استفسار بخصوص حادث مرور

[yahoo77]

السلام عليكم
لدي استفسار بخصوص حادث مرور حصل لي قبل سنتين تقريبا
حيث صدمني شخص وهرب , وسجلت قضيه بالمخفر وتم تحويلها لمحكمة المرور بعد تسجيلها بالمخفر بثلاثه اشهرز
السؤال..هل تتم المحاكمة تلقائيا بدون مراجعتي للمحكمة ام يجب المراجعة والسؤال وكيف اعرف
واذا كانت لاتتم تلقائيا ما المطلوب مني اعمله
وشكرا لكم

 

[rahaly]

هرب .. يعني مجهول ؟؟

اذا مجهول ما راح يحولون القضية المحكمة ..

واذا معلوم .. طبعا تنظر القضية ويصدر حكم غيابي ..

راجع المحكمة برقم القضية .. او راجع الادعاء العام واخذ الرقم(او المخفر طبعا) وبعدين المحكمة .. وتعرف شنو اللي صار في القضية

موفق

 

[yahoo77]

اهوا هرب بس قدرت القط رقم سيارته واعطيه للمحقق والمباحث
بعدها مادري شصار ...

 

[rahaly]

اهوا هرب بس قدرت القط رقم سيارته واعطيه للمحقق والمباحث
بعدها مادري شصار ...

اذا .. مثل ما قلتلك .. روح المحكمة برقم القضية اللي ناخذه من المخفر

واستفسر في المحكمة ... اتوقع صدر حكم غيابي

اذا شفت شنو صار في القضية .. اقولك شنو تسوي بعدها

موفق

 

[yahoo77]

الله يا حبيبي رحالي
انا ماراجعت المخفر ولا المحكمة...اراجع موقع وزارة العدل واللي اشوفه فقط انه القضية تحولت للمحكمة بتاريخ 5 مايو 2007 ومافي جديد ابدا
يعني معقولة سنتين ولما الحين ما صارت المحكامة واهيا تطول جذي دايما
يعني انطر
ولا السالفة في شي ؟

 

[yahoo77]

شدعوا محد يرد علينا
صايمين ؟؟!!

 

[عبدالعزيز]

روح الادعاء المرور في الشعب واسال عن قضيتك وتاريخ احالتها الي المحكمه واخذ صوره من الحكم

 

[yahoo77]

بس انا مجيك علي القضيه بموقع وزاره العدل...مافي اي شي جديد
مجرد احالة القضيه للمحكمة بتاريخ 5 مايو 2007
ومافي اي شي جديد...يعني لو رحت الادعاء العام في الشعب يقددروون يفيدوني ولا يتغير شي في الموضوع
وشكرا

 

[rahaly]

بس انا مجيك علي القضيه بموقع وزاره العدل...مافي اي شي جديد
مجرد احالة القضيه للمحكمة بتاريخ 5 مايو 2007
ومافي اي شي جديد...يعني لو رحت الادعاء العام في الشعب يقددروون يفيدوني ولا يتغير شي في الموضوع
وشكرا

ممكن يكون صادر فيها حكم ...

ومع هذا بامكانك ان تذهب للمحكمة وتسأل عنها ..
اذا ما حركت القضية ممكن تبقى سنوااااات محد يسأل فيها ..
وانت صاحب مصلحة ...

ياخوي عاد تحرك شوية

 

[yahoo77]

اشكركم شكرا جزيلا علي تفاعلكم بالنصح معاي

 

[yahoo77]

بس عفوا
مافهمت شلون احرك القضيه .؟
احط محامي يعني ولا بس اروح اسئل عنها
ولا شسالفه
اخوكم عليمي شوي ..... مادشينا محاكم ولا كانت عندنا قضايا

 

[yahoo77]

اذا دشيت موقع وزاره العدل اجيك علي القضيه يطلعلي جذي
2007-05-05 سجلت القضية في دائرة أوامر جزائية مرور في محكمةالاحمـــدى برقم ××××سنة
2007

 

[قناص_السوق]

اخوي الاجراءات في هذه الحاله :-

كان المفروض يتحول الحادث للمباحث اذا كان هناك طرف متهم (وتملك رقم لوحة سيارة الشخص الي دعمك )

وهذا الحادث يعتبر غير مجهول لان هناك شخص متهم

وقبل ان يتحول الحادث الى المحكمه المروريه : يجب استدعاء الشخص المتهم عن طريق الضبط والاحضار من قبل المباحث الجنائيه و اخذ اقواله وفحص السياره والتاكد من مصداقية كلامك ...

وابلاغك بالتحقيق و اعطائك ورقة حادث لتقديمها للتامين .... او نتائج التحقيق


واذا لم يحدث ذلك يعني هناك قصور في اداء الوظيفه والتقاعس في الاداء لذلك قدم تظلم الى الادارة العامه للمباحث الجنائيه واعلامهم بالامر و كذلك لرئيس التحقيق و كذلك الى الاداره العامه للتحقيقات

كذلك شكوى الى مكتب الوزير .... و كذلك التظلم عند المحكمه المروريه في الجلسات و اعلامهم بالامر و تاكد ان الحادث مو مسجل ضد مجهول لو كان معطيهم انت لوحات سياره و اتهمت شخص في التسبب في هالحادث

 

[yahoo77]

اهوا فعلا انا بنفسي وديت ورقة من المحقق للمباحث لضبط المتهم
وعطاني بعدها المحقق ورقه حادث
هذا اخر شي صار معاي

 

[yahoo77]

السلام عليكم
حبيت اقول مشكور لكل من شارك في الموضوع هذا وتفاعل معاي
اليوم انا رحت العدل بنفسي وعرفت انه الحكم صدر

اشكركم

 

[yahoo77]

السلام عليكم
بس حبيت اضيف سؤالين للموضوع
شفت حكم المحكمة ولقيت انه القاضي حكم علي المتهم ب 20 دينار غرامة
السؤال
ال 20 حقي ولا للدولة ؟؟
والسؤال الثاني
ماستلم نهائية الحكم الا بعد الاخ المتهم مايدفع
واذا مادفع شسوي انا
وشودي حق شركة التأمين
وشكرا