استفسار الله يجزيكم الخير

[nabil yassen]

السلام عليكم
ابي أوكل محامي شاطر او محامية عن قضية (جناية) مضمونة بأذن الله
ذهبت الى محامية وصدمتني بسعر خيالي,, وقلت علشان انها معروفه,,
القضية اشوفها بسيطة,,
ولكن لان سميت بالجناية فا أسعار مرتفعة...


قضية جناية كم تأخذ لها تقريبا..؟؟

ملحوظة: نوع الجناية صفعة عالاذن (ابتلاء طبعاً) مما ادى الى ثقب بالاذن الوسطى تتعالج اكثر من 21يوم علشان جذي سميت بالجناية,,,, والمتهم لم يحقق معاه,,, بالامس داقين علية المباحث ولم يذهب متخوف ان يسجن الى يوم الاحد....

 

[general]

لاتستغرب من السعر الغالي الي عطوك وثانيا مافي شي اسمه جنايه بجم لان كل قضيه لها تفاصيلها بس على حسب ما وكلت من محامين (يوم كنت طايش ومراهق) كنت اشوف الوالد اقل شي يدفع على هل امور الي مشابهه لقضيه رفيجك تقريبا 700 دينار الى 1200 دينار
وقضيه رفيجك صعبه للمحامين لان فيه تعب والسبه راح يطالبون بتعويض كبير (الي مطقوق)
وبالنسبه للمباحث ان داقين عليه خل يرد عليهم ويقول لهم انشالله الاحد اكون عندكم (مع المحامي) وليش يتهرب من المباحث بالنهايه هذا جهاز من اجهزه الدوله .

 

[مودQ8]

الصح هو ان تواجه المشطله وتحلها شوف اذا ماسبب الضرب عاهه مستديمه موضوعها سهلويمكن تفرج عنه النيابه بكفاله وانا انصح ان يوكل محامي دز الاستشاره لموقع احد المحامين واساله عن السعر وكل التفاصيل بس القضيه سهله وحد المحامي فيها 2000 دينار ومافيها سجن واذا تنازل المجني عليه الامور سلامات

 

[fayoona74]

محامين المكاتب سعرهم غالي تقدر تستعين بمحامين بدون مكاتب يساعدونك بسعر ارخص

 

[ابن عجلان]

والله روح ادفع حق المجني عليه المبلغ الي راح تدفعه للمحامي وخله يتنازل احسن... وراح تتذكر كلامي...

 

[nabil yassen]

يعطيكم العافية جميعا

والله روح ادفع حق المجني عليه المبلغ الي راح تدفعه للمحامي وخله يتنازل احسن... وراح تتذكر كلامي...

جيك على الرسائل الخاصة

 

[مودQ8]

محامين المكاتب سعرهم غالي تقدر تستعين بمحامين بدون مكاتب يساعدونك بسعر ارخص

استاذه فيونه محامي بدون مكتب يعني مو كويتي ويمكن مو مقيد بالجمعيه وهذي شروط العمل بمهنة المحاماه ولعلمك فيونه ان المحامامين اللي ما عندهم مكاتب ظاهره خطيره بحيث انك لو بغيته ممكن ماتلقاه والله انا اعرف كم شكوى ضد هؤلاء المحامين وجمعيه المحامين تحاربهم واكثرهم مصريين واللي ينصاد يروح النيابه بتهمة مزاولة مهنة المحاماهانا انصح ان يروح لمحامي عنده مكتب ويتفق معاه على الاستشارات وكتابة المذكرات فقط وهنيه احسن له وايد
وديري بالك فيونه من محامين الشنطه

 

[nabil yassen]

التقرير الطبي صحيح 100% لكن بالحقيقة (تبلي)
للعلم الواقعة لم يشاهدها احد إلا الله...

المهم
اذا قال الحقيقة بالنيابة ,, يعني ما ضرب,, وهذا تبلي,,, يطلع بكفاله؟
للعلم وكلنا محامي

الصح هو ان تواجه المشطله وتحلها شوف اذا ماسبب الضرب عاهه مستديمه موضوعها سهلويمكن تفرج عنه النيابه بكفاله وانا انصح ان يوكل محامي دز الاستشاره لموقع احد المحامين واساله عن السعر وكل التفاصيل بس القضيه سهله وحد المحامي فيها 2000 دينار ومافيها سجن واذا تنازل المجني عليه الامور سلامات

الله يجزيك الخير طمنتا الله يطمن قلبك

 

[وقاص]

يا جماعه والله ما يصير قسم التواكيل قتلنا

اعتذر بالخطأ

 

[fayoona74]

والله أ. مود انا عندي ماعلامهم شي يؤدون نفس النتيجة فيهم الزين والشين مثل مافي محامين المكاتب الزين والشين والعبرة مو بجنسية المحامي العبرة بخبرته وامكانياته

 

[q8royale]

خل يروح الحين يراجع اول
يمكن يقدر يعمل صلح مع الطرف الاخر

 

[مودQ8]

والله أ. مود انا عندي ماعلامهم شي يؤدون نفس النتيجة فيهم الزين والشين مثل مافي محامين المكاتب الزين والشين والعبرة مو بجنسية المحامي العبرة بخبرته وامكانياته

استاذه فيونه اشفيك هذي جنايه تحتاج الى استعداد ومرافعه يعني غصبن عليه يوكل محامي كويتي يحضر التحقيق ويترافع امام محكمة الجنايات ولا يصير لاي محامي غير كويتي يوقف ويترافع واذا ماعنده المحكمه تندب له محامي كويتي طبعا غير مستعد وما راج يترافع زين ويروح فيها المتهم فالافضل توكيل محامي كويتي والا راح ياخذ

 

[بور-صا]

بالتوفيق.............

 

[بور-صا]

راجع الخاص

 

[RWaaN]

الله يعينه انشالله ويفرج عنه امين