بيت التمويل الخليجي ( تمويل خليج ) ..... 2

[UNIX]

الاعلان رائع

الزيادة لرأس المال عباره عن أصدار أسهم أفضليه،، يعني انتوا ملاك الأسهم العادية ما راح تدخلون بالزياده

ان شاء الله بكره يرتد

هههههههههه رنجفني بالأدنى

 

[bu noora]

استنتاج بسيط : اذا أراد بيت التمويل الخليجي أن تتم زيادة رأس المال على صانع السوق رفع السهم ما فوق سعر الاكتتاب بأكثر من الضعف و إلا لن تنجح عملية زيادة راس المال.

التوقع: ارتداد يوم الخميس و الاغلاق عند الحد الأعلى و الله أعلم.

معلومة : القيمة الدفترية لسهم بيت التمويل الخليجي بعد أعلان 30 يونيو 2009 هي 218 فلس.

صبحك الله بالخير اخوي العزيز .. اسمح لي ان اخالفك الراي بالنسبة للقيمة الدفترية للسهم ..
القيمة الدفترية للسهم 260 فلس تقريبا وتقبل تحياتي ..

 

[Bo_Yosef]

تداول عنيف في هذه اللحظات !!

يا رب يخف البيع اشوي لان السهم وده يصعد لكن شدة البيع تعيقه !

ان شاء الله ارتداد اليوم

اربط حزامك للصعوووووووود .... هدف النزول انا يايقدر ياخذ اكبر كميه ممكنه فا لازم في بيع

 

[borashed]

ارتداد طيب جدا .. الحين الساعة 9:25 عسى الله يرزقنا واياكم

 

[Bu3ly]

ان شاء الله خير . مدام فيه بياع عيل لازم اكو شراي . الكميه وايد حلوه . الصعده يمكن تكون بلشت

 

[bu noora]

غريندايزر وتمويل الخليج

علّي علّي بطل فليت
هيا سر يا غريندايزر

عدوك فاحذر سلح نفسك ناضل بالكفاح
لأجل ملاك تمويل الخليج في كل الأصعاق

كافح شرا عطل مكرا فالخطر كبير

 

[Bu3ly]

علّي علّي بطل فليت
هيا سر يا غريندايزر

عدوك فاحذر سلح نفسك ناضل بالكفاح
لأجل ملاك تمويل الخليج في كل الأصعاق

كافح شرا عطل مكرا فالخطر كبير

صبحك الله بالخير بو نورة

عزّلت بالاغنية ياخوك . شوهت التراث

الله يبرد قلبك . آمين

 

[bu noora]

الكديش وتمويل الخليج

صبحك الله بالخير بو نورة

عزّلت بالاغنية ياخوك . شوهت التراث

الله يبرد قلبك . آمين

صبحك الله بالنور أخوي بو علي ..
مشكور على الدعوة الطيبة ..
بس الله يستر لا تكون فزة غريندايزر فزة كديش

 

[bu noora]

حي الميد وتمويل الخيج

ابعرف هذا ارتداد ولاّ لعبة حي الميد ( بكسر الميم )
كل شوي طق الحد الأدنى ورجع ..

 

[النــاقــد]

سبحان الله !!

امس كان السوق يساعد على التعليقة واخضر لكن السهم كان موقف !

واليوم السهم يبي يعلق صار السوق احمر !

ما انقول الا الحمدلله على كل حال

 

[bu noora]

مبري الذمة إذا علقت السهم

أنا واحد من الناس راح اسامحك إذا علقت السهم اليوم يا صانع السوق وابري لك الذمة

 

[سلطان البراك]

الله يستر

 

[bu noora]

الاسمنت والتمويل

اسمنت الخليج علق والفال حق تمويل الخليج

 

[misho200]

سبحان الله !!

امس كان السوق يساعد على التعليقة واخضر لكن السهم كان موقف !

واليوم السهم يبي يعلق صار السوق احمر !

ما انقول الا الحمدلله على كل حال

هذي الكويت صل على النبي .. اهي ديرتنا واحنا ما ندري شنبي
والله كل ما قلت 1+1= 2 يطلع الناتج صفر

يا خوي لها حسبه .. يتراوالي الذكي ما يفهمها
هالحسبه يبلها واحد عايش بلاس فيقاس 30 الى 40 سنه

لان الموضوع مو 1 + 1 = 2

 

[misho200]

اسمنت الخليج علق والفال حق تمويل الخليج

وانت الصاج شوف ( زين ) اللي صار لهم اسبوع يدللون عليها
اليوم الصبح مالك محط ريل .. والحين سبحان الله قووووووووع
عايد العنزي من اول الاسبوع زين ويا زين زين ..
لا حول ولا قوة الا بالله .. قماااااااااااااااااااااار

 

[النــاقــد]

وانت الصاج شوف ( زين ) اللي صار لهم اسبوع يدللون عليها
اليوم الصبح مالك محط ريل .. والحين سبحان الله قووووووووع
عايد العنزي من اول الاسبوع زين ويا زين زين ..
لا حول ولا قوة الا بالله .. قماااااااااااااااااااااار

والله يا اني سامع عن ناس تقول "ماضيعنا غير عايد"

ديروا بالكم منه, اذا اهو بنفسه يضارب بالبورصة شنو تتوقعون يكون تحليله؟ حيادي ؟ "

ما اظن

 

[q8__]

الله العالم احد قاعد يطلع و الشراي يا اسهم خزينة يا احد ثاني مو معقولة كل هذيل مضاربين حتى الي ادش و يطلع ابنفس اليوم لما اشوف شراء يمسك هذا حالف ازيد المعروض و البيع بين 190-194 ؟

 

[bu noora]

احيانا السهم يبتعد عن التحليل الفني لوجود خبر معلن او غير معلن .. والقاعدة تقول الخبر يبطل التحليل .. وعلى هالاساس اللي قاعد يصير شي طبيعي بعد خبر خساير الربع الثاني ..
تفاعل السهم مع الكاش وارد وخاصة ان القيمة الدفترية للسهم 260 فلس تقريبا .. واعتقد ان السهم يعتبر حاليا ومن وجهة نظري المتواضعة فرصة للمحافظ ولو على سبيل المضاربة .. على العموم خلك ريلاكس خلال هاليومين لغاية ما الله يفرجها ..

الله العالم احد قاعد يطلع و الشراي يا اسهم خزينة يا احد ثاني مو معقولة كل هذيل مضاربين حتى الي ادش و يطلع ابنفس اليوم لما اشوف شراء يمسك هذا حالف ازيد المعروض و البيع بين 190-194 ؟

الجواب على ما اعتقد في المشاركة السابقة بمعنى اللي قاعد يصير شغل محافظ والله أعلم

 

[q8__]

الجواب على ما اعتقد في المشاركة السابقة بمعنى اللي قاعد يصير شغل محافظ والله أعلم

الله اسهل يا بو نورة

 

[bu noora]

الحمدلله الذي لا يحمد على مكروه سواه​