اللي عنده خبره ب dsl يدشون

[أحساس العالم]

السلام عليكم...

مبارك عليكم الشهر...

ابي شنو احسن شركه حق dsl شنو تنصحوني فيه...

واكون شاكرلكم...

 

[r77a]

عليكم السلام ومبروك الشهر علينا وعليك ان شاءالله
اخوي انصحك بكيمز والحين عندهم عروض بعد مثلاً الـ 512kb بـ 90 دينار بس للسنة كاملة وفي كوبون امسح واربح
وفيه مزايا ثانية اتصل عليهم وهم يقولولك رقمهم 1822822
بالتوفيق اخوي

 

[meshari80]

خلك فاست 1886666

انا موظف بفاست

 

[sma]

خلك فاست 1886666

انا موظف بفاست

ممكن تعطينا اسعار الاشتراكات عندكم مادام انت موضف بفاست تلكم

 

[kuwait_17]

عندي سؤال ... انا بيتنا ثلاث ادوار اذا اشتركت الوايرس راح يغطي البيت كله ؟؟

 

[ابو عبير]

كويت اخوى الوايرس يعطى عامودى يعنى ما يصير ثلاث ادوار سألت عليه الشركه قالولى الا الى بالدور معاك يشبك

 

[kamalxy]

اخوووى انصحك بشركة كوالتى - خدمة - اداء - ثبت - دعم فنى ممتاز

 

[باحث قانوني]

انا انصحك بكيمز
تدري ليش ؟؟
انا اقولك الدعم الفني عندهم
يحسسك انه الشركه شركتك
مو عميل عندهم
فعلا
ادب وخلاق بكل ما تعنيه من كلمه
وهذا اللي جربته فقط
مع كيمز
والشركات الباقيه ماجربتها
وان شاء الله
الشباب ماقصرون ويفيدونك

 

[هادي33]

كيمز وقطع

كافي تستخدم الواي فاي (الوايرلس) كل مكان بالكويت ببلالالالاش

وسرعه موصله معاي بالقهوه 12 ميغ​

 

[هادي33]

انا انصحك بكيمز
تدري ليش ؟؟
انا اقولك الدعم الفني عندهم
يحسسك انه الشركه شركتك
مو عميل عندهم
فعلا
ادب وخلاق بكل ما تعنيه من كلمه
وهذا اللي جربته فقط
مع كيمز

وانا اشهد

 

[TheLove]

والله كواليتي نت نصابين توني مجدد من ١ ميقا لي ٣ ميقا ... المفروض تزيد سرعته لاكن طاحت ادق عليهم ينقعوني والله ساعه علتليفون كل مره .. واخر شي يفصل الخط بعض المرات وبعض المرات يردون .. وخدمتهم زباله والله جددت عندهم قالولي يشتغل باجر ونقعوني ٥ ايام صج صج زعلوني هذا وانا من ٢٠٠٦ معاهم بس والله خلاص مالك امل اجدد عندهم وبي اذلهم عل٣٠٠ الي اخذوها

 

[ولد^الكويت]

اخوي والله انا عندي قلوبل ممتااااااااز واسعارهم حلوه 512 عشر دنانير بالشهر واستقطاع من البنك علي طول

 

[khaled-299]

أخوي في جريدة الرؤية مسويين عرض اشترك ب 50 دينار يعطونك اشتراك دي اس ال من كيمز سرعة 512 لمدة سنة مع الراوتر واشتراك بالجريدة لمدة سنتين

والله يوفقك

 

[Se7T]

فاست بدون تردد
اكلمك بواقع تجربه طويلة

 

[عـــنـــاد]

عليكم السلام ومبروك الشهر علينا وعليك ان شاءالله
اخوي انصحك بكيمز والحين عندهم عروض بعد مثلاً الـ 512kb بـ 90 دينار بس للسنة كاملة وفي كوبون امسح واربح
وفيه مزايا ثانية اتصل عليهم وهم يقولولك رقمهم 1822822
بالتوفيق اخوي

وانا من راايه ؟...........

 

[الكويت حره]

فاست تلكو 1 ميغا : )

 

[dcnaq]

فاست تلكو =)

صج هل الشركه قويية مافيهااا تقطيع كلش ! انصحك فيها اما كوالتي زفت الكل يشتكي منها

ونفس الشي كيمز صاحبي تأذى منهم !

 

[هادي33]

نخلي هالمشاركه للفائده العامه ...بعد اذن صاحب المشاركه ....​

بما ان عندي خبره بالشبكات والانترنت من بدايتها بالكويت سنه 1995 ...

*النقطه الاولى وهي التقطيع :
الكل يقيم الشركه بالتقطيع !!! التقطيع ياشباب 85% من المستخدم نفسه والاسباب
- بعد جهاز الراوتر او الdsl عن نقطه التلفون الرئيسيه ولازم ماتزيد عن ( 5 امتار ) والا راح تنزل السرعه
- خط dsl معناتها بالعربيه خدمه الديجتال للخطوط الهاتفيه العاديه ..ويعني الديجتال حساس
لأي خلل بالتوصلات مثال وايرات التلفون ألي بالطوفه لو كان فيها تلف ((بسييط جداً )) يسبب
التقطيع او البطئ بالخدمه.
- بعد البيت عن السنترال في بيوت قديمه بمناطق قديمه فالكيبلات قديمه فتتأثر ايضا وتقطع مع بعض الاشخاص..
- في بيوت بسلوى قطعه 12 ماعندمdsl نهائيا..!! لبعدهم عن السنترال وايضا بيوت بمنطقه مبارك الكبير ماعنديهم ومشتركين بالوطنيه او فيفا او زين ..

-واخيرا احد الاسباب :التوصيلات من الراوتر او المودم للكمبيوتر تكون خطأ او تالفه او صناعه رديئه
وايضا الفيروسات ألي بالجهاز بسبب البرامج المشاركه امثال التورنت والايدونكي وغيرها ألي تفتح
بورتات كثيره والكل يلعب لعب (التروجنات) (والباك دور) ويسحبون منك السرعه والمواد الموجوده بجهازك مما يقلل سرعه النت وانتشار الفيروسات ...وايضا المواقع المشبوهه.. ووالحل انتي فايروس اصلي...او فعال ....

فالعله مو من الشركه ... الشركه تزود دوله كامله فلايمكن تقطع كل يوم لآن في بنوك وشركات وحكومات تستخدم الشبكات والخدمه نفسها ...اللهم عمل ريستارت للسستم للتطوير وماشابهه
او عمل نسخ احتياطيه لمعومات السيرفر(الباك أب) وامور اخرى ...او الامر الخارج عن الاراده مثل انقطاع الخدمه من المصر مثل انقطاع الكيبل البحري لو تتذكرون عن بعض الدول لو تتذكرون ....

الشركات نفس السرعات والاسعار متقاربه ... لآنهم بسوق واحد ودوله واحده...
ولااختلاف بخدمه العملاء ألي اتصلت عليهم مره بس علشان ستأب الراوتر !!! ومره اسألهم عن
العروض ...وبقيت ازيد السرعه ....
وماني عارف سبب اتصالي كل يوم على خدمه العملاء ووولازم الكل يطلب من فني الشركه يجي للبيت ويصلح العطل بنفسه والعميل مو مسئول عن توصيل الكيبلات والتوصيلات ((اول مره)).

واسف على الاطاله ....وحبيت افييد الجميع ....

وموفقين​