سؤال الى اللجنه المشرفه

[albasha]

السلام عليكم . ارجوا الافاده

كيف يتم حساب ارباح الشركات فى الارباع المعلنه . هل يتم اضافه كل ربح الربع المعلن على الربع السابق واعطاء النتيجه كامله مع الربع الحالى ام كل ربع على حده .
وشكرا ارجوا الافاده ..................

 

[الريان]

اذا اعلنت الشركه يكون ضكن الاعلان اعلنين

الاعلان الاول يكون للارباح الربع الثالث ومن ضمن الاعلام مجموع الارباخ للارباع المعلن عنها


وتجد بضمن الاعلان مقارنع باعلان العام الماضي


اتمني ان تكون الفكره اوضحت واوصلت المعلومه ان شاء الله

 

[الفهلوي]

اذا اعلنت الشركه يكون ضكن الاعلان اعلنين

الاعلان الاول يكون للارباح الربع الثالث ومن ضمن الاعلام مجموع الارباخ للارباع المعلن عنها


وتجد بضمن الاعلان مقارنع باعلان العام الماضي


اتمني ان تكون الفكره اوضحت واوصلت المعلومه ان شاء الله

ممكن مترجم هندي ياشباب حق اخونا الريان الظاهر انه ثقل من التشريب

هههههههههههههههههههههه ​

 

[AL-Saa7R]

لا واللحبيب يقول اخر شى انشاءالله الصوره اوضحت....ههههههههههههه خوش تشريب

 

[Abdulazeez]

لا عــاد كل شيء إلا الريـان .. نا نرضى عليه

سـامحوه كله من تعب رمضـان الله يعينا على تكمله بأحسن وجه .. آمين

 

[TechnoFund]

كلش ولا الريان .. عين السيح والله ..

اعتقد المعلومة توصل .. بعد إجراء التنقيح التالي:-

ضكن = ضمن

الاعلام مجموع الأرباخ = الأعلان مجموع الأرباح

مقارنع = مقارنةً

ودمتم جميعا على المحبة والأخوة الطيبة .. قولوا آمين

 

[albasha]

ماقصرت

الريان اشكرك على التوضيح بس انا والله كويتى مو....................... ممكن تفسير آخر مع مترجم وشكرا ................. امزح معاك لاتزعل منى غشمره بس الشباب مايخلون احد بحاله . اقرأ الكلام اللى انت كاتبه مره ثانيه عشان لاتخلى احد يتكلم . الظاهر الشباب يغارون منك هههههههههههههه .


وشكرا؛؛؛؛؛؛؛؛؛؛؛؛؛؛؛

 

[AL-Saa7R]

الله يخليه لنا وللمنتدى انتغشمر.....بنسبه للارباح اعتقد ان موقع الوسيط احسن موقع يعطيك الارباح بصوره مبسطه وشكرا

 

[خوش ولد]

لبن الوفرة وعمايلة :d

 

[الريان]

تمنون ياشباب



بس اول شي ذبحني الضحك لاني كنت كاتب الموضوع ولا شيكت على الكتابه



وثاني اذا عرف السبب بطل العجب

اهم شي الحمدالله ان لقينا مترجم لكلامي

ولا زين بعد قرا كلامي وزين ماكانت خايرها بالمره جان ماعرفتوا المكتوب


ههههههههههههههههههههههههههههههههههههههه

 

[boalons]

انا اقول السبب

الريان الاب توب ماله مافيه احرف مكتوب عليها بالعربي

 

[الريان]

عدل بولنس الكيبورد اللي عندي فيه لغتين انكليزي والماني بحكم صناعة الجهاز سيمنز فوجتسي لاب توب جديد وقوي نوعيته عشان جذي استعجلت بشريته من غير لا يتعرب الكيبورد بعدين انا ما اشوف الكيبورد اطبع من غير لا اشوف الكيبورد الا قليل والشي هذا انا متعودااطبع علي البي سي مو على اللاب توب وهذا اللي ملعوزني

يعني اذا في بدليات انا كاتب على اللاب توب واذا الجو صافي مثل الحين انا على البي سي

 

[TechnoFund]

الريان .. جهازي نفس جهازك .. فوجيتسو سمنز .. ألماني ياباني .. عربي ..

 

[الريان]

معرب الكيبورد ولا شاريه عربي منه وفيه من الشركه الام لان خبرك ربعنا طبعاه ليزر ويخلون الكيبورد بدال فيها ثلاث رموز حرفين ورنز يخلون فيها لغلات العالم وكم رمز لزر واحد

بس والله مو مدحا عشان الجهاز عندي

لكن من افضل الاجهز اللي استخدمتها لاب توب سمينز بعد السوني طبعا

خفيف صغير جوده الماني ياباني افضل صناعات العالم

شركه رائده في الالكترونيا فوجتسي وشركه رائده في التكنولوجيا بالشبكات ولاهواتف والاجهزه العملاقه

 

[TechnoFund]

اخوي الريان اتفق معاك 100% ولو أنه موضوع المشاركة ما يساعد .. لكن انا جربت توشيبا

وجربت فوجيتسو سيمنز .. والكيبورد مطبوعه عليه حروف عربي مثله مثل أي كي بورد كمبيوتر ديسك توب

يمكن لأني شاريه من وكيله يمكن .. وعلى فكرة .. مواصفات السيمنز أعلى من مواصفات التوشيبا وأخف

منه .. و أرخص !

آسف يا أخوان للخروج من الموضوع .. لكن الشيئ بالشيئ يذكر ..