ممنوع دخول الدوريات والتكاسي من امريكا قرار جديد

[abdullah6868]

قرار جديد من المرور
ممنوع دخول الدوريات والتكاسي من امريكا قرار جديد
احذروا يا اخوان هذا القرار طبق على دول مجلس التعاون
اليوم رحت للمرور ورفضوا يفحصون دورياتي
علما بانه لا يوجد تحذير سابق لاصحاب تلك السيارات
يعني التاجر اللي جاب دوريات او تكاسي على طول من المينا الى السكراب
حسبى الله ونعم الوكيل قرار يطبق بيوم وليله بدون تنبيه للتجار -- هذا دليل على عدم الاهتمام بمصلحة التاجر
مهم جدا
احتمال يمنع دخول السيارات اللى موديلها اقل من سنتين يعني يسمح 2010 -- 2009 -- السنه القادمه 2008 واقل يمنع دخولة بس انشاالله ما يطبق

 

[q80mofa]

لا حول ولا قوة إلا بالله ...!!!

ودي أفهم شنو هالقوانين اللي تتطبق بدون سابق إنذار والله شي مايدش العقل ...!!!!

أرفع قضيه عليهم يابوعلي ..!!

 

[مضارب عنيف1]

ماقول الا حسبي الله ونعم الوكيل ليه الدوريات وتكاسي مو سيارات يعني؟؟؟ وبعدين جد ابوعلي ارفع قضية هذول يبونا ننجلد جلد من الوكالات وبس ولابعد القرار الي تقول ان شاء الله مايصدر قرار الي سنتين فقط يدش اذا تطبق نصير نفس ايران شفر موديل 1981تلقاه 2500دينار

 

[محمد خليفه]

بسم اله الرحمن الرحيم

هالقوانين تطبق من ظغط التجار ورئيس غرفة التجاره بالكويت مايبون التاجر البسيط يترزق ولا يبون المستهلك البسيط يشتري سياره ارخص من وكالتهم يبون يستنزفون كل شي يملكه ويخلونه على بساط الفقر ,,,,,

حسبي الله ونعم الوكيل عليهم

والله يجزاك خير يا غالي على التنبيه

 

[خالد المـطيري]

الله يعوضك يابوعلي والله يرزقك ان شاء الله

 

[ولد الشعب]

زين يسوون

 

[guru]

لا حول ولا قوة إلا بالله ...!!!
ماقول الا حسبي الله ونعم الوكيل

 

[سهم استراتيجى]

وزارات الداخلية الخليجية اصدروا هالقرار من ماشافوا منها قرار صائب سيارات مستهلكة لدرجة انها مهترية من الاستخدام الشاق وتشرى باسعار بخسة بالكوم (جملة) واللي يوردونها يرقعونها من الخارج ( صبغ وتنجيد ) ويقطونها بحلوق خلق الله وتسببت حوادث كارثية تاير يفلت وانت مسرع عمود قاردن ينكسر وانت ماشي بالعربي سكاريب امريكا تورد على انها سيارات نظيفة وهذا غش مع وجود القلة القليلة من التجار اللي يذكر للمشتري ان السيارة كانت دورية او تكسي .... قرار صائب هذى الحقيقة يابوعلى

 

[GMC يفرض هيبته]

السلام عليكم
سهم تجاري ... صح لسانك .. انا مع كل كلمة قلتها ....والله يعوضك خير يابوعلي ...

لكم تحياتي

 

[ابو عبدالله6700]

لا حول ولا قوة إلا بالله ...!!!
ماقول الا حسبي الله ونعم الوكيل

 

[abdullah6868]

الله يرحم والديكم
انا احترم راى الجميع بس عندي ملاحظات يمكن اكون على صواب ويمكن اكون غلطان
1- الانسان الغشاش اللى ما عندة ضمير يغش مهما كان -- لان فية سيارات 2010 معدومه -- ينزلونها لاحدى الدول الخليجية ويبدلون القطع ويلعبون بالشواصي ويبيعونها على انه جديده
انا عندى مزادات بامريكا والمانيا وهولندا وبلجيكا من بعد التحرير اقدر العب لا كن نعمل وكان الله يرانا
( شوف الصور 2008 --2009 -- 2010 ) معدومه ويتم تصليحها وبيعها للمستهلك
2 - بوجود مراكز الفحص المنتشرة فى الخليج ما فية اي عذر للمستهلك افحص المركبة حتى الصبغ التجميلي يبين
3 - السيارات المستعمله رخيصة وفيها رزقه طيبة بالحلال ليش التاجر يدش بالمتاهات ويغش الناس -- الا اللى ما عنده ذمه وضمير الله يبعدنا عنهم
4 - كل زبون يشترى على قد فلوسه فيه ناس الله منعم عليها ما تشترى الا من الوكاله -- وفيه ناس تشتري السيارات المستعملة الرخيصه
5 - وكلاء السيارات بالخليج الامريكى بالذات يطلبون السيارات بمواصفات اقل جودة خاصة السيفتى وانا عندي دليل
6 - الدوريات بالاخص سيارات مصفحه وقويه جدا وانا استعملها من سنة 1986 -- ما عدى المدعوم منها لانه فاقد لشروط الامن والمتانه
7 - الزبون المستهلك يجب ان يشترط على البائع صلاحية المركبه وخلوها من اى حادث واذا حصل اتفاق يفحص المشتري وبعدها يبين صلاحية المركبة من عدمه
8 - التاجر يجب عليه الخوف من الله سبحانه قبل الخوف من الفحص والمستهلك وخسارته المادية
( من غشنا فليس منا ) والعياذ بالله
الله يستر على الجميع
---------------------------------------------------------

 

[BREMEN]

المفروض من وزارة الداخليه اتنبه التاجر بهالقرار وتعطيه فرصه كافيه لا تقل عن 3 شهوور علشان التاجر يرتب أوراقه مو قرار يطلع بيوم وليله !!!!!! عدل يا سهم استراتيجي ولا آنا غلطان ؟

 

[liger79]

بالله هذا قرار عاد ... بالنسبه للدورية آنا استعملتها والله سيارات الدرويات تكرف كرف اليهود
ليششششششش عاد يعني الفقير شنو يشتري .. ياخي مطابقة للمقاييس والمواصفات الدولية والأمن والسلامه بعد شتبون ... لازم تحدون الناس على الوكلات الزفت الحرامية اللي ماترحم والسعر هذا هو أزمه عالمية ولادولية لا بعضهم زاد الأسعار عنااااااد واضح وصريح ... كل ساع قانون يفيد هالتجار والمواطن بالطقاق !!!!!!
لاحول ولا قوة الا بالله ... حسبنا الله ونعم الوكيل
... ثانياً اخوي سهم استراتيجي ترى سيارات الدورية والتاكسي تبين وواضحه بعد والتاجر اذا بسويها نفس سيارات الوكاله راح تطلع أكثر من بيع السوق .. وهذا للتوضيح

 

[abdullah6868]

p71 +p72
هذى ارقام شواشي الدوريات معروفه
نعم اذا بيبدل التاجر ويغير نفس الوكاله ما راح يربح ولا دينار
واسعارهم نازله بالارض بامريكا والكويت