ما هي مواصفات الحاسب المخصص للالعاب

[ناصر فيصل]

عندي ولد مغرم بالعاب الكمبيوتر لعبة ورد كرافت كل يوم 6 ساعات على الاقل و محتاج جهاو جديد ياريت احد يفيدني شنو مواصفات الجهاز مع الشاشة التي تتوافق مع هذه اللعبهو طبعا الجهاز ثابت و الاتصال كولتي نت دي اس ال مع الشكر و التقدير مسبقا ,

 

[فهدQ8]

موفق

 

[التمساح]

خل راماتك تقريبا 4 غيغا واكثر وكرت الشاشة افضل نوع بالسوق شوف الموجود والباقي سلامتك يمشي حال اي جهاز ويفضل اكس بي
المسألة كلها بالرامات وسرعة البروسيسور

 

[Se7T]

اخوي
اهم شي
1- البرسسر كور2
2- المذرو برود انتل اورجنل
3- كرت الشاشه لايقل عن 512 نيفيديا جي فورس
4- الرام لايقل عن ال 1 جيجا
5- كرت الصوت دائما وابدا الماركه كرييتف
6- الشاشه lcd فلاترون عشان عيونه ماتروح
7- دي في دي رايتر لأن اغلب الألعاب دي في دي

 

[mositerz]

اخوي
اهم شي
1- البرسسر كور2
2- المذرو برود انتل اورجنل
3- كرت الشاشه لايقل عن 512 نيفيديا جي فورس
4- الرام لايقل عن ال 1 جيجا
5- كرت الصوت دائما وابدا الماركه كرييتف
6- الشاشه lcd فلاترون عشان عيونه ماتروح
7- دي في دي رايتر لأن اغلب الألعاب دي في دي

انا اتفق مع اخوي سحت ..

وبالتوفيق للجميع...

 

[هادي33]

تحياتي اخووي ....

في كروت شاشه امثال : ATI - MSI - nVIDIA هم المتخصصين بالالعاب وجوده الصوره

وسرعه الحركه ...

نصيحتي لك لا تاخذ جهاز تجميع اذا بقيت شي طييب وقوي ويتحمل ساعات من التشغيل

وكرت الشاشه مو اقل من 1 جيجا بايت وانا مجربه الحين ممتاز للالعاب وافلام HD

والررامات مو اقل من 4 جيجا وسعرهم رخيص DDR 2

وفي شغله فنيه محد يعرفها : ان الباور سبلاي (مركز الطاقه بالجهاز ) لازم يكون من النوع الممتاز

لآن الجهاز راح يشتغل ساعات طويله !!! وان ضرب راح يعفس لك الدنيا ...

اخر نصيحه اخذ جهاز ماركه HP او DELL حتى لو كان مميزاته وسط !!! بس زيد كرت الشاشه والرامات ....

وموفق ان شا ءالله

 

[alaa2003]

كروت النفيديا افضل كروت للألعاب خصوصا مع الموديد درايفرز

www.nvidia.com
http://www.laptopvideo2go.com/

 

[ناصر فيصل]

مواصفات

بارك الله فيكم يا اخوان ما قصرتوا نورتونا تسلمون جميعا

 

[ناصر فيصل]

مواصفات

هناك كروت شاشة كلها 1 كيكا ولكن سعرها يفرق من 20 الى 70 دك ما الفرق بينها بارك الله فيكم .

و المواصفات الذي ذكروها الاخوة قيمتها مع الشاشة و الكي بورد 200دك هل السعر مناسب ؟

 

[Se7T]

اخوي الكروت حسب المواصفات والقوة
وانا رشحتلك نيفيديا جي فورس والواحد جيجا ممتاز
وفهم اللي تبي تشتري منه تبيه للألعاب
والسعر حسب المواصفات والسعر بيكون من 160 الى 250 بس راح يكون جهاز عمر
انا جهازي من 2002 وانا مجمعه كلفني ذاك الوقت 320 دينار واعتز فيه ومااقرنة بالأجهزه الجديده
قط فلوسك بشي يسوى بترتاح يعني 5 سنين جدام ماراح تشتري اذا الله فكه من الكسر والحرق

 

[المضاربه فن]

بصراحه سؤال ممتاز واجوبه ممتازه احس اني استفدت من الاخوان الي ذكروا مواصفات الجهاز الخاص بالجيمز واري ان الموضوع يسأله الكثير من الاخوان او يجهله الكثير
واتمنا من الاخوه المراقبين تثبيت الموضع لاهميته
وبارك الله فيكم​

 

[المضاربه فن]

حتي تعم الفائده بهذا الموضوع الذي يستحق التثبيت اتمنا من الاخوه اصحاب الخبره يفيدونا بالفرق الي حاطه عن كرت الشاشه وما هو مقياس الجوده بكرت الشاشه حتي نعرف عندما نريد الشراء لجهاز
وشكرا




كرت الشاشة 1341 مب انتل شيرد



Invida Ge-force 6800



كرت الشاشة 384 انتل شيرد

كرت الشاشه انتل 128 ومعا الشير يتعدى 1000

كرت شاشه انتل مفصول عن الرامات - Intel GMA x3100 display adapter حجمه 358 ميجا

كرت الشاشه Nvidia GeForce 9500M GS 512

كرت الشاشة 512 - ATI HD 4570

كرت الشاشة شيرد 831 mb من نوعية Graphics NVIDIA® GeForce™ 8400M Video ​

 

[pedram]

سلام عليكم
اخوي انا بوضح شغله بكروت الشاشة

اول شي اذا ولدك راعي العاب الي تيي بسيدي واحد او ديفيدي واحد يعني تكون متوسطه
اخذ ati 512 mb pci xpress لان هذا مناسب و زياده عن اللزوم و يعتبر الارخص بالسوق سعره تقريبا 12 دك

اما لو راعي العاب مثل crysis 2 و كود 4 هذا يبيله كرت عدل عشان يشتغل معاك و كل الاعادادات high
ما اقولك انه الكرت الي فوق ما يشغله بس يشغله ببطئ

اوكي شلون تعرف احسن كروت شاشه
اول شي حجم الميموري مال كرت الشاشه مهم بس مو اهم شي
يعني :
كروت الشاشه لها مواصفات غير الحجم
مثل نوع السلوت ddr3 or ddr2 و سيريال الكرت
السيريال هذا يعتبر اهم شي بالكرت يعني تشوف كرت رقمه 9300gs هذا يعتبر متوسط و يكون في اللابتوبات
اما تشوف كرت 7900 gtx فهو اقوى منه بمرااااات

اووكي الحين المشكله انا ما اعرف كل الكروت الموجوده بالسوق
فراح اقولك طريقة تعرف فيها الكرت يسوى سعره و قوي ولا لا

اول شي الشرح هذا حق كروت ge force مو ati

نوع المدخل : احرص انك تاخذ نوع pci xpress
نوع الكرت :بالسوق الحين في 3 انواع كروت ddr2 ddr3 ddr4 .....
ddr3 افضل لالعاب القويه و سعره افل من ddr4 الي يكون وااايد غالي و ما يشتغل على كل جهاز
السيريال : لازم يكون الرقم الي في فئة المئات عالي يعني 1800 اقوى من 9100 الآلاف مو مهم
الحروف الي بعد السيريال : دايما يكون في حروف بعد الرقم و تكون قوتها بالترتيب من الاقل الى الاقوى
gs
gt
gtx
مثال : 9300 gtx اقوى من 9300gs

حجم الميموري:
لحجم الميموري اهميه بس مو اهم شي و كل ما كان اكبر كل ما كان افضل بس مثلا mb 256 8800 gt اقوى من 1gb 9100 gs

هذا يعني انه الحجم مو اهم شي بس اخذ شي متوسط يعني انصحك بهالكروت

pci xpress ddr3 256
او 512
لان اكثر من جذي راح يطلع قيمته ثروه

ياريت ما اكون مطول بس حبيت افيد بشغله

 

[بوعبدالله]

اهم شي
كرت الشاشه اكثر من 1 ميقا
الرام اكثر من 3 قيقا و الديل نزلو 6 قيقا الافضل بالسوق
و البروسيسر يكون كور تو ديو 2.93 وطالع

وفي معلومه يغفل عنها الجميع حق القيمز و الجرافيك العالي يفضل استخدام ال AMD أي أم دي احسن من Intel الانتل

بالتوفيق ان شاء الله

 

[بوعبدالله]

و المذر بورد بعد نسيت تلعب دور كبير بسرعه الجهاز وحالياً ماني متأكد شنو الافضل بس على حسب علمي مذر بورد ال أم أس آي msi ممتاز