يعجبني فيك يابو النوف
روحك ومعنوياتك العالية
وتفاؤلك وعدم حزنك على الخسارة
وزي ما يقولوا الصحة غناة
بس ان ودي اوجه رسالة خاصة لك ولتكن على العام اتمنى ان تقبلها كما تقبلت خسائرك والله يعوض عليك ممكن
نواف
تعرف انت صادق مليون بالمية
فيما قلت
انه لما يوصوا على شي ربحان 100% يكون خسران 10000%
المعلومة هذي صحيحة وغير صحيحة
بس انا ابي انقل لك ما اعتراني من افكار في فترة من الفترات
وراح انقلها كماهي بدون رتوش
اتمنى من الجميع قبولها بصدر رحب
( وش هالمنتدى التعبان والله ما حصلت منه الا الخسارة)
( قال ايش قال تحليل فني والله لا تحليل ولا غيرة انها بالبركة)
( على اي اساس يوصون اللي ما عنده سالفة اولى به السكوت مو جرجرة الناس للخساير)
وكثير من الكلام بعيد عنك
المهم زعلت زعلت بقوة
قلت ياعمي ما بدهاش
بيدي لا بيد عمرو
ابتعدت عن السوق فترة معينة وتقبلت خسارتي بابتسامة مشرقة وابتسامة غراء
ايضا يا سلام شوف التعبير كيف يابو النوف
وقلت انا بعيد عن التوصيات والله لو السهم يمشي مليون اثر توصية ما ابغاه
لا من توصيات الشباب والا من المواقع
ياخي العالم ما عنده عقول وحنا عندنا جزم وانت بكرامة والسامعين
يا ولد ايش العمل
استسهلت الموضوع جدا جدا جدا
تعرف ليش
لاني تيقنت تماما انه الشباب اللي يوصون ويقولون الهدف كذا ويوصل السهم لنفس الهدف لم يكونوا كهنة ام سحرة فقط استخدموا بعض الادوات المساعدة على معرفة اتجاة السهم
اذن الموضوع ليس بالبركة طبعا زي ما انا قلت
وان بالفعل هناك اصول لدراسة حركة السهم ممكن التنباء بحركته يشكل عالي جدا جاد جدا واقلها انه بامكانها تقليل الخسارة الى حد كبير جدا جدا جدا ان لم تدر ربحا
اذن انا الان امام خيارين ولا راح اعقد نفسي
اما الاستمرار اما توديع هذه السوق بلا رجعة
لكن على اي اساس ساقرر
بسيطة
يا عمي انا راح اتعلم واحاول استفيد من خبرة الشباب في المنتدى فقط فيما يخص التعليم لا التوصيات
ولو كان بالامكان اخذ دورة عن المهندس سيف العجمي لما ترددت لكن انا في جدة وهو في الكويت ولا تسمح ظروفي بالسفر
جايلك يالتحليل فني جايلك
مقاومة ودعم وترند صاعد وفيبوناتشي والماكد وغيرها يالطيف وش ذا
الشغلة وسعت اوي اوي اوي
ولا يهمك يا عمي فلوسي كاش ولا راح اتهور وانا اساسا مالي شغل
خلينا نشوف وش نهاية هالكلام
في وقت فراغي علما اني ما اخبي عليك تفرغت تماما
للقراءة والاستنتاج ولمشاهدة الشارت بعنف وكاني قائد اروكسترا يحاول ان يصغي لكل اله في الفرقة على حدة ( عارف يا نواف اسلوبي عجبك
كاني جالس احكيلك قصة قبل النوم
)
بعدين لقيت ان الموضوع بدا يسهل ومن ثم يصبح جميلا وعشقا وانا توني ما تاجرت طبعا بعد توقفي بعد الخساير
واحاول ان ارى الموضوع عموما واجمالا ومن ثم اسوي له زووم زووم زووم حتي اتعرف على ادق تفاصيله
ياعمي الشغلة بسيطة بالفعل بسيطة
بس انا لكي اصبح راميا ماهرا لا يعني عدم اخفاق الهدف مرة او مرتين
ايش سويت بعده
الشباب يحطون سهم من هنا انا اخش من هنا ( تعرف من حقي صح اني اخش منتدى ومجاني بعد وانا كيفي بعد صح
)
السهم هدفه كذا على الديلي ( خلينا نشوف) نقاط دخولة كذا( ليه)
كاسر ترند مسوي اختراق
السلو ستيك متقاطع
الارسي متجه اعلى
السهم كسر منطقة تماسك ( تماسك ايه ياعمي)
والله الاخوان صادقين السهم ما دخل منطقة الشرا ء ارتد تغير اتجاه نزولا
الشباب خلوه يولي انا قبل كنت اجي امشي مليون
ما تقول الا مافي البورصة سهم الا هالسهم هذا
هذا توصية اخ ثاني السهم يا شباب نقطة خروجه كذا
اخوك يا رجال على كيف ابوه نقطة خروجه كذا ( يا رجل هذا علم المغيبات من امر الله) يابوك اي علم مغيبات واي كلام
يعني واحد يقولوا لواحد انا امشي بسرعة 240 كلم في الساعة وقدامي منحنى خطر فعاد يرد الثاني ويقول هد سرعة ترا خطر وشيك يقول يا رجل اسكت انت تعرف الغيب
هيا واحد زي كذا كيف تتفاهم معاه
عموما اكملك
الشباب يوصوا منها ويحللو منها جزاهم الله خير وانا عيوني مبققة من هنا
فلوس ما ادفع رجل بخيل جدا
كيفي فلوسي وانا حر
وصلت الى نقطة لا باس بها
شرايك يا ولد نسوي لك خلطة سرية وتشوف نتايجها انت وحدك
بعيد عن عيون الناس وخوف الملامة والشتم احيانا
واذا ما فلحت تلطم على شحم واسكت ولامن شاف ولا من دري
سوينا
شيئا ما تفلح احيانا واحيانا لا والله انها من جنب القدة اي قدة الا برى اوت من جنب خط السنتر
ما علينا وش انا خسران نكمل انا اساسا فاضي
رقعناها كذا وكذا والله الموضوع بدى يسهل
وتذكرت
الكلمة اللي يقول
بسيطة ماتستبسطهاش صعبة ما تصتصعبهاش
بديت اتروي في الموضوع وادقق اكثر واكثر واصبحت اكثر حزم فيه وقلت هذا طريقي
وبحول الله اخضر
اش سويت صرت القط من الاسهم اي سهم انشالله السهم السعودي الملتهب(ماجد عبدالله) واحلل فيه
وبعد ما انفضه زين ما زين لو انه سهم هلكان يبي يموت ما عندي مشكلة
اطشه في الاستريمر
وابرمج الاليرت حقها بعد ما ارسم حطوط الطول والعرض واحدد نقطة الدخول فيه
واكتب ملاحظة في الورد اهداف السهم وين بعد اختراقه على الويكلي والديلي
وانساه وانام والسهم مرة يوع ومرة يطفي وانا مالي شغل
وشوي القاه الاليرت اشتغل وان السهم هذا دخل منطقة الشراء
شرينا ( اكذب عليك) تمثيل فقط
ابدا اراقب السهم والله السهم بالفعل بدا يشد من عزمه وبدا قريبا من الهدف
الله السهم صاب الهدف يا سلام
بعنا
اهاه اي قرت( i get it)
الان بعيدن عن توصيات الشباب ولامن شاف ولا من دري
والله الموضوع صار مسلي اكثر( صار بلاي ستيشن) مو ربح وخسارة بس
برذة ما اتاجر رجل بخيل جدا
الان ابي احشر خشمي مع الشباب وابي اتضارب معاهم واقارعهم الحجة بالحجة وليكن ما يكون
تعرف نيك نيم ولا احد يعرفك والله لو اخوك انك ما ترحمه ولا يرحمك( ما تلام ما تعرفه ولا يعرفك)
بس اهم شي المراقب لا تعرضه
انتبه
واذا صار وطردك عادي خش بنك نيم جديد( خلك ذكي)
اقول ما انت ملاحظ اني طولتها شوي
اقول نواف اما رجال تبي تعلم وتترك عنك البني والقربعة ورا هالتوصيات ومع الخيل يا شقرا وتصير تعرف راسك من رجولك ولا رجال اقول شوف لك شغلة ابرك منها والرزاق موجود في كل مكان وكل وقت وكل شغله
وسالفة بني ستوك وهذا سهم وصا عليه فلان والا موقع واجي امشي مليون
ومن ثم اخسر مليون شغلة مالها داعي
واذا مضطر تخسر ياخي شي من مالك تصدق فيه وشي وزعه علينا لوزم الصحوبية والعيش والملح ( رجاء لا تقول طماع)
نواف جرب الطريقة هذي او طريقة احسن منها بس ياريت اجتهادتك الشخصية
وتركد واترك المطامر ورا البني
وبعدين انا وياك والزمن
طبعا ترا لا تتوقع اني اصبحت محترف بل اصبحت بخيل جدا وخواف مره
وانا ناقص ياخويه
بعدين راح تكتشف ان الشباب لما يوصون اكثرهم لم تكون توصياته غلط بل كانت سليمة متى ما تم الدخول والخروج فيها بشكل سليم
وراح تعرف انت ليش كنت تخسر
بالله ما تحس انه صار فيلم هندي هالموضوع
فايق ورايق وقلنا ندرش معاكم