هالمرة صار دوري بالسؤال .. ( رجاء للقانونين فقط ..فقط .. فقط)

[rahaly]

زملائنا القانونيين ... فقط

اذا صدر حكم بالتعويض المؤقت لشخص (مسئولية عقدية) ..

تهربا من الرسوم نوي اقامة دعوى تعويض مؤقت اخر بجزء من الضرر الحقيقي .. لان التعويض كبير وعليه رسوم كبيرة .. ولا نضمن الحكم لصالحنا .. فلا نريد ان نخسر رسوم كثيرة


السؤال ؟؟؟

من مر عليه حالة مماثلة .. او يدلنا على حكم تمييز بهذا الخصوص ..

في حكم تمييز يقول :
" الدعوى المرفوعة بالتعويض المؤقت تقوم على مجرد ثبوت الضرر دون بيان العناصر .. والمحكمة هنا تثبت المسؤلية فقط .. ولا تحدد الضرر ومداه .. الخ"


هذا الكلام .. هو اللي مخليني اتردد في اقامة دعوى تعويض مؤقت مرة اخرى


شغلوا مخكم القانوني معانا يا اخوان

هاليومين يا اخوان عشان أسس القضية .. والا راح ارفعها بطريقتي بدون حكم


مشكورين مقدما

 

[rahaly]

انا لقيت تخريجه لقضيتي ...

بس يبقى السؤال لتعميم الفائدة وتبادل المعلومات ..

شنو خلصوا القانونيين في القسم ؟

فيونة وينها ؟؟ " خرج ولم يعد "

 

[general]

لا تعليق قانوني لردود القانونيه بعد الاخ رحالي
لذلك لاتعب نفسك وتنطر احد يرد عليك
وانصحك ترسل رساله خاصه لرحالي واهو ماراح يقصر معاك

وان كلمته قوله ياي من طرف جينرال اهو راح يضبطك

وشكرا لك ياصاحب الموضوع يا رحالي

 

[rahaly]

لا تعليق قانوني لردود القانونيه بعد الاخ رحالي
لذلك لاتعب نفسك وتنطر احد يرد عليك
وانصحك ترسل رساله خاصه لرحالي واهو ماراح يقصر معاك

وان كلمته قوله ياي من طرف جينرال اهو راح يضبطك

وشكرا لك ياصاحب الموضوع يا رحالي

يا معود الحين رحالي خيه يفك عمره من هالمسألة .. عشان يفيد السائل

ويبقى السؤال ..

على فكرة ..

توقعوا ان القسم راح يتسكر ... لما احصل على الاجابة

طبعا قاعد ابحث .. مو لاقي اجابة
وكل اللي أسألهم .... ما في اجابة عندهم

وين نروح يا جنرال ؟؟
سوق الخضرة ؟؟

 

[ابو فوز]

الظاهر فيونه مشغوله هاليومين باعداد الفطورات واللقيمات وخلافه ... مافى لك الا تنطر عقب رمضان يا رحالى وفعلا الوقت قصير برمضان بسرعه يمر الوقت ولا يمدى الانسان يخلص اشغاله شلون عاد محاكم وقضايا الله يعين

ويالله رمضان كريم

 

[general]

الاخت العزيزه فيونه قدمت استقالتها وطلبت وقف عضويتها من المنتدى بشكل عام وقسم الاستشارات القانونيه بشكل خاص وتفرغت في عمل الكبب والقطايف واللقيمات ووضع الاعلانات في جرايد الاعلانيه الاسبوعيه مصحوبا برقم هاتفها للطلبات .

وشكرا

ملاحظة : مجرد مزحه

 

[بوغمازات]

اخوي انت سؤالك مو واضح 100% عطني مختصر القضيه وبعدين عطني سؤالك عشان اعرف ارد عليك ,,,,,,,,, وعموما كلمة تعويض كبيره وفيها كذا شغلات وتشعبات وظروف واحوال ,,,,,,

 

[rahaly]

اخوي انت سؤالك مو واضح 100% عطني مختصر القضيه وبعدين عطني سؤالك عشان اعرف ارد عليك ,,,,,,,,, وعموما كلمة تعويض كبيره وفيها كذا شغلات وتشعبات وظروف واحوال ,,,,,,

ما اقدر اوضح اكثر من هالتوضيح طال عمرك

عندك جواب .. جاوب على قد اللي فهمته من السؤال

شكرا .. حاول مرة اخرى

 

[general]

رحالي سألتك سؤال بالخاص وسحبت علينه بالاجابه وطلع لي رساله أليه تقول (عذرا الاخ رحالي حاليا مشغول ان شاء الله سوف يقوم بالرد على استفساراتكم القانونيه (بعد مايدخل المدعى عليه في السجن) بعد عام وشكرا

 

[fayoona74]

جكيتكم تحشون فيني
من قدك رحالي جينيرال عنده انت وبس والباجي خس
بس والله مشكورين ذاكريني كان النت عندنا في عطل شوي وهم بعد جزء من السبب اللقيمات والسنبوسة
رحالي افهم من سؤالك وهم بعد توضيح لبوغمازات ان صاحب القضية لان رسوم اقامة دعوى التعويض عالية بما ان المبلغ عالي بمعنى ان نسبة ال 2 ونص %لحد 10000 وفوق هالمبلغ نسبة 1% من قيمة التعويض تطلع مبلغ وقدره والريال مايعبر يدفع هالمبالغ للمحكمة عشان تقيد الدعوى وتنظر امام القضاء وبالتالي يبي يجزء المطالبة بدعاوى او دعوى تعويض مقت باعتبار ان دعوى التعويض الاصلية تشمل كافة عناصر الضرر وليس جزء منه
عدل رحالي وواضح يابوغمازات ؟؟
الحين رحالي في بالي كذا فكرة
الفكرة الاولى انك تسلفة ترا غشمرة

الفكرة الثانية عشان مايقط فلوس ويمكن يربح ويمكن يخسر وهم بعد لان ماعنده يرفع قضية بالمطالبة بقيمة التعويض عادي وبنفس الوقت يرفع دعوى اعفاءه مؤقتا من الرسوم لحين الفصل بالدعوى
اظن ماراح يعجبك هالحل بتقول زين بالله خسر او ربح جزء النتيجة بيدفع الرسوم كاملة بعد صدور الحكم

الفكرة الثالثة ان يرفع دعوى ندب خبير يحسب له قيمة الاضرار وطبعا اذا رضى بالتقرير بالنهاية يطلب من القاضي اجل لتسديد الرسوم ويطالب بالمبلغ امام نفس القاضي وبجذي يضمن انه دفع رسوم على مبلغ ضامن انه يربحه
حاسة انك بتقول مو قلنا ماعنده فلوس شلون بيدفع رسوم بقولك يتسلف يدبر نفسه
بالنهاية انا ماأيد سالفة فكرة دعوى التعويض المؤقت عشان يتهرب من الرسوم مادري شلون احس عوار راس ولف ودوران يالله قولنا شنو المخرج عندك خل نستفيد بافكارك بعدين ليش تقول بيسكر القسم شصاير ليكون في دعوى مرفوعة ضد القسم بتهمة الاسائة لمادري منو ؟؟

 

[rahaly]

جكيتكم تحشون فيني
من قدك رحالي جينيرال عنده انت وبس والباجي خس
بس والله مشكورين ذاكريني كان النت عندنا في عطل شوي وهم بعد جزء من السبب اللقيمات والسنبوسة
رحالي افهم من سؤالك وهم بعد توضيح لبوغمازات ان صاحب القضية لان رسوم اقامة دعوى التعويض عالية بما ان المبلغ عالي بمعنى ان نسبة ال 2 ونص %لحد 10000 وفوق هالمبلغ نسبة 1% من قيمة التعويض تطلع مبلغ وقدره والريال مايعبر يدفع هالمبالغ للمحكمة عشان تقيد الدعوى وتنظر امام القضاء وبالتالي يبي يجزء المطالبة بدعاوى او دعوى تعويض مقت باعتبار ان دعوى التعويض الاصلية تشمل كافة عناصر الضرر وليس جزء منه
عدل رحالي وواضح يابوغمازات ؟؟
الحين رحالي في بالي كذا فكرة
الفكرة الاولى انك تسلفة ترا غشمرة

الفكرة الثانية عشان مايقط فلوس ويمكن يربح ويمكن يخسر وهم بعد لان ماعنده يرفع قضية بالمطالبة بقيمة التعويض عادي وبنفس الوقت يرفع دعوى اعفاءه مؤقتا من الرسوم لحين الفصل بالدعوى
اظن ماراح يعجبك هالحل بتقول زين بالله خسر او ربح جزء النتيجة بيدفع الرسوم كاملة بعد صدور الحكم

الفكرة الثالثة ان يرفع دعوى ندب خبير يحسب له قيمة الاضرار وطبعا اذا رضى بالتقرير بالنهاية يطلب من القاضي اجل لتسديد الرسوم ويطالب بالمبلغ امام نفس القاضي وبجذي يضمن انه دفع رسوم على مبلغ ضامن انه يربحه
حاسة انك بتقول مو قلنا ماعنده فلوس شلون بيدفع رسوم بقولك يتسلف يدبر نفسه
بالنهاية انا ماأيد سالفة فكرة دعوى التعويض المؤقت عشان يتهرب من الرسوم مادري شلون احس عوار راس ولف ودوران يالله قولنا شنو المخرج عندك خل نستفيد بافكارك بعدين ليش تقول بيسكر القسم شصاير ليكون في دعوى مرفوعة ضد القسم بتهمة الاسائة لمادري منو ؟؟

اللهم اني صائم (بالنهار طبعا ) .....

فيونه باطول بالي معاج لان الناس صايمه

اولا : ترى قاعده تكلمين محامي .. وانتي الحلول اللي حاطتها .. اذا ما يفكر فيها محامي .. احسله يشتغل سبَاك

ثانيا : انا رفعت قضية ندب خبير .. الخبير انتهى الى ترك تقدير المسألة للمحكمة .. يعني انا اذا دفعت الرسوم .. مجازفة .. لان المبلغ كبير ... يعني ادفع مثلا 10 دنانير والقاضي تكون قناعته 1 د,ك اكون دفعت رسوم اكثر من التعويض ..

ثالثا : انسي الاعفاء المؤقت ما يغير شئ .. اذا خسرنا الدعوى الزمونا بالرسوم ...

رابعا : عندي حكم بالتعويض المؤقت .. يعني الخطأ ثابت على الخصم .. والمشكلة بتحديد مقدار التعويض النهائي والرسوم ..

خامسا : انا قايل السؤال للقانونيين .. لاني اسأل سؤال قانوني بحت وهو ..

في حال سبق صدور حكم بالتعويض المؤقت .. هل يجوز اقامة دعوى بتعويض مؤقت اخر ؟؟؟


هذا سؤالي من البداية ...

عطيني جواب .. وتحذري وخليج حريصة .. لان اي جواب راح يكون عندي عليه رد .. الا توصلين لحل معزز بقاعده قانونية

تفضلي يا هانم ...

( جنرال .. ياخوي جاوبتك بس مو على الخاص على العام .. انت حاط على العام وسألتني نفس السؤال على الخاص .. حبيت تعم الفائدة )

 

[fayoona74]

اي جذي صار سؤالك اوضح انت بالبداية تقول القولي حل عشان جذي كتبتلك الحلول المتعارف عليها شدراني بعد انك فكرت فيهم بس يزف

المهم بعد مافكرت مرارا وتكرارا لقيت الجواب لكنه مدعم برأيي الشخصي لان موداشة محاكم ومومارة علي احكام تمييز بتكلم من مفهوم قانوني لاساس فكرة التعويض المؤقت
نبتدي والله يعيني اذا في شي مو مضبوط ( وبالله نستعين)
شوف التعويض المؤقت شرع لجبر ضرر طارىء كان محتمل وتأكد عندك بصدور الحكم اللي اشرت له يعني صار في ضرر فعلي مو مجرد احتمال ومن هني نقطة الانطلاق شلون ؟؟
اقولك شلون
دام في ضرر محقق وثبت بصدور حكم قضائي بجبر جزء منه لحين المطالبة بكامل الحق لكن في شي اسمه تفاقم الضرر وبالتالي يعتبر ضرر جديد لايمس حجية الحكم السابق بجبر مؤقت للضرر لحين المطالبة بكامل التعويض الجابر للاضرار بكاملها وبالتالي شاللي يمنع بالمطالبة بتعويض مؤقت ثاني دام انه موجباته متحققه لاحظ ان القانون قرر ان تفويت الفرصة بحد ذاته يعتبر ضرر محقق
كفكرة اهي جذي في بالي باختصار
الزبدة برايي المتواضع ( نعم يجوز ويخضع الفصل في طلب التعويض المؤقت الجديد للقاضي حسب قناعته في تحقق اضرار خلاف الاضرار التي تم الفصل فيها على سبيل التعويض المؤقت بالمرة السابقة مع عدم الاخلال بالحق في المطالبة بالتعويض عن كافة الاضرار امام قاضي الموضوع ليتم الفصل فيها بشكل كامل ونهائي اخذا بالاعتبار التعويضات المؤقته السابقة )

ها شرايك ادري بتاكلني بقشوري خو اعرفك مايعجبك العجب بس ترا عادي معاك للنهاية

 

[k55amg]

كلام الاستااذه اللي فووقى سليم ولو تذكر تفااصيل لحيدثيات القضيه اكثر افيدك

اخوكم / الأحنف بن قيس

 

[rahaly]

اي جذي صار سؤالك اوضح انت بالبداية تقول القولي حل عشان جذي كتبتلك الحلول المتعارف عليها شدراني بعد انك فكرت فيهم بس يزف

المهم بعد مافكرت مرارا وتكرارا لقيت الجواب لكنه مدعم برأيي الشخصي لان موداشة محاكم ومومارة علي احكام تمييز بتكلم من مفهوم قانوني لاساس فكرة التعويض المؤقت
نبتدي والله يعيني اذا في شي مو مضبوط ( وبالله نستعين)
شوف التعويض المؤقت شرع لجبر ضرر طارىء كان محتمل وتأكد عندك بصدور الحكم اللي اشرت له يعني صار في ضرر فعلي مو مجرد احتمال ومن هني نقطة الانطلاق شلون ؟؟
اقولك شلون
دام في ضرر محقق وثبت بصدور حكم قضائي بجبر جزء منه لحين المطالبة بكامل الحق لكن في شي اسمه تفاقم الضرر وبالتالي يعتبر ضرر جديد لايمس حجية الحكم السابق بجبر مؤقت للضرر لحين المطالبة بكامل التعويض الجابر للاضرار بكاملها وبالتالي شاللي يمنع بالمطالبة بتعويض مؤقت ثاني دام انه موجباته متحققه لاحظ ان القانون قرر ان تفويت الفرصة بحد ذاته يعتبر ضرر محقق
كفكرة اهي جذي في بالي باختصار
الزبدة برايي المتواضع ( نعم يجوز ويخضع الفصل في طلب التعويض المؤقت الجديد للقاضي حسب قناعته في تحقق اضرار خلاف الاضرار التي تم الفصل فيها على سبيل التعويض المؤقت بالمرة السابقة مع عدم الاخلال بالحق في المطالبة بالتعويض عن كافة الاضرار امام قاضي الموضوع ليتم الفصل فيها بشكل كامل ونهائي اخذا بالاعتبار التعويضات المؤقته السابقة )

ها شرايك ادري بتاكلني بقشوري خو اعرفك مايعجبك العجب بس ترا عادي معاك للنهاية

فيونة .. ياريت مفكرة مرة وحدة .. تفكيرج مرارا وتكرارا خسبقنا

انت تتكلمين عن مسألة اخرى .. ما شاء الله من قوة ملكتك القانونية قاعدة تتكلمين عن مبادئ قانونية مقررة من المحاكم بدون لا تعرفين ..(صج والله)

المسألة التي تتكلمين عنها .. مثالها .. شخص استصدر حكم بتعويض مؤقت (بل حتى لو كان التعويض نهائي) .. ثم تبين وجود اضرار اخرى ظهرت و ثبتت بعد الحكم .. فيجوز المطالبة بتعويض اخر ....
مثل اصابة خطأ .. حكم للمتضرر بالتعويض عنها .. بعد فترة تبين وجود اضرار لم تكشف انذاك .. يرجع يطالب بالتعويض عنها ... هكذا


@@ اما قضيتنا غير

(( على فكرة انا رفعت قضيتي خلاص لقيتلها مخرج وطريقة فنية .. لكن النقاش يبقى للاستفادة .. ومعلومة ما مرت علي من قبل ))

فيونة .. انا مغششج ومسهلها عليج .. فلا تشطحين

حاطلج حكم تمييز هو اللي رددني وغير اتجاه قضيتي ..

الحكم 397/2000 تمييز مدني بتاريخ 24/9/2001

القاعدة :


" الدعوى المرفوعة بالتعويض المؤقت تقوم على مجرد ثبوت الضرر دون بيان العناصر .. والمحكمة هنا تثبت المسؤلية فقط .. ولا تحدد الضرر ومداه .. الخ"

يعني .. اصل المطالبة بالتعويض المؤقت هو اثبات مسئولية المتسبب .. واثبات احقيته بالتعويض ............. انتهى

فالسؤال المهم ؟؟؟

لو اقام المتضرر ومن صدر حكما بالتعويض المؤقت دعوى تعويض مؤقت اخرى ..
فهل ستحكم المحكمة بسابقة الفصل فيها .. على اعتبار انه يجب ان يحدد الضرر النهائي ويطالب بالتعويض النهائي .. وعلى اعتبار انه سبق الحكم له بثبوت المسئولية واستحقاق التعويض ؟؟؟
( يعني بيقولوله .. تراك اذيتنا .. شمرجعك لنا ؟؟ روح طالب بتعويض خلااااص انتهى دورنا )

مثال :

مثل الحالة اللي عندي ..
زيد باع عبيد بضاعة .. لم يلتزم بتوريدها ..
عبيد كان متوقع ان يحصل على ربح 20% مثلا من اعادة البيع
المحكمة اصدرت له حكما بالتعويض المؤقت على اعتبار انه اوفى بالتزاماته في حين اخل الاخر بالتزاماته وان خسارة لحقته بفوات الكسب ..

طيب ...

اذا المتضرر يرى انه يستحق مبلغ الف دينار مثلا ..
ولكنه لا يريد ان يطالب بكل المبلغ (عشان الرسوم .. ولانه لا يضمن ان المحكمة تجيبه للتعويض الذي يطالب به .. مثل ما قلنا) ..
فاذا طالب بتعويض مؤقت وقدره 200 د.ك على اعتبار ان حقه بالتعويض ثابت بصدور حكم التعويض المؤقت ..

هل ستقبله المحكمة ...

الان اظن الصورة وااااااضحة ... تفضلي يا ستي

 

[fayoona74]

سبحانه الله شفت شلون اتكلم بمبادء مستقر عليها بدون لا اعرف هالشي عشان تعرف بس

هالمرة فكرت مرة وحدة بناء على توصيتك وتوصلت للآتي
بم ان حكم التعويض المؤقت حائز لحجية الامر المقضي وثبت الضرر في مواجهة المدعى عليه وبالتالي يلزم اقامة دعوى مطالبة بكامل الحق يعني تعويض نهائي بشكل كامل نظرا لوحدة الموضوع ولسابقة الفصل بدعوى التعويض المؤقت هذا الكلام طبعا اذا المدعي ماعنده مايثبت ان دعوى التعويض المؤقت الثانية لاعلاقة لها او منبتة الصلة او تختلف عن معطيات وعناصر دعوى التعويض المؤقت الاولى
يعني بشكل عام
اظن بيقول القاضي الكلام اللي تفضلت فيه فوق ( شمرجعك روح طالب بتعويض وخلصنا)
تفضل المايك

 

[rahaly]

سبحانه الله شفت شلون اتكلم بمبادء مستقر عليها بدون لا اعرف هالشي عشان تعرف بس

هالمرة فكرت مرة وحدة بناء على توصيتك وتوصلت للآتي
بم ان حكم التعويض المؤقت حائز لحجية الامر المقضي وثبت الضرر في مواجهة المدعى عليه وبالتالي يلزم اقامة دعوى مطالبة بكامل الحق يعني تعويض نهائي بشكل كامل نظرا لوحدة الموضوع ولسابقة الفصل بدعوى التعويض المؤقت هذا الكلام طبعا اذا المدعي ماعنده مايثبت ان دعوى التعويض المؤقت الثانية لاعلاقة لها او منبتة الصلة او تختلف عن معطيات وعناصر دعوى التعويض المؤقت الاولى
يعني بشكل عام
اظن بيقول القاضي الكلام اللي تفضلت فيه فوق ( شمرجعك روح طالب بتعويض وخلصنا)
تفضل المايك

طيب ؟؟
ما عطيتينا الحل يا استاذة !!

( على فكرة انا فكرت في الحل وهو منطقي .. بس خليني اشوف هل نفكر بنفس المخرج ويكون منطقي ؟؟ )

وبصراحة بحثت في الاحكام .. ما لقيت حالة مماثلة !!!
خاصة في مصر ما تهمهم الرسوم لان حسبتها غير ... ويرفع دعوى بمليار ما يدفع شئ !!!

تفضلي .... عطينا حل وتصور ...

فيونه يرحم والديج .. لا تشطين عن نفس القضية ..
انا معطيج جميع تفاصيلها .. لا تعطيني احتمالات قضايا وحالات ثانية ..

.... ركزي معاي

 

[fayoona74]

صراحة مالقيت مخرج انت قول شنو الحل اللي لقيته خل نستفيد من قدراتك