دورة المؤشرنت للتحليل الفني
50 دينار كويتي
والله يا بو نورة الله كريم السووق كله قووع بس صاحبنا مبسوووط سعر البرميل وصل 70 $ ان شالله هذا بداية الغيث او لا تنسا احنا معظم استثماراتنا في مدن الطاقة او الاقتصاد قاعد يتعافى بس في بطء ان شالله نصبر او ان الله مع الصابرين
والله لو ما شفت صور الرئيس التونسي زين العابدين مع عصام الجناحي قبل كم يوم بافتتاح مدينة الطاقة بتونس ولاّ قلت احنا طحنا بشلة نصابين .. بس إن شاء الله السهم عن قريب يفرح قلبي ويفرحكم ..
بو نوره بعد كبدي ...(( لا تعشق السهم أبداً .... أعشق رأس المال ))
نصيحه وراح تستفيد وايد ... "وتنسي تغلب الفراش ودوخة الرأس"
عسي ربي يرزقك ويوفقك مع جميع ملاك الخليجي.....
أول شي أبشرك يالحبيب لا في تقلب فراش ولا في دوخة راس من الأسهم لأن عندي يقين أن الرزق بيد الله ولا مانع لما أعطى ولا معطي لما منع وما صعود الاسهم او نزولها أو حتى انهيار الاقتصاد العالمي الا مسببات .. وكل شي له سبب بالضبط مثل قصة موسى مع الخضر في سورة الكهف لما الخضر خرق السفينة لسبب وقتل الغلام لسبب وبنى الجدار لسبب ..
ثاني شي انا ما اعشق السهم ولا اعشق راس المال ولو تلاحظ الآية الموجودة مع كل مشاركاتي راح تفسر لك الكلام اللي اقوله (لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ ..)
ثالث شي شاكر لك ومقدر لك نصيحتك ودعائك وهذا إن دل على شي دل على طيب معدنك يالغالي .. وعسى الله يرزقك من حيث لا تحتسب يا رب ..
والله لو ما شفت صور الرئيس التونسي زين العابدين مع عصام الجناحي قبل كم يوم بافتتاح مدينة الطاقة بتونس ولاّ قلت احنا طحنا بشلة نصابين .. بس إن شاء الله السهم عن قريب يفرح قلبي ويفرحكم ..
يقولك جايبين رئيس تنفيذي اسمه جافور مدري كافور
انا من شفت الاسهم وقمت اتراجف خايف صراحه يسونا قضية دارفور ومانخلص الله يستر
الله اعلم كل شيء ممكنالسلام عليكم
انا ابي اعرف هل ممكن ان يوصل سعر السهم فوق النص دينار الصراحه انا اشك بس السؤال موجه لكم وهل تنصحون بالشراء علاسعار هذي وجم ممكن يوصل بالمستقبل
وشكرااااااااااااااااااااااااااااااااااا
الله اعلم كل شيء ممكن
سعره كان فوق الدينار وربع
ووصل 160 فلس
واليوم 222 فلس
وهذا سهم حاله حال الاسهم يوم طالع وشهرين نازل
اذا انت مستثمر طويل الامد يعني تصبر على شرائك للسهم لمده 6 اشهر
اتوقع وخبرتي المحدوده بان يوصل 450 فلس
والراي لك والمشوره مني والرزق على الله
ياجماعة هذا السهم وراه سالفه , أما اللي وراه يبي ينشف السوق من هالسهم يعني يخلي الناس تلوع جبدها من السهم وهو يلقطه على نار هاديه والا السهم صار خرخوتي 00وبس 0والحين حنا راضين ب270ف
والله يا فندوش أخاف احنا اللي ورانا سالفة
كل ما نشتري سهم راح وطي ..
على العموم إن شاء الله السهم باجر يعلق
أرباح تمويل خليج للربع الثاني ؟؟ ماذا تتوقعون سالب والا موجب نرجو المشاركة, واللي عنده اشاعة نسمع منه بس خل يقول اشاعة سمعها علشان مانتأمل
الربع الأول مافيه خساير ولكن تم ادراج المبلغ لمواجهة الأزمةتوقع شخصي والله أعلم
نتائج الربع الثاني راح تكون
إطفاء الخسائر الخاصه بالربع الأول
مع وجود بعض الأرباح الطفيفه
هذا مجرد توقع شخصي
دورة المؤشرنت للتحليل الفني
50 دينار كويتي