شيروا عليها جزاكم الله خير

[engineeriah]

السلام عليكم ورحمة الله وبركاته

صديقتي مطلقه وعندها ولد وبنت من طليقها .. والقاضي حكم لهم بنفقة الاولاد فقط لانه معاش الاب لايكفي ولانه تزوج وعنده عيال... المهم ولدها عمره 15 سنه ..راحت الاسكان تبي بدل ايجار قالوا ماتستحقين ...ولا يصير تقدمين على طلب اسكاني...!!!


شنو اقتراحاتكم ؟؟؟ وهل اللي قالوه لها صح ولا على ناس وناس؟!! واذا في مخرج ثاني يريت تعلمونا... وجزاكم الجنه يارب

 

[fayoona74]

كلام الاسكان صح
الحل انها تطلب اجرة سكن وترفع دعوى فيها
بعدين ليش بس نفقة اولاد وين نفقة الحضانة (للبنت حتى 9 والولد حتى 7) واجرة خادمة
اقترح عليها ترفع دعوى باجرة خادم واجرة مسكن باسرع وقت
اما كتأجير مكان لها ولعيالها فهكذا حال المطلقات بالكويت لابدل اجار ولا طلب اسكاني ولا شي والله المستعان انشالله الامور الى حل

 

[مساهم11]

اختي ما وضحتي كم عمر البنت ؟
الولد انتهت حضانته واتصور الاب مخليه مع الام طواعيه
واتصور البنت كذلك
لان مالها اي شي ولا راح تاخذ منه شي في هذي الحاله
لان القانون معه

بالنسبه للاسكان الحق القانوني للوالد فقط
ولا شي للمطلقه

اختي هذا الامر ما فيه شرايكم مهي بيعه ولا شروه
هذا قانون

 

[fayoona74]

مساهم ماقريت بالقانون ان البنت تنتهي حضانتها بزواجها والدخول !!
شلون تنتهي حضانتها وشلون مالها شي ؟؟

اقرا القانون عدل
اجرة الحضانة تنتهي لكن نفقة المحضون ماتنتهي
والمرة لها حق تطالب في بالمحكمة والقانون بصفها وهذي مو بيعة وشروة هذي حقوق شرعية قبل ماتكون قانونية وانشالله الاسكان في طريقة للحل
لاتيأس صديقتج وانشالله تنحل امورها وهم لها حق تطالب بزيادة النفقة بالنسبة للبنت اما الولد اذا بالغ تكون كحاضنة انتفت الصفة عنها بالطالبة بحقوقه
حبيبتي نصحي رفيجتج تحط لها محامي او محامية يضبطها واييبلها حقوقها وانصحج بسارة دعيج او نيفين معرفي خبرة وقدامى