اخذ العربون ثم خرج و لم يعد

[Abdulla990]

السلام عليكم و مبارك عليكم الشهر
يا جماعة عندي سؤال صغير و ما نستغني عن نصايحكم
اكو حرمة من جماعتنا قاعدة ترمم بيتها و احتاجت عامل المنيوم يضبط لها المطبخ
طبعا تبرعت انا بالمساعدة و اتصلت على واحد حاط اعلان في جريدة الصدى و اتفقت معه و جاء و اخذ القياسات و بعدين راح على اساس انه يشتري الأغراض و يرجع بعد يومين

و اتصلت بي اليوم و تقول انها تدق عليه و هو مطنش و قالت انه رجع ذاك اليوم و اخذ منها عربون( علشان الأغراض على قولته) و الحين ما يرد على اتصالاتها
بصراحة ضاق خلقي لأني انا اللي جبته و حاولت اعرف كم اخذ علشان اعطيها فلوسها بس ما رضت تقول
و انا حاس بالذنب لأنه جاء عن طريقي للأسف

عندكم طريقة علشان نعاقبه على فعلته؟؟ و خصوصا انه لم يحترم سنها الكبير و ثقتها به

 

[KhaledBenz]

عطنا رقمه ونحاول نتصل عليه ونستدرجه للقيام بعمل شبيه والاطاحه به

 

[Abdulla990]

الله يجزاك خير اخوي خالد فكرتك ممتازة
بس خلنا نعطيه فرصة الى باجر و اذا ما رد نحط رقمه في المنتدى للتحذير منه و ايضا لتنفيذ الفكرة

 

[k55amg]

دزلي رقمه على الخاص وانا اعرف اتفاهم معاه

 

[KhaledBenz]

الله يجزاك خير اخوي خالد فكرتك ممتازة
بس خلنا نعطيه فرصة الى باجر و اذا ما رد نحط رقمه في المنتدى للتحذير منه و ايضا لتنفيذ الفكرة

الله يخليك اخوي حاظرين بس حذاري كل المنتدى يدقون عليه ترا بيعرف ويشك بالموضوع

 

[مهم للغاية]

دق سلف ... اقرب مخفر ... بلغ بالموضوع ... وتلقاه يبوس الايادي والقامات والارجل عشان يسوي لك الالمنيوم ببلاش ويعطيك هدية عربون مجانا ....

العامل اذا شاف السالفة فيها مخفر يصير زرزور منتف

 

[بونواف]

السلام عليكم و مبارك عليكم الشهر
يا جماعة عندي سؤال صغير و ما نستغني عن نصايحكم
اكو حرمة من جماعتنا قاعدة ترمم بيتها و احتاجت عامل المنيوم يضبط لها المطبخ
طبعا تبرعت انا بالمساعدة و اتصلت على واحد حاط اعلان في جريدة الصدى و اتفقت معه و جاء و اخذ القياسات و بعدين راح على اساس انه يشتري الأغراض و يرجع بعد يومين

و اتصلت بي اليوم و تقول انها تدق عليه و هو مطنش و قالت انه رجع ذاك اليوم و اخذ منها عربون( علشان الأغراض على قولته) و الحين ما يرد على اتصالاتها
بصراحة ضاق خلقي لأني انا اللي جبته و حاولت اعرف كم اخذ علشان اعطيها فلوسها بس ما رضت تقول
و انا حاس بالذنب لأنه جاء عن طريقي للأسف

عندكم طريقة علشان نعاقبه على فعلته؟؟ و خصوصا انه لم يحترم سنها الكبير و ثقتها به

اخوي المقاولين كلهم جذي ياخذون عربون ويطنشون علشان يضمن شغل اذا خلص الشغل الي بيده لا تحاتي راح يتصل فيك اصبر عليه ...
وبنفس الوقت احرقه اتصالات لما يرد اذا مارد خلال 3 ايام اتخذ اي اجراء مناسب

 

[general]

اخواني الاعزاء يرجى عدم الانجرار وراء الحلول الغير قانونيه لان باجر لها عواقب سيئه ماكانت بالحسبان (بالنسبه لكم) الافضل الذهاب لاقرب مخفر ولاتخاف المباحث ماراح يقصرون مع المقيمين (فاهمين قصدي) وماتطلع الا بحق

 

[ostath]

دق عليه من تلفون ثاني ...يومين اذا مرد ؤوح لحماية المستهلك و قولهم السالفه و عطهم رقمه و اهم يتصرفون (صارت معاي من قبل) يومين و يايني البيت و حظرتك عاوز اييه اللي يريحك اعمله انا بالخدمه و قام يقولي على 20عذر بس قلتله عطني فلوسي ...روح حماية المستهلك التابع لمحافظتك

 

[fayoona74]

عزيزي عبدالله 990 مبارك عليك الشهر
اذا المقاول عندك عنوانه وبطاقته المدنية وعندك وصل بتسليمه المبلغ لقاء العمل المتفق عليه او في عقد موقع بينكم وأخل بالتزاماته تقدر ترفع عليه شكوى بالمخفر وهم ترفع عليه دعوى مدنية للمطالبة بالزامه بانجاز الاعمال المتفق عليها او تنفيذه على حسابه مع مطالبته بالتعويض جراء الاضرار التي لحقت بالمرأة من فروق اسعار واي اضرار مادية ومعنوية
اما اذا سلمته فلوس بدون اي اثبات عوضك على الله

 

[بـوشوق]

اخوووي الله يكفينا من النصابين ولكن علي قوله المثل (ماضاع حق ومن وراءة مطالب) اذا مصري خيطان واذا سوري الفروانيه واذا لبناني السالميه وحولي والله يعز ديرتنا لكشتهم لكش بس حط رقمه حسب جنسيته عند عقيد المناطق ويطلعه لك كل منطقه ولها كبير عندهم

 

[Abdulla990]

مشكورين يا جماعة و بيض الله وجوهكم كلكم و جزاكم الله خير
الحمد لله السالفة انتهت على خير إن شاء الله
طبعا انا استمريت ادق عليه من ارقام مختلفة الى ان رد و قال شوية اعذار و خرابيط
و انا تكلمت معه بكل هدوء (علشان ما يخاف و ينحاش ) و طلبت منه يرجع للبيت بحجة اجراء تعديلات جديدة على الشغل و لما جاء اخذت منه وصل استلام و بطاقته المدنية الأصلية
و النتيجة انه رجع في نفس اليوم و اشتغل بما يزيد بكثير على المبلغ اللي اخذه
و مرة ثانية مشكورين و ما قصرتوا