اكسسوارات رانجلر و شيروكي

[aalsubaiee]

السلام عليكم ,,,


يا جماعة موضوعي حق اصحاب الجيب ( رانجلر و شيروكي فقط) اللي يبي أي اكسسوارات مثل:

رفعات
سستم شوتة
سنوركل حق الشوتة
دعاميات تفصال
كشف طربال حق الرانجلر
كشافات اصلية
مداقر
سستم اقزوز
هيدرز

ان شاء الله اقدر اوفرها ,, و كل الاغراض ا ييبهم من امريكا ما عدا الدعامية التفصال انا اسويها اهني بالكويت, و الرفعات اللي اييبهم مو أي رفعة رفعة امريكية و من اجود الانواع اللي بالسوق الامريكي ماركة Rough Country و صورة الرانجلر اللي بالمرفق مرفوع من نفس الماركة رفعة 4 انش. و في ماركات بعد هم قوية مثل Pro Comp و غيرهم.

و يا جماعة اللي عنده أي استفسار يا ريت لو يتصل على : 67789899 أخوكم عبدالله السبيعي

مرفق بعض الصور.

 

[BO NASSER40]

السلام عليكم

بغيت اسال عن الربل اللي يصير عالمداقر جدام وورى حق موديل 94 جم اسعارهم

وشاكرلك

 

[aalsubaiee]

السلام عليكم

بغيت اسال عن الربل اللي يصير عالمداقر جدام وورى حق موديل 94 جم اسعارهم

وشاكرلك

يعطيك العافية اخوي, بالنسبة للربل للاسف ما حصلت و اذا تبي مداقر يدد نفس الوكالة 6 قطع سعرهم كاملين 95 دينار واصلين لكويت و اذا تبي اللي فيهم براغي سعرهم 180 دينار واصلين ان شاء الله و حجمهم اكبر من ملوت الوكالة حجمهم 6 انش.

الصورة الاولى نفس الوكالة.
الصورة الثانية مداقر البراغي.

 

[BO NASSER40]

مشكور ولد عمي

بس اللي نفس ملوت الوكاله اصليه ولا تجاري

باقات الرينيجيد جم اسعارهم ادري اذيتك استحملني اشوي

 

[aalsubaiee]

مشكور ولد عمي

بس اللي نفس ملوت الوكاله اصليه ولا تجاري

باقات الرينيجيد جم اسعارهم ادري اذيتك استحملني اشوي

لا افا عليك تآمر أمر, اخوي بالنسبة للمداقر تجاري بس من افضل الشركات اللي تصنع حق الرانجلر "Rugged Ridge" و افضل من الوكالة بعد , لان قامو يستخدمون مادة عشان ما يبهت لون المدقر مع الشمس.

و للاسف اخوي ما حصلت باقات.

و اي شي تبيه حق الرانجلر و لا غيره لا يردك الا السانك.

 

[DollaR777]

السلام عليكم

عندي شيروكي 2001 بغيت اركب شوته وهدرز جم سعر كل حبه؟

 

[aalsubaiee]

السلام عليكم

عندي شيروكي 2001 بغيت اركب شوته وهدرز جم سعر كل حبه؟

اخوي سستم شوتة كامل ماركة k&n نفس الصورة الاولى سعره 190 دينار واصل للبيت ان شاء الله.

و اذا تبي سنوركل و توصله على الشوته مالت الوكالة نفس الصورة الثانية سعره 165 دينار واصل ان شاء الله.


و بالنسبة للهدرز نفس نفس اللي بالصورة الثالثة borla سعرة واصل للبيت بـ 295 دينار.


و اذا في اي شي انا حاضر و تقدر تتصل علي : 67789899

 

[فودري]

اخوي عندي هالشروكي الي بالصورة ...
ابي المداقر الي تخليه متفخ
وابي سستم شوته وهدرز بس مو بنفس السعر الي قلت عنه
او شوف لي غيرهم لانهم بصراحه اسعارهم مرتفعه شوي وياريت تحط لنا صور عن الدعاميات التفصال للشروكي ​

 

[aalsubaiee]

اخوي عندي هالشروكي الي بالصورة ...
ابي المداقر الي تخليه متفخ
وابي سستم شوته وهدرز بس مو بنفس السعر الي قلت عنه
او شوف لي غيرهم لانهم بصراحه اسعارهم مرتفعه شوي وياريت تحط لنا صور عن الدعاميات التفصال للشروكي ​

مشاهدة المرفق 137211

اخوي يا ريت لو تتصل علي 67789899 اخوك عبدالله السبيعي

 

[DollaR777]

مشكور اخوي بس سعر وايد غالي
اذا عندك شوته مستعمله او هدرز مستعمل بحاله زينه انا اشتريهم منك

 

[aalsubaiee]

مشكور اخوي بس سعر وايد غالي
اذا عندك شوته مستعمله او هدرز مستعمل بحاله زينه انا اشتريهم منك

والله اخوي للاسف ما عندي مستعمل, و بالنسبة للاسعار انا الشوتة اللي قاقد اتكلم عنها k&n من افضل النواع اللي بالسوق و انا اهيه سعرها غالي بالاساس, و بالنسبة للهدرز بعد ماركته borla وما يحتاي اتكلم عن هالماركة و لا تنسى ان سعر الشحن بروحه يوصل الى 40-50% من سعر الاغراض.

على العموم اذا تبي اشوفلك شوتة او هدرز من برة مستعمل انا حاضر.

 

[DollaR777]

اي والله لو تشوفلي مستعمل رخيص وكويس هاذا رقمي99644516 عبدالله
مشكور وما تقصر

 

[range2008]

سلام

خوش شغل الله يعطيك العافيه ......دعاميه وايد حلوه اذا هذا شغلك ....كان عندي خوش رانجلر بس بعته للاسف ...موفق خير ولد عمى

 

[BO NASSER40]

اشكرك يالسبيعي
على سعة صدرك
للرفـــــــــــــــــــع

 

[ابوفيصل2008]

موفق يالغالي
والله يرزقك

 

[بـو خــالــد]

صباح الخير

اخوي احصل عندك الحديده اللى تركب بالشاصي مالت القلص ؟؟

شيروكي سبورت موديل 97​

 

[aalsubaiee]

اي والله لو تشوفلي مستعمل رخيص وكويس هاذا رقمي99644516 عبدالله
مشكور وما تقصر

ان شاء الله اخوي عبدالله .. انا اشوفلك هاليومين و اردلك خبر.

خوش شغل الله يعطيك العافيه ......دعاميه وايد حلوه اذا هذا شغلك ....كان عندي خوش رانجلر بس بعته للاسف ...موفق خير ولد عمى

الله يعافيك اخوي و مشكور على الاطراء, و نعم هذي الدعامية شغلي هني بالكويت. و نصيحتي اخذلك رانجلر ثاني, يسوى

اشكرك يالسبيعي
على سعة صدرك
للرفـــــــــــــــــــع

افا عليك بو ناصر ,,, تآمر امر و ما سوينا شي يالغالي.

موفق يالغالي
والله يرزقك

مشكور بو فيصل و عسى الله يوفق الجميع ,, آمين.

 

[aalsubaiee]

صباح الخير

اخوي احصل عندك الحديده اللى تركب بالشاصي مالت القلص ؟؟

شيروكي سبورت موديل 97​

مشاهدة المرفق 137257

صباح النور اخوي بو خالد , بالنسبة للقلص انا ما عندي جاهز بس اقدر افصلك وحدة و احسن من هذي بعد , و تتحمل تسحب ان بغيت طراد 40 - 50 قدم. و تكلفك 50 دينار بس شغل نظيف نظيف. اذا عزمت اتصل فيني: 67789899 اخوك عبدالله السبيعي.

 

[BO NASSER40]

يستاهـل
السبيعي
للرفــــــع

 

[aalsubaiee]

يستاهـل
السبيعي
للرفــــــع

تستاهل الطيب يالغالي و ما قصرت