الانااااااااااااااااابيب

[rofsh]

عيدكم امباااارك وعساكم من عواده
تري ياجماعه سهم الانابيب ورااااه ارتفاع موطبيعي متوقعله خلال شهر مو اقل من 1.500 لاانه فى احتمال عقد يعلنون عنه خلال اسابيع قادمه ومتوقع من العقد انه يخربط احسابات الاربعاع كلها واذي امتابعين حركه السهم قبل اسبوعين ارتفع يومين حد اعلى حسب مصدر انه راح يعلنون عن العقد بس تأجل لمدة اسابيع معينه (( انا صراحه اوصي بمتابعه السهم قبل الشراء حرصا على المصداقية )) والعهدة على الراوي

 

[حكيم الراي]

مالك السهم

تقبل الله طاعتكم
والعيد عليكم مبارك
اخي العزيز rofsh السلام عليكم
صدقني ان قلتلك املك السهم وبالاجل و بسعر علي جدا وخسارتي الان مايشيلها حمالي . وماني خايف الى لحظة قرآتي رسالتك !!!!!!!!!!!
الان بدا الخوف يدخل قلبي لان كلامك خلال شهر رايح 1500 والعقود قادمة وووووووو
هذا الكلام والموال سمعناه على اسهم كثيره مدمرة مثل جيزان - سفن- .........الخ
الله يرحم والديك لاتقول مثل هذا الكلام وانت غير متاكد علاشان مادمر غيرك ويدعون عليك.
واسمح لي قساوة التعبير وارجوك لاتزعل علي وعيدك مبارك

 

[rofsh]

حبيبي حكيم الراي

تمووون يالغالي بس اسئل عن السهم وانا ماقدر ابيعك السمج بالماي ( مثل كويتي قديم ) تري لو تسئل عن السهم وعن اسباب انخفاظ سعره راح ايقولولك واحد من هذة الاعذار :
1- خسارة مناقصة النفط وفوز تحالف السفن
2- خسارة محافظ الانابيب
3- عدم دخولها او فوزها في مشروعات فى العراق
اخي الكريم (حكيم الراي ) تابع السهم ودعيلي وانا مثلك شاري اجل بس سعري اقل (( 850 )) والله كريم وكل عام وانت ابخير وتقبل الله طاعتك ومشكور على هل النقد البناء

 

[TechnoFund]

روفش .. لك مني رسالة عالخاص .. ليتك تجيك عليها ولا عليك أمر !

 

[rofsh]

عزيزي starbucks
مبارك عليك الشهر وتقبل الله طاعتك
انا شفت الرسالة ونزلتلك فايل الاكسل عن الانابيب حق برنامج metastock
من شهر 9 الى شهر 11
وتمني ينال الرضا

 

[TechnoFund]

مو هذا اللي بغيته يا الغالي روفش ..

المعلومات اللي عطيتني إياها - مشكوراً - عندي ..

أنا ودي أعرف بصراحة .. مصدرك عن الخبر اللي أوردته عن الأنابيب ..

بصراحة اتوقع للسهم أن يكون حديث السوق بالمستقبل .. وحبيت أسمع الخبار المتعلقة

بالسهم .. فقط ..

ومشكور وما قصرت ..

 

[حكيم الراي]

to rofsh & starbucks

السلام عليكم
اخواني تداولتوا الرسائل الخاصة وما عرفت الصافي .
ياجماعة بشروني او اصدموني بس ابي اعرف شنو راح يصير بالايام القادمة السهم بالحد الاعلى او الادنى .
ومتى راح يكون فوق الدينار .
نعم نعم نعم توقعاتكم والعلم عند الله .
احنا اندردش ولا احد يتحمل اخطاء الغير !!!!!!!!!!!
والقرار لك وحدك

 

[حكيم الراي]

الي عنده علم يدخل

اخواني الكلام كثير عن الانابيب الي يوصل السهم فوق والي يجيبه الارض !!!!!!!!!!!
وفي مدة لاتتجاوز الشهر !!!!!!!!! اشك بمصداقية هذا الكلام
الي عنده معلومات ومصادر لايبخل علينا
والي يعرف كميات الاجل يفيدنا
وجزاكم الله خير

 

[bufahad]

نورونا يا جماعة بالاخبار والتحليلات الفنية للسهم ترى خسران لي راسي