نصيحتى

[Bo7athen]

شباب السلام عليكم

صراحه ما ادرى اشلون ابتدى بس بقول الى بقلبى او اتمنه منكم السموحه

شباب انا شايف انه فى بعض المواضيع تثير الفضول المستثمرين الصغار

على سبيل المثال :- انه هل شركه راح راح يوصل سهمها هل مبلغ او هل شركة راح توصل الحد الأعلا او هل امور محد يعلمها الى الله
الى اتمناه انه بعضكم ولى له غرض فى باله او يبى يرفع السهم يروح البورصه او يرفع السهم على كيفه مو يقول انه هل شركه راح ترتفع او الناس تشترى او اخر شى السهم مو مرتفع ولا شى
يعنى اتمنه من الأخوان ان يقدمو تحاليلهم مثل بعض الشباب الموجودين فى المنتدا جزاهم 1000 خير الى يخلى القارء للموضوع يكون ملم بالشركه واقفالاتها مو يسبق الأحداث او يقول هل شركة راح ترتفع او اهيا ما عندها ما عند يدى


او اتمنه ان كل عضو يكون صادق فى مواضيعه ويتمنا الخير حق جميع المستثمرين من صغار الى الكبار

ترا انا على ما كتبت هل موضوع الى لمه حسيت انه المنتدا الرائع صار ساحه للأشاعات ودس الأكاذيب

او اتمنه من المشرفين مع اى موضوع يذكر فيه انه هل شركة راح توصل او اشترو هل سهم او بيعو هل سهم
قدمو تحاليلكم او خلو قارء الموضوع اهوا الى ياخذ القرار

او نصيحتى للأعضاء الكرام انهم ياخذون الجيد من المواضيع ويتركون المواضيع الى فيها ترغيب بشراء سهم معين

او يعطيكم العافية

 

[الفهلوي]

رأس المال ‏363 , 789 , 154 دينار كويتي ,
صافى الأرباح المتوقعة للسنة المالية 2005/2004
216 , 764 , 575 دينار كويتى

ممكن اعرف سر هذه الأرقام المرعبة ............ مجرد فضول

وشكرا

​

 

[obaid faraj]

بنك الكويت رأس المال المدفوع ‏363 , 789 , 154 دبنار كويتي الوطني 2003-2004= 50% 5% 2004-2005= 60% 5%

 

[ولد حلال]

اشكرك اخي بصراحه انا من المستثمرين الي توهم بادين في السوق وبصراحه كنت زعلان علي الناس الموجودين والسبه الخساير والتوصيات العجيبه صحيح الخطاء الاكبر مني ولكن ما اقول غير الله يسامحني ويسامح الي في بالي بصراحه ما كنت ابي اتحجي وانا قمت ادش قارئ فقط ولكن اخوي عرض الموضوع وانا حبيت انوه علي الموضوع الرجاء من المختصين في تحليل الاسهم التعامل مع الناس هذي وكل واحد وطريقته واسلوبه يعني اخ يدش يقول الشركه الفلانيه راح يصعد سهمها ولا حاط خبر ولا شي بصراحه ساعات نصدق وساعات نتردد والحمد لله في الشهر هذا الشيطان مكبل ولا مابقت شركه خسرانه ما شريتها المراد يا اخون الحرص علي الاخوان وعلي المستثمرين الي توهم بادين تذكر اول ما دشيت السوق شنو كنت تسوي تطارد الاخبار مثلنا الحين بس الله من عليك وصرت تعرف المعلومه الجيده من المعلومه المضره ارجو النزاهه وليش الكل بل البعض حطو تحتها ألف خط وانا مو قصدي التجريح ولكن الحرص علي الاخوان وسمعة المكان ويعطيكم العافيه

 

[Abdulazeez]

كلامكم عدل أخواني ... وأنـا والله ما صـارلي شهرين وكل الي ربحته طـار من كلام كم واحد .... بـس ما أقول إلا ألف ألف الحمد لله على كل حال

 

[المستشـــــــار]

الأخوه الأعزاء ،،،

السلام عليكم ورحمة الله وبركاته ،،،

نحن حاليا بالربع الأخير ،،، يعني الاشاعات والأقاويل انتهت صلاحيتها حاليا ،،،

والآن ينتهي الكلام وتتكلم الأرقاااااااااااااااااااام فقط .
فاجعل الأرباح المعلنه للربع الثالث والبيانات الماليه للشركات هي بوصلتك

لإختيار السهم الناجح والمربح ، ولا تنجرف وراء الأقاويل والاشاعات .

 

[السهم الامريكي]

انا معاك بالراي

واتمنى من الاعضاء المسؤولين عن هالموقع انهم يصممون مربع ثاني مثل الموجود لقبول شروط المنتدى يكون خاص بالحلفان والقسم على الاخبار اللي يطرحونها بالمنتدى عشان ما يكون فيه توصيات من غير ادلة واخبار غير صحيحة