السلام عليكم ورحمة الله وبركاته
يقولك " الحمدلله انجزت في حياتي تخرجت وتوظفت والكرت كل يوم يطقه له الفرّاش "
واقوله" امحق انجاز
يقولك " تزوجت وصار عندي عيال وعندي بدال الخدامة ثنتين للعيال طبعا وهو والمدام
هذا انجازهم بالحياة وفخورين فيه "
وانا اقول " امحق انجاز
موضوع بصراحه غاثني بحياتي ,, وكل شخص يمكن يشوف بموضوعي وجهة نظر مختلفه
بس انا قصدي واحد ألا وهو اللي أنــا كتبته
الموضوع انه فيه ناس كثيرين يدّعون المثاليه بحياتهم ويقولون اشياء وما يسوونها
وطبعا اكثريه مو اقليه للاسف
يعني مثل اللي يتوظف وخلاص همه المعاش ويرتاح بوظيفته هذا انجازه بالحياه
ومثل اللي تتزوج وتجيب عيال وتقطهم على الخدامه وتتفرغ للسوق ولدوامها ولخرابيط أخرى
وتعتبر هذا انجاز ,,
أنا بصراحه ما اشوف بهالامور انجاز نهائيا
ولازم كل انسان يكون له هدف بحياته
ويحققه ولا يستسلم لظروف الحياة القاهره
وللنقاش ابي تعريفكم للانجاز وهل توافقوني الراي أم لا ؟؟