مطلوب شخص يبيع منتجاتى

[LESQ8]

مطلوب شخص ذكى وشاطر وعندة سيارة
يروح حولى ومحلات الكمبيوتر بكل الكويت
يبيع لى اكسسوارات اللاب توب
يعنى ياخذ كمية منى ويروح يلف على المحلات ويبيع بضاعتى
ويخلى عندهم ارقامنا عشان لو يبون يطلبون منة بالمستقبل

بدون راتب ثابت
حسب المبيعات
اذا بعت شى لك عمولة على المبيعات
واذا ما بعت رزقنا عند رب العالمين

للجادين الاتصال 97509996


​

 

[hguadv]

موفق

 

[general]

اخوي العزيز
المحلات الي بحولي (شارع بن خلدون) في الهنادوه والبهره يعتبروم ملوك الاكسسوارات ومستعدين يبيعون اكسسوار بـ20 دينار واهو طالع التكلفه عليه 19.999 دينار .
وافرض انك قدرت عليهم وضبطت لك جم محل (انسى شي اسمه تاخذ فلوسك كاش نفس اللحظه) يشتري منك وعقب شهر يدفع هذا الكلام متأكد منه ألف بالميه .
الحل الامثل لك تسوي من اكسسواراتك بروشور من غير ماتحط الاسعار و تطرش الي عندك على الوزارات (اماكن هادئه) وهناك الحريم والريايل صج لهم مزاج بالذات يوم الخميس لان ان راح يوم الاحد بيرقعونه بفنجان قهوه .

 

[بوفهيد]

بالتوفيق ان شاء الله

 

[LESQ8]

الله كريم

 

[Abdulla990]

انصحك تسوي موقع و تعرض منتجاتك مع الأسعار و التوصيل
و هالطريقة فعالة و تكلفتها بسيطة و اذا ما نفعت ما تضر
و بالتوفيق

 

[بو جابر]

والله ما ينفع معاهم قبل فتره يبت بضاعه طاولات كمبيوتر وحطيت مندوب بالعموله وما نفع ما خذو شي مني ويكسرون ببضاعتك بشكل مو طبيعي اللي نفعني وأنصحك فيه تحطلك أعلانات بالجرايد الاعلانيه الوسيط - الهدف - الصدى - 808080 تصور بضاعتك وحطلع أعلانات والتوفيق من رب العالمين والله يوفقك أنشالله .

 

[LESQ8]

تسلم اخوى

 

[بـوشوق]

بالتوفيق انشاءالله

 

[q8.1911]

أخوي الله يوفقك ويرزقك

شفت موقعك ما شاء الله حلو بس لي ملاحظة وأرجوا أن يتسع صدرك لها

أنت كويتي عربي وقاعد تبيع لعرب ... اشماله بالله حاط الموقع باللغة الإنجليزية ... والمشكلة ماكو إختيارات يعني عربي مافيه ، والله دايم بالغالب بمواقع الشركات الكويتية وغيرهم ما يسونها إلا باللغة الإنجليزية مع العلم بأن غالب زباينهم عرب ، والله صرنا أغراب بديرتنا حتى فواتيرهم مو عربية طيب ما أعرف إنجليزي وأنا بدولة عربية شكوا تعطيني فاتورة بالإنجليزي واحنا مساكين نستحي نقول ما نعرف إنجليزي ولو ينصب علينا ماندري ...

ملاحظة ١ : أدري إنه بهالوقت اللغة الإنجليزية أصبحت ضرورة بس مو شرط الكل يعرفها ولابد يكون فيه احترام للدولة الي انت فيها .

ملاحظة ٢ : فيه ناس احفضتلها كم كلمة بالإنجليزي وصارت اتشيحط علينا ما يقول كم كلمة إلا ويقط له كلمة إنجليزي راح يضايقه كلامي هذا وراح يبربر علي وأقوله ريح بالك وما أفهم علية - أي نو أندر استاند - اشرايكم فيني ضبطتها ولا لأ ..

ملاحظة ٣ : كلامي مو موجه للنوعية إلي ذكرتها فوق ..

اعذروني

 

[LESQ8]

شكرا الطيب موقعى يعتمد على الصور عشان جذى ما يعتمد على اللغة
سهل جدا تختار الصورة وبس
شكرا

 

[البرنس111]

السلام عليكم
اول شي اتمنى لك التوفيق
ثاني شي اذا انت تقوم بنفسك او انك تعمل هذه الملصقات على الاب توب
فنصيحتي
انك تغير شي بسيط في شعار برشلونه
وهو الصليب


موفق اخوي

 

[عاشقة22]

موفقين

 

[بحريني1972]

اخوي العزيز
المحلات الي بحولي (شارع بن خلدون) في الهنادوه والبهره يعتبروم ملوك الاكسسوارات ومستعدين يبيعون اكسسوار بـ20 دينار واهو طالع التكلفه عليه 19.999 دينار .
وافرض انك قدرت عليهم وضبطت لك جم محل (انسى شي اسمه تاخذ فلوسك كاش نفس اللحظه) يشتري منك وعقب شهر يدفع هذا الكلام متأكد منه ألف بالميه .
الحل الامثل لك تسوي من اكسسواراتك بروشور من غير ماتحط الاسعار و تطرش الي عندك على الوزارات (اماكن هادئه) وهناك الحريم والريايل صج لهم مزاج بالذات يوم الخميس لان ان راح يوم الاحد بيرقعونه بفنجان قهوه .

مليون بالميه كلامك صحيح

 

[بحريني1972]

لا ومستعدين يبيعون بخساره بس عشان ما يكون لك وجود بالسوق

 

[LESQ8]

الله يسهل الامور