ياجماعه المنحه متى يصرفونها ؟

[ابو غانم]

طرحت السؤال يمكن أحد الاخوان الموجودين واصل وعروقه بالماي وعنده خبر

أهم شي قبل العيد ولا بعد العيد ؟

ترا فيها هبشة طيبه خاصة للشياب اللي عندهم عيال مثلي

 

[AL-Saa7R]

ياجماعه انا شفت من شوى لوحه مكتوب عليها ( نشترى المنحه الاميريه ) معقوله وصلنا لهدرجه

 

[nabeels8]

مساء الخير
أنا شفت بالوسيط نشتري أطفال دون 9 سنوات بقيمة 50 دينار والدفع مقدماااا

 

[عاشق_الفلسفة]

شدعوه من صجكم زلا تتغشمرون

 

[nabeels8]

مساء الخير
أخواني سمعت شؤون القصر بتزيد راس مالها باليهال حق المنحه

 

[الذهبي]

ما يصير

إذا كلامكم صج يعني وصلنا إلى مستوى الإنتهازيه والإنحطاط والله لايقول إنه فى ناس جذه وخل تهون الحكومة عن المنحة أحسن.
والله مايستحون

 

[nabeels8]

مساء الخير
يا جماعه نتغشمر

 

[أبو مشاري]

المنحه سيتم صرفها بعد العيد وليس قبله

 

[بـو راشـــد]

صدق من قال

صدق من قال انه شبـــاب الكويـــــت شماته :d :d :d :d

لا واحد من الربع يعتني بعياله وداير باله عليهم أكثر من قبل :
1- يفرش أسنانهم الصبح.
2- يسبحم .
3- يلبسهم ملابس رياضه ويركضهم.
4- يأكلهم بنفسه .
5- لا ويغسل إدينهم بعد .
6- وإلي عمره أقل من السنه يرضعه ويغسله لا ولبسه ....... إنتوا فاهمين.


هذا كله علشان المنحه والحكومه ما تزعل منه.
والله ما نقول إلا :

اللهم ديمها علينا نعمه ولا تفرقنا ويحفظ لنا سيدي ووالدي صاحب السمو أمير البلاد المفدى أطال الله في عمره وعمركم جميعا.

 

[ابو غانم]

ياجماعه أنتوا وين حولتوا الموضوع نكت ومسجات التلفونات اللي عندكم .. اللي عنده فكره يتكلم عن الموضوع بجديه . وشكرا .

 

[مستثمر73]

ابو غانم

المنحة أحتمال شهر 12 أو 1 لأن الشغله ماهي سهله يبيلها تنسيق وحسبه طويله خصوصا أن هناك قصر وأبناء أرامل ومطلقات وطلبه معظمهم مالهم حسابات بالبنوك وعدد المستفيدين يفوق 800 ألف مواطن ..

فطول بالك عليها والله يرزقنا ويرزقك من فضله..

بالتوفيق

 

[ابو غانم]

أخوي مستثمر

مشكور طال عمرك على التوضيح .

 

[الشورى خالد]

السلام عليكم الاخوة الاعزاء كان هناك تصريح للشيخ محمد عبدالله المبارك بان كل شي جاهز ومحسوب حسابه بس لازم يوقع مجلس الامة عليه يعني التأخير ليس من مجلس الامو فقط ولكن الالية اي البروتوكول يعني دورة بسيطة شوية تواقيع

 

[المدير]

السلام عليكم .....

لقد قرأت في جريده الوطن الصفحه الاولي بان المنحه سوف تصرف

بدايه 2005 .... تدرون ليش!!!

علشان يذلون الشعب فيها واذكرك كل واحد بعد صرفها سوف ياخذونها

بطريقه ملتويه .. الشعب كله 800 الف .


الله المستعان ...

 

[السهم الأصفر]

القبس ليوم الأثنين الموافق 8/11/2004

آلية صرف المكرمة الأميرية

- الموظفون: عن طريق ديوان الخدمة المدنية.

- المطلقات: عن طريق وزارة الشؤون.

- القصر: الهيئة العامة لشؤون القصر.

- المتقاعدون: التأمينات الاجتماعية

- بقية المواطنين غير الموظفين: عن طريق البنوك (البطاقة المدنية).


مع تحيات : السهم الأصفر ( knpc )