شريت مستعمل ..؟ بالعافيه لكن وين فاتورة الشراء ..!! سألت نفسك هالسؤال ..؟

[وقاص]

السلام عليكم ورحمه الله وبركاته

أخواني من باب الحيطة

لما الواحد مننا يشتري شغله كهربائية مستعمله

أطلب معاها فاتورة الشراء

وهذا الشي من حقك

وإن لم توجد فـ على الأقل

ورقة تبين الرقم التسلسلي + النوع والموديل

والبائع يوقع على بيعها


الأمر تنبيهي فقط والهدف منه مصلحة الأخوان والسبب حبي لكم بالله عز و جل​

 

[WEST LIFE]

جزاك الله خير على التنبيه يالغالي

كلامك سليم والله

 

[Abdulla990]

جزاك الله خير و كلامك صحيح
انا لقيت اجهزة جديدة و بالكرتون في منتدى ثاني و اسعارها مغرية لكن لما قال البائع انها بدون اوراق او فواتير صرفت النظر عنها
لازم على الأقل تكون فيه ورقة مبايعة و فيها رقم الجهاز التسلسلي

 

[Rowdy]

جزاك الله خير كلامك صحيح

لآنه احيانا تكون فيه اجهزه مسروقه ومباعه على المحلات والمحلات باعتها عليك وبالاخر ليما توديها تصلحها يطلع عليها بلاغ سرة وطيح برأسك

 

[Rowdy]

انا اقصد محلات التكيش والمستعمل اللي بسوق الجمعة وانتو عارفين شنو قصدي

 

[mmf]

البطاقه المدنيه

السلام عليكم وتقبل الله طاعتكم جميعآ

كل الشكر لمن ابدا بالموضوع

بنسبه للأوراق اذا موجوده زين واذا مو موجوده يرجى تصوير بطاقة البائع مع رقمه النقال والتوقيع على الصوره من الخلف وذكر البيع لسلعه وهذا حق من حقوق اي شاري لتفادي المشاكل ودمتم جميعآ​

 

[اHYM]

في شغلات بسيطه ما يحتاج فيها فاتورة .. ثمه شخباري فاتورة أغلب الشركات و الماركات الكبير تمشي على سيريال نمر خصوصا في موضوع الكفالة.. و سالفة مسروقه ماني شايف شغلات بالمنتدى تستاهل تسرق كلها أجهزة بسيطه صغير بالكثير كمبيوترات و شاشات ماني شايف سيارات .. ربعنا يا شغلهم طلبيات و من الصين او شغل إيده سواء من عطور او مرفقاته و جذيه .. من صجكم فاتورة .. يبه صلو على النبي ..

 

[BO NASSER40]

السلام عليكم

ياجماعه صاحب الموضوع كلامه عدل 100%
ولا تستهينون بحجم القطعه سواء صغيره او كبيره

اذا البايع باعك شنو المانع بان يكتب ورقه مبايعه
اذا رفض ممكن يكون اهو ما يحب يكتب مبايعه او انه البضاعه اللي بايعها لك تكون مسروقه

الحذر زين