لاب توب hp

[Day_trading]

شباب فى احد جرب جهاز hp سنترينو لانهم موجدات فى السعودية بكثرة وفكرت انى استبدل جهازى بجهاز hpسنترينو
شرايكم

 

[الريان]

اشلونك ابو راشد عساك بخير وبشرني عنك اشلون امورك واشلون جده

وبشرني اشلون البنيه واخبارها
بالنسبه لي راي شخصي

افضل سيمنسز فيجتس فهوا ممتاز وخفيف ووزنه لايتعدى كيلو ونص وقوي

وايضا ديل يعتبر ممتاز ام الماركات الباقيه فابتعد


سوني

سيمنسز

ديل


وتوشيبا تقريبا قوي بس مو مثل قبل

اما البقيه لا يحوشك مو مثل الجوده هذا اذا كنت تبحث عن الجوده

 

[Day_trading]

هلا ابو ريم انا جهازى dell
بس انا ابي اجرب السنترينو وشركة hp
لايعلى عليها
ياريت لو نسمع راى الباقين

 

[Abu Faisal]

هلا ابوراشد انشاء الله تكون طيب

ابوراشد اذا السعر مايفرق معك
عليك بسوني منزلبن بعد سنترينوا "اغلب الشركات تستخدم معالجات انتل سنترينو"


شوف الديل ممتاز ورخيص بس ثقيل وكبير الحجم

انت ايش اكثر شي يهمك في الجهاز
يعني رتب اولوياتك

سعر+حجم ووزن+ مواصفات+.....

لان اختيارك لشركه يعتمد عليها

انا اقضل ال جي الجديد عشان حجمه وسعره مناسبين ومواصفاته لا باس فيها

 

[Day_trading]

هلا ابو فيصل والله انا الجهاز اللى عندى ديل سرعتخ زينة 2400 بانتيوم 4 بس الناس يقولون ان السنترينو ممتاز من كل النواحى اما جهاز lg وجهاز سيمينس مايمدحون الصوت عندهم والا ديل جهاز غني عن التعريف انا عندى جهاز ديل من سنة 96 سرعته 400 2 جيجا الرام 32 تصدق للحين معمر ويستخدمونه البيت كله للمدرة وطباعة البحوث فعلن ديل جبار اما انا سمعت ان hp جهاز ممتاز قصدى من التغيير مواكبة العصر نجرب السنترينو يمكن اخذ ديل سنترينو والاسعار اضنها رخيصه فى السعودية صراحة

 

[الريان]

بالنسبه لسيمنسز ترا سماعاته مو قويه حيل بس جنه في موديل في سماعات قويه


وصدقني شي مجربه اخسن من شي لاتعرفه خلك عند ديل سوني توشيبا وهم سيمنسز ( صناعه يابانيه المانيه )

 

[Abu Faisal]

اذا بتتحمل الوزن خلك على الديل
ممتاز
بس على فكره ترا مارح تحس بفرق في السرعه في السنترينو عن الي عندك
الفرق انه فيه واير لس نتورك تجي في نفس المعالج
رائد انه مايستهلك البطاريه بسرعه

اهم شي انك تاخذ الرام تكون 512 اقل شي قابل لزياده هذي المهمه والا تحتاجها للشارتات الكبيره بالجافا وغيره من القرافكس

وبالتوفيق يابو راشد

 

[kuwaitstar]

جهاز hp

السلام عليكم شباب
بالنسبة لي انا استعمل جهاز Hp سنترينو 1.5
بصراحه ممتاز وخفيف وسرعته حلوة وبالنسبة لحراره الجهاز في تقريبا معدومه يعني انا اشغل الجهاز عندي اكثر من ثمان ساعات ما اشتكي من الحراره او غيره والحمد لله

 

[Day_trading]

مشكورين يا اخوان على الردود الطيبة

 

[الفهلوي]

السلام عليكم شباب
بالنسبة لي انا استعمل جهاز Hp سنترينو 1.5
بصراحه ممتاز وخفيف وسرعته حلوة وبالنسبة لحراره الجهاز في تقريبا معدومه يعني انا اشغل الجهاز عندي اكثر من ثمان ساعات ما اشتكي من الحراره او غيره والحمد لله

توكل على الله واشتر HP لأن خدمتهم جيدة

بس اهم واهم شيء الكفاله حتى ما تتوهق بالجهاز

انا عندي كومباك ( HP حاليا بعد الإندماج ) من حوالي ثلاث سنين واكثر من مرة خرب مره خرب الماذربورد والمروحه وقامت الشركه على طول بتبديلهم مجانا ، واخر خراب قبل اسبوعين ضرب عندي الهارديسك ودخلته الشركه على الكفاله .

احرص على ان يكون فيه كفاله دوليه لا تقل عن ثلاث سنوات .. سبحان الله الدنيا واحوالها ، وعشان تكون مطمئن . ​