صالون نسائي لذوي الاحتياجات الخاصة ( معاقين) وأخر رجالي

[saadkuwait]

السلام عليكم
عندي مشروع صالون متخصص لذوي الاحتياجات الخاصة
الاول نسائي

تقدم فيه خدمات عديده منها خدمة التوصيل الى الصالون مجانا
ذهاب وعودة
مع أشراف خاص من طاقم صحي وطبي
وقد يدعم من جمعيات واندية خاصة للمعاقين
--------------------------------------------------------
والمشروع الاخر هو مشروع صالون رجالي متخصص لذوي الاحتياجات الخاصة
تقدم فيه نفس الخدمات
وقد يتطور المشروع الى مكتب مرادف لهذا صالون يهتم بالشأن الاجتماعي للمعاق ( زواج - حلول نفسية أجتماعية - دعويه - الخ
__________________________
السؤال هو هل هناك صالون بالكويت متخصص فقط لذوي الاعاقة
السؤال الثاني هل أستخراج ترخيص لهذا المشروع يحتاج طلبات خاصة
السؤال الثالث رشح أي منطقة نفتح بها الصالون الاول ولماذا
ممكن تقولي رأيك بهذا المشروع ( وبالاخص الذين لديهم شخص معاق )

 

[kwtgirl99]

اللللللللله ماشالله يارب الله يوفقك انشالله مشروع انساني قبل لا يكون ربحي

عسى الله يوفقك ويفتح لك ابواب السما

 

[مايرزني نكـ]

شوف اخوي .. انا اعرف من ذوي الاحتياجات الخاصة وايد ..

المشروع حلوو ..

بس يعني لابد يكون العماله في الصالونات .. يعرفون لغة الاشارة .. يعرفون شلون يتعاملون مع المعاقين .. يعرفون شلون يتعاملون مع جميع الاعاقات .

وحلو لو يكون الاارة كويتية او خليجية ع الاقل .. وطبعا شبابية .. او يكونون من نفس الفئة ..

وللعلم مشروعك ماسمعت عنة بالكويت .. يعني مافي منة

هممممممم

واذا ع المكتب اللي يقدم الخدمات .. في تقريبا بالكويت اماكن تنعد بالاصابع ..

مثل لجنة المبرة الخيرية .. لجنة للزواج ..

مثل نادي بحولي .. للمعاقين ..

مثل نادي في الدسمة << اتوقع بالدسمة ..



مشروع جد راح يفرح المعاقين .. واهالي المعاقين ...

موفق ..

 

[saadkuwait]

الله يبارك فيكم
وعلى فكره الطاقم كله كويتي طبعا أما العمالة راح تكون من الفلبين والصين
ومشكورين على هذا الاطراء

 

[بوفهيد]

كفووو و الله هذي المشاريع السنعه

توكل على الله خووش فكرة و صدقني بتنجح و افضل تفتحة قرب مركز متخصص بالمعاقين نادي مدرسة و جذي بتوفر على نفسك بالدعاية .. بخصوص الاوراق اكتب كتاب لوزير التجارة وواحد لوزير الشؤون وعطة اي نائب و يخلصة لك لان مشروعك يخدم فئه مضلومة بمجتمعنا للاسف .

بس شوف انا قلت المشروع بينجح بس مو مربح كثير يعني المطعم ممكن يكسبك اكثر.

 

[saadkuwait]

الله يطول بعمرك على هذا الكلام

 

[أحمد ظاهر]

موفقين .. فكرة حلوة ومشروع رائع جدا

واذا اقدر اساعدكم بأي شي انا حاضر ومن عيوني ولوجه الله تعالى

 

[saadkuwait]

الله يطول بعمرك على هذا الكلام الطيب

 

[saadkuwait]

أشكر مروركم لهذا الموضوع

 

[أزقــرتي]

الله يوفقك من عنده ويرزقك ويرزقنا

ولو تبي شريك تراني حاظر

 

[saadkuwait]

الله يطول بعمرك المشروع قدمته لاكثر من جهة وناطر ردهم

 

[ostath]

بس حط بالك انه في صالونات متنقله ..يعني ايونك ليلبيت بسعر اقل من الصالونات..يعني اتوقع اخوانا المعاقون يفضلون يسون شغلهم بالبيت اريح من النقله و التعب...

 

[saadkuwait]

فكرة المشروع تقوم على دمج المعاق مع المجتمع فقط

 

[saadkuwait]

الله يوفقك من عنده ويرزقك ويرزقنا

ولو تبي شريك تراني حاظر

الله يطول بعمرك

 

[saadkuwait]

الله يطول بعمرك

 

[saadkuwait]

الله يطول بعمرك