طالب بدون يطلب العون فهل لة من معين...

[تفكير تجاري]

السلام عليكم ورحمة الله وبركاتة

كيف الحال شباب ...شخباركم...

في شاب (بدون) يدرس في الجامعه المفتوحة اللي بخيطان وسجل مواده للفصل الاول

وطلعت الرسوم الدراسية (426) دينار وطبعن الطالب متزوج من ثلاث اسنينوعندة مصاريف

وراح للامانه العامة للاوقاف وطردوة ((يبون احصاء65) .......(لاتعليق) ورب الكعبة واللي مو مصدق

يراجعهم ويشوف...

والحين الرجال محتار شنو يسوي ...فيا شباب اللي يعرف فاعل خير مقتدر يدلنا علية...وشكرا

علما بان كل الاوراق الرسمية من الجامعه موجودة وشكرا


للتواصل 66651807 ابو علوش

 

[general]

متزوج ثلاث ؟
الله يقدره وياخذ الرابعه

 

[خالد ك]

يقولك متزوج من ثلاث سنين ... الكويتي مو قادر ياخذ الثانيه وانت تقول ثلاث

عسى الله يكون بعونه

وان شاء الله الاخوان بالمنتدى ما يقصرون معاه

 

[سم سعد سم]

الله يوفقه وان شاء الله يلقى الي يوقف وياه

 

[مضارب ضايع]

الله يرزقنا ويرزقك امين

 

[بو جابر]

الله يعين العالم
عيل وين الجمعيات الخيريه اللى تارسه البلد وتطلع بالملايين وينها عن الشباب أمثال الاخ اللي تتكلم عنه ولا نصها بجيوبهم وتاركين المساكين !!!!!!!!!!!!

 

[Hamilton]

الله يعين العالم
عيل وين الجمعيات الخيريه اللى تارسه البلد وتطلع بالملايين وينها عن الشباب أمثال الاخ اللي تتكلم عنه ولا نصها بجيوبهم وتاركين المساكين !!!!!!!!!!!!

صح لسانك ,,, انت وانا وغيرنا يقولون هالكلام وليت حكومتنا تلتفت لهالجهات ,,, اما انها تساعد محليا وتحل مشاكل خلق الله
او يسكّرونها ويفكونا من القهر
ملايين تروح لبيت الزكاه وما شفنا الناتج على ارض الواقع
كله يقولون لنا : حفرنا بير في السودان او بنينا مسجد في الكونغو
غير التبرعات عندهم مبلغ يوصلهم من الحكومه وهم عندهم عائد ايجارات عقارات
وكل هذا ما نشوفه ؟؟؟ وسبحان الله سبحان الله ( يعني لا تفهموني غلط بليز ) ثلاثة ارباع اللي ماسكين هاللجان الخيريه حالتهم الماديه عال العال ؟؟؟؟
الحين عرفت يا بوجابر وين فلوسهم .....

 

[GMC يفرض هيبته]

السلام عليكم

الاخ ( تفكير تجاري ) تعودنا انسانيتك في مواضيعك والله يعطيك على قد نيتك

وصاحب الموضوع(بدون) ماشاءالله عليه 1-متزوج من 3 سنوات
2- يدرس بجامعه تقريبا مجانية ..
3- انت ادور له فاعل خير ..

وفيه أخوان لك (كويتين ) 1- بعضهم متزوج ومتوهقين وبعضهم منفصلين واغلبهم عزوبيه
والسبب القروض وبنات البنوك الي واقفين عند كل بوابة عسكرية عند بداية تخريج الدفعات
علشان الشباب الي كامل 21 يحول راتبه وياخذ قرض 25 ألف ..؟؟؟
2- الجامعة ؟؟ الفلبين والهند وسلوفاكيا وروما((ام 25وشهادتك بجيبك))ومصر والاردن والبحرين
و و و أالخ ..يعني اخوانك الكويتين صارو رحالة علشان يقدرون يدرسون جامعه ..؟؟
3- بالتوفيق إنشاءالله لك وله ...

 

[بوفهيد]

عندي تعلق خارج الموضوع اتمني تتقبلونة مني

الله يعين العالم
عيل وين الجمعيات الخيريه اللى تارسه البلد وتطلع بالملايين وينها عن الشباب أمثال الاخ اللي تتكلم عنه ولا نصها بجيوبهم وتاركين المساكين !!!!!!!!!!!!

لجنةمسلمي اسيا : بلغت قيمة مساعداتها الخارجية 1.2 مليون دولار عام 2007
لجنة مسلمي افريقيا : بلغت قيمة مساعداتها الخارجية 0.8 مليون دولار عام 2007
جمعية احياء التراث الاسلامي : بلغت قيمة مساهماتها الخارجية 0.5 مليون دولار عام 2007
جمعية الاصلاح الاجتماعي : بلغت قيمة مساهماتها الخارجية 0.43مليون دولار عام 2007
لجنة العون : بلغت قيمة مساعداتها الخارجية 8 مليون دولار عام 2007
لجنة الهلال الاحمر الكويتي : بلغت قيمة مساعداتها الخارجية 326 مليون دولار عام 2007

مابي اقول كم قيمة مساعدات الحكومة الرسمية و باجي الجهات الى انتو تعرفونهم و ما ابي اذكرها علشان لا نثير الطائفية

صج لو قالو عين عذاري

المصدر : مجلة المجتمع