سؤال للعموم ولاخونا جنرال

[ezee]

السلام عليكم ورحمة الله وبركاتة

اخوانى شرايكم باسواق القرين

طبعا اسواق القرين اهى المشروع الجديد اللى فى صبحان

شرايكم اغامر واخذ لى محل بصراحة انا متردد ومحتاج شوركم

شنو افضل نشاط وهل المحلات لها مستقبل

اخوانى تشوفونة كمشروع

حلو ولا مطول وهل اللى بياخذة بيلقى مردود او يقدر يضمنة

انا محتاج شوركم ونصايحكم ودى اخذ ومتردد واخاف يطيح بجبدى

ابى شرح كامل عن المشروع ككل اللى بالقرين وشنو افضل الانشطة وهل انطر ولا الوقت هذا مناسب

وجزاكم الله كل خير و السلام ختام​

 

[راشد الماجد]

والله صح كلامك اخوي
اسمحلي على التدخل
بس ممكن اعرف يااخوان وش رايكم في مشروع مغسلة سيارات في اسواق القرين ؟
وشكرا لكم

 

[general]

للاسف الشديد محلات اسواق القرين لحد الان اثبتت فشلها (في وقت الحاضر) والكثير منهم تخلف عن سداد الايجارات او ترك المحل . وانا اضحك على هذيل الي يفكرون يبيعون المحلات أو يضمنون المحل وبنفس الوقت لايزال محلات فاضيه يعطونك ياها على ايجارها , والاسباب الرئيسيه الي راح تسمعونها اهي الي فشلت اسواق القرين وصدقوني كلام عمركم ماراح تسمعونه
1- تم افتتاح اسواق القرين في اشرس ازمه ماليه (الازمه العالميه) وكثير من الشركات عزفت عن التفكير في التوسعه واخذ محلات اسواق القرين .
2- تم طرح محلات بكميه كبيره دفعه واحده مما اعطى لمخيله المستأجر ان مافي شي راح يميزه عن غيره لان لكل من هب ودب يتسطيع ان يفتح محلات.
3- المبالغه في تحديد سعر الايجارات واكبر دليل تخفيض الايجارات لاحقا .
4- المبالغه في ارسال صوره واقعيه للمكان للعميل والجمهور وصل الى درجه عده مجمعات خصصوها للنشاط الفلاني فقط (مادري قاعدين بكاليفورنيا وعدد سكان الكويت 25 مليون نسمه) .
5- فتح المجال للمستأجر ان يستأجر بأي موقع يحبه (تسبب هل شي في تشتيت التجمع وصار بشكل عشوائي ) عده محلات صاير بنص الصحراء .
6-ايهام المستأجر ان له امكانيه بترخيص اي نشاط يحبه (وكثير من اصحاب المقاهي لا يزالون من غير ترخيص ) والسبب عدم موافقه التجاره على بعض الانشطه .

بخلاصه هذي الاسباب ادت الى فشل اسواق القرين
واعيد واكرر هل كلمه (لغايه الان)
لعله يي بعد 10 سنوات والمحل الواحد يسوى 100 ألف ونتحسر ان ليش ماخذينه لكن لو علمت الغيب لاستكثرت من الخير , لكن قناعتي الشخصيه ماشوف هل مكان راح يوقم حظه بالشكل الي نتصوره

 

[almoress]

للاسف الشديد محلات اسواق القرين لحد الان اثبتت فشلها (في وقت الحاضر) والكثير منهم تخلف عن سداد الايجارات او ترك المحل . وانا اضحك على هذيل الي يفكرون يبيعون المحلات أو يضمنون المحل وبنفس الوقت لايزال محلات فاضيه يعطونك ياها على ايجارها , والاسباب الرئيسيه الي راح تسمعونها اهي الي فشلت اسواق القرين وصدقوني كلام عمركم ماراح تسمعونه
1- تم افتتاح اسواق القرين في اشرس ازمه ماليه (الازمه العالميه) وكثير من الشركات عزفت عن التفكير في التوسعه واخذ محلات اسواق القرين .
2- تم طرح محلات بكميه كبيره دفعه واحده مما اعطى لمخيله المستأجر ان مافي شي راح يميزه عن غيره لان لكل من هب ودب يتسطيع ان يفتح محلات.
3- المبالغه في تحديد سعر الايجارات واكبر دليل تخفيض الايجارات لاحقا .
4- المبالغه في ارسال صوره واقعيه للمكان للعميل والجمهور وصل الى درجه عده مجمعات خصصوها للنشاط الفلاني فقط (مادري قاعدين بكاليفورنيا وعدد سكان الكويت 25 مليون نسمه) .
5- فتح المجال للمستأجر ان يستأجر بأي موقع يحبه (تسبب هل شي في تشتيت التجمع وصار بشكل عشوائي ) عده محلات صاير بنص الصحراء .
6-ايهام المستأجر ان له امكانيه بترخيص اي نشاط يحبه (وكثير من اصحاب المقاهي لا يزالون من غير ترخيص ) والسبب عدم موافقه التجاره على بعض الانشطه .

بخلاصه هذي الاسباب ادت الى فشل اسواق القرين
واعيد واكرر هل كلمه (لغايه الان)
لعله يي بعد 10 سنوات والمحل الواحد يسوى 100 ألف ونتحسر ان ليش ماخذينه لكن لو علمت الغيب لاستكثرت من الخير , لكن قناعتي الشخصيه ماشوف هل مكان راح يوقم حظه بالشكل الي نتصوره

ما شاء الله عليك ياخوي انا من متابعين أفكارك

الله يزيدك من علمه ويوفقك لما يحب ويرضى

 

[ostath]

انا اشوف انه الواحد اهم شي يسويه...انه يزور المكان..يعني روح اسواق القرين...و اخذلك لفه هناك ..و شوف الوضع..و اسأل اصحاب المحلات اللي فاتحه...

 

[general]

ما شاء الله عليك ياخوي انا من متابعين أفكارك

الله يزيدك من علمه ويوفقك لما يحب ويرضى

احسنت طال عمرك

 

[Knights]

ما شاء الله عليك يا جنرال عيني عليك بارده طول عمرك خدوم وعقلاني ما شاء الله

 

[general]

ما شاء الله عليك يا جنرال عيني عليك بارده طول عمرك خدوم وعقلاني ما شاء الله

مشكورر