شباب عندي 7 الاف وابي مشروع صغير

[أزقــرتي]

السلام عليكم ورحمه الله وبركاته

الله يجزاكم خير

عند صاحبي مبلغ 7 الاف ويبي له مشروع يستفيد فيه


ياليت يا اهل الخبره تفيدونا ودزاكم الله خير

 

[al7oot511]

اخوي المضبغه اوكي ودخلها طيب ===
خياط نسائي
محل عبي
اي شي فيه للحريم
روح الصين وجيب شنط تقليد ماركات + شغلات كمبيوتر + اكسسوارات تلفونات الخ

 

[d`7an]

بسم الله الرحمن الرحيم

اخى الكريم اذا تبى استثمار طول الامد بالعقار بالنسبه للمبلغ اللى عندك ما فى اللى تشترى اراضى بالمملكه العربيه السعوديه تشترى اراضى ونساها وبعد فتره راح ترتفع الاسعار انشاء الله وانا اقترح انك دور بالمناطق اللى على الحدود الكويتيه مثل الخفجى ولا النعيريه ولا حفر الباطن تحصل اراضى بالمبلغ اللى عندك

وهذا رائى الشخصى تقبل تحياتى

اخوك دخان

 

[أزقــرتي]

الله يجزاكم خير جميعآ وبيض الله وجيهكم

ونشوف باقي الاعضاء

 

[LoVer26]

كراج سيارات او كهربائي سيارات وبنشر فيها فلوس

 

[Hamilton]

انا اوافق اخوي دخان رايه

او اذا تبي نصيحتي بس لازم تكون متابع ....
تشتري 3 باصات صغار بهالمبلغ يعني باصات موديل 2002 او 2003 مكيفه ونظيفه .....
وطلبة المدارس الصبح والموظفين والاهالي بعد الظهر ..... بس اقولك لازم تكون فاهم بهالشغله والله يرزقك

 

[كويتي مزايد]

يييب سيارات من بره مستعملة وتكون مرغوبة هني وبسعر معقول
ولازم خبره

 

[العسكري]

انا انصحك بالسيارات
بس اهم شي الخبره ومعرفت الاسعار
والله يرزقك انشالله

 

[أزقــرتي]

الله يجزاكم الف خير ويعطيكم العافيه

 

[بدون مجامله]

اشتر فيها اسهم وريح بالك بشرط لا للبيع الا اول 2011

 

[أزقــرتي]

الله يجزاكم خير كلاكم على العين والراس

ونشوف الباقي

 

[سعود66]

انا اقول طق لك مره مزيونه ابرك من كل المشاريع يعني بنيه عمرها بالطعش

مشروع زواج وريح مخك

 

[b3b3]

شوف هذا الرابط ان شاء الله يفيدك

http://www.btalah.com/forumdisplay.php?f=12

وهذا

http://www.btalah.com/projects.php


الله يوفقك

 

[بن زيمه]

مصبغه شغل عدل.

 

[ابوبدر33]

انا اقول طق لك مره مزيونه ابرك من كل المشاريع يعني بنيه عمرها بالطعش

مشروع زواج وريح مخك[/qu
اضحكتني اضحك الله سنك ههههههههههههههههههههههههه

 

[shocked]

أخي الكريم

- خصص مبلغ 1000 دينار للمضاربة ( يعني تشتري بضايع من بره الكويت وتبيعه).
وذلك إلا أن تلقى مشروع طيب ، ولاتخلي الفلوس واقفه،

عليك بسياسة تفريخ المال.

 

[bol-bol]

الله يوفقك تبى نصيحتى والله لاتغامر انصحك طقطق فى مبلغ اصغير يب بضايع والله يسهل امرك

 

[bol-bol]

ابيلك الخير عندي المكان اهوة جاهز للمصبغه حته كواي الى يبى يشاركنى منطقه سكنيه بالعاصمه ومدخول طيب بس الشى يبيله واسطه ترخيص من البلديه الى عندة للاسف اقول واسطه يحب يشاركنى حياه الله اهم شى انسان يخاف الله يا جماعه وسلامتكم

 

[قناص_السوق]

حبيبي وايد هني ناس ما تفكر صح .... عبالها الدنيا سهله الي يقول خصص 1000 و استورد


حط ببالك العوائق الكميه التجاريه عليها ضرايب جمركية , بلد المنشأ قد يكون شحنه مكلف ربما تمر الشحنه على اكثر من بلد ترانزين و في احد الدول تتصادر , ربما للعلامة التجاريه وكيل ........ ألخ

 

[الباحث بوفيصل]

عليك بالصالون حلاق رجالي تمام