مسااااااعده تكفون تكفون

[مسكين الكويت]

يا جماعة عندي لاب توب شاري من شهر ونص تقريبا يديد من الوكيل وعندي كفاله .. امس طلعلي خطوط سوده على الشاشه والوان ومااتبين الشاشه كلش .. المشكله مادري اذا الوكيل يسويه ولا لا على الكفاله .. واذا يسوي شلون بدش على الكمبيوتر نفسه وامسح اصور اهلي فيه والملفات تكفون عطوني نصيحه شنو الحل شلون ادش على الكمبيوتر والشاشه جذي خطوط الوان وسوده

 

[hasan_q8net]

هلا اخوي
عندك حل ثاني انك اتصلحه على حسابك الخاص تروح في خوش ورشة بحولي
يفكك جدامك ويظبطة جدام عينك وانت تنطرة وتشوفة بالمحل
او في وصلة للشاشات lcd والبروجكتور توصلها من اللاب توب لهم
اول ما تشغل الكمبيوتر وتوصل الوصلة وتشوف الدسك توب عندك على شاشة البيت
واتشيل وتمسح اللي تبي
وبالتوفيق ان شاء الله

 

[zinger]

وده الشركة وصلح عندهم لأنه اذا عرفوا ان الجهاز تبطل خارج ورشتهم تسقط الكفالة
واللي قاله الأخ لك احسن طريقه وصل الجهاز باي شاشه
وامسح اللي تبي

 

[أبوفلان]

شوف طال عمرك

عندك الحل الي قالك اياه الاخ وعندك انك تفتح الهاردسك بنفسك وتركبه على جهاز ثاني وتنقل الي فيه

بس يبيلها واحد يعرف شوي اذا اضبطت سوها

 

[<العنزي>]

اخوي مالك الا طريقت اخووووك حسن

 

[بث مباشر]

انا مع كلام الاخ حسن تشوفلك وصلة وتشبكها مع التلفزيون واطلع الي فيه وموفق خير
وعندي لك نصيحة اخو لا تحط في الكمبيوتر صور الاهل او اشياء خاصة لأن في هكرز يبوق الشغلات هذي من غير ما تدري فالحرص واجب

 

[هادي33]

يالله اخووي معاك بوحسين ...

اشتر هالوصله يالطويل العمر !!! تحصلها بيوريكا او مكتبه جرير او اي محل بحولي محترم عندم وصلات:

1-نفس ألي بالصوره بالضبط :

((((لاحظ ان اثنينهم فيهم مسامير )))

2- تشغل اللابتوب وبعدين توصل اي طرف لللابتوب والثاني للشاشه الكمبيوتر العاديه او اي شاشه LCD او بلازما من الخلف .

3- تضغط مفتاح FUN او FN مع علامه الشاشه وغالبا ماتكون بأعلى الكيبورد
مثل الشرح بالصوره ....



واذا ما ضبط معاك ...كرر الطريقه كذى مره ....

..ونصيحه نفس ماقالو الشباب لحد يحط صور اهله بأي جهاز حتى الموبيل ...

وموفق ...​

 

[عـــنـــاد]

يالله اخووي معاك بوحسين ...

اشتر هالوصله يالطويل العمر !!! تحصلها بيوريكا او مكتبه جرير او اي محل بحولي محترم عندم وصلات:

1-نفس ألي بالصوره بالضبط :

((((لاحظ ان اثنينهم فيهم مسامير )))

2- تشغل اللابتوب وبعدين توصل اي طرف لللابتوب والثاني للشاشه الكمبيوتر العاديه او اي شاشه lcd او بلازما من الخلف .

3- تضغط مفتاح fun او fn مع علامه الشاشه وغالبا ماتكون بأعلى الكيبورد
مثل الشرح بالصوره ....



واذا ما ضبط معاك ...كرر الطريقه كذى مره ....

..ونصيحه نفس ماقالو الشباب لحد يحط صور اهله بأي جهاز حتى الموبيل ...

وموفق ...​

والله ..,. انا اقووول نفس اخــوي اضغـط عــلى المفتااحيـن وانشالله خيييييييييييييييييييييييير .


وشكرااا تحياااتي

 

[ولد^الكويت]

اخوي انا فكرتلك بفكره روح ود جهازك الشركه وقولهم الكمبيوتر فيه اشياء خاصه ابيكم تشيلولي الهاردسك وتعطونيه وانتم سو الجهاز علي راحتكم جرب الطريقه هذي اذا ماظبطت شوف طريقه الاخوان الي اهي الوصله

 

[UglyMe]

^^^ حجي ولد الكويت صح
انا صارت وياي وقلت لهم يشيلون الهاردسك
شالوه جدامي وخذيته وياي

واذا ما رضوا،، كلم الادارة مالتهم،، لأنه من حقك