30 يوم من تاريخ الاعلان و روح
اذا قالولك مو دافع دش على مسؤول التنفيذ و قوله سالفتك و بين له انك معصب قوله بلغوه بالتلفون خله يدق عليه .. ويسجل البلاغ في ورقة الاعلان بعدها انطر سبوعين ما دفع اتوقع يمشونك ....
لان بالاساس اهو الحد الاقصى للاستأناف شهر واحد من اعلان الحكم
ويعطون فتره سماح احتياط ...
وبخصوص تدفع عنه ممنوع لان فيها شق جنائي و تزوير بحقكم لو يييه يبي يستأنف الحكم ...

 

[yahoo77]

السلام عليكم
انا سويت اعلان للحكم بتاريخ 15/9/2009
يعني اليوم صارلي اسبوعين تقريبا
المهم الشي اللي ابي اعرفه مافي طريقة تلزمه بالحضور
مثلا ااذا بغا يجدد دفتر سياره ولا فيزا لخدامة ولا سفر
يعني مافي ربط بين الداخلية والعدل بهل شغلات
يبه سالفه مو حلوه كلش
يصدم ويهرب وانا آكلها من جميع النواحي
لا من محقق وقت الحادث ولا من خبير فني ولا من حكم ماتسجل بالسيستم
الحمدالله علي كل حال
وشكرا لكم

 

[yahoo77]

بس بغيت اضيف شي
ترا الحكم من تاريخ 8/5/2007 وتوني اراجع وعرفت انه طلع الحكم
يعني لو يبي يستأنف يقضبونه الباب بعد هالمدة

 

[fayoona74]

ادفع الغرامة بسكات .. وخلاص

او في طريقة ثانية اعلان الحكم .. وقصة فيها دوختين

( وفيونة تقول الناس تخلص شغلها بدون محامين كلشي سهل ... عبالها قاعده في بريطانيا )

ولييييه شيفكنا الحين من لسان بعض الناس

 

[قناص_السوق]

اخوي دام سويت اعلان حكم ما فيه طريقه تلزمه لان الاستئناف محدد بنص قانوني 30 يوم له حق بالاستئناف انطر شهر و سبوعين لان اظن يعطون فترة سماح سبوعين و روحلهم بعدها و بمشونك و اذا مشوك تأكد شهادة لمن يهمه الامر مختومه لان دائما يغلطون و ينسون يختمون حسب الله عليهم الي ينسون


وبخصوص القضيه اصدرت لكن انت سويت اعلان بالتنفيذ متأخر هذي مشكلتك تعتبر مو مشكلتهم


وكان الله غفورا رحيما

 

[yahoo77]

ادري اني متأخر
بس استغفر الله السالفه كلها بمحكمة الاحمدي ومرور الاحمدي
وهناك الموظفين علي كيف كيفك خصوصا الداخليه جنه مسخرين لتعطيل مصالح الناس .... لا نفس حلوه ولا خدمة ....ولا مستعدين يردون علي سؤالك...... لي دش جيس الريوق ( كابوريا غالبا ) كلهم دشوا داخل
والمراجعين ينتظروووووووووونهم يخلصون
الله كريـــــــــــــــم
ويامصبرنا علي الداخلية

 

[قناص_السوق]

الشرهه ما ابي اقول على منو .......... انت فكر فيها بس وين بروحون من عذاب الله يوم القيامه

 

[yahoo77]

الشرهه ما ابي اقول على منو .......... انت فكر فيها بس وين بروحون من عذاب الله يوم القيامه

وبعدين يقولون زيدوا معاشاتنا.....ولا نبي كادر

 

[zinger]

بسم الله الرحمن الرحيم

حدث لي حادث مرور قبل سنتين ونصف تقريبا ( واحد شقردي صدمني وهرب )
وحكم عليه القاضي بغرامة مبلغ وقدره عشرون دينارا
الزبدة
انا ابي شهادة نهائية الحكم من المرور وموراضين يعطوني ياها الا لما الاخ الشقردي يدفع المبلغ
واراجعهم اقولهم شنو صار.....يقولولي كل اسبوعين راجعنا عشان اتعرف اذا الاخ دفع ولا مادفع ؟؟؟؟
هل يعقل هذا الكلام ولا في شي انا ماعرفه
هل في حل ياشباب
اللي يعرف لايبخل علينا بكرمه
وشكرااا لكــم

أدفع ثم ناقش​

 

[yahoo77]

أدفع ثم ناقش​

ادفع شنو ؟؟؟
ادفع بالتي هي احسن يمكن

 

[yahoo77]

ارجو قفل الموضوع لانتهاء المشكلة
وشكرا لكم

 

[الطـبـيـب]

زين بشر اشصار معاك

بواسطه ؟

ولا مشا الموضوع طبيعي ؟

 

[yahoo77]

لا يا الحبيب مو واسطه
كل شي طبيعي
الشخص راح ودفع الغرامة بسكات
ربك يحبني
وشكراا

 

[الطـبـيـب]

بالبركة