توصيات أسعار ( السر وينه ) .......... 1

[اسعار]

وضع السوق غير جيد
النصيحه تقول
لاتندفع
وركز على سهم او اثنين لم فيهم على الراحه
وخل عندك كاش لايقل عن 50 بالميه اقل شى ​

 

[starter]

وضع السوق غير جيد
النصيحه تقول
لاتندفع
وركز على سهم او اثنين لم فيهم على الراحه
وخل عندك كاش لايقل عن 50 بالميه اقل شى ​

لا طبنا ولا غدى الشر يا بو مشعل
زين شنو هالسهمين اللي اركز عليهم ؟؟؟
نبي توصية من القلب بو مشعل على الخاص او على الحكومي

 

[الجارح]

ركز على انجازات + اعيان عقاريه

تبى بعد حاضرين

 

[starter]

ركز على انجازات + اعيان عقاريه

تبى بعد حاضرين

تسلم تسلم يالجارح
دام فيها متابعة كافي هالاثنين
شكلك متابعهم,,, عيل اذا صار اي جديد بلغنا,,,,,ما تقصر يالغالي
وهم نجدد النداء لبو مشعل للوفاء بالوعد

 

[اسعار]

سهم حلو ماتأثر الى الان بتذبذبات السوق
حط بالك عليه عدل
ارباحه عام 2005 (( 103 فلس ))
ارباحه عام 2006 (( 64 فلس ))
طبعا بتقول ليش ذكرت الارباح شنهى القصه نعرف ان ارباح 2005 و 2006
نقدر نطلعها ونشوفها
اقول ليش ذكرتها
تصريح صحفى يقول فيه رئيس مجلس الاداره
ارباحنا للنصف الاول لعام 2007 تفوق ارباح عام 2005 وستكون قياسيه
لاحظ ماقال 2006 قال 2005 علما بان ارباح الربع الاول 2007 = (( 66.5 فلسا ))
الارباح 16.308 مليون والغير محقق منها 333 الف دينار
خبر حلو الى الان بما يخص الارباح
-------
السهم اقفل اليوم على 770
لو بنلاحظ عروض السهم للحد الاعلى 810 لليوم ( لاتصل الى 250 الف سهم ) السهم ناشف السهم ممسوك بشكل رسمى معلن لكبار المساهمين (( 93بالميه تقريبا ))
93 بالميه النسبه الممسوكه من عدد الاسهم القائمه 245 مليون سهم
المتبقى خارج النسب الممسوكه لكبار المساهمين = 23.694 مليون سهم تقريبا قلنا المتبقى خارج نسب كبار المساهمين 23.694 خلنا نقول 23.700 مليون سهم
الاجل على السهم = 1.100 مليون سهم
23.700 - 1.100 = 22.600 مليون سهم المتبقى بالسوق
طبعا الكميه المتبقيه لو بنقول عندنا بالسوق محافظ وصناديق يصل عدد لل 125 وبمتوسط يصل لل 8 مليار دينار حجم سيولتهم
مااعتقد مايكون عندهم سهم ......
------------
الحين المفيد
تعتبر .........الذراع الاستثمارى والمحرك لسيولة المشاريع ( مو تقول ترى علمتك )
تملك ..... بالصناعات المتحده 43.54 بالمئه تعتبر المستفيد الاول من الصناعات المتحده فى حال
حسب مايشاع
1-قامت ببيع الصناعات المتحده بدينار
2- قامت الصناعات المتحده ببيع سدافكو
3- لم تقم الصناعات المتحده ببيع سدافكو تستفيد من ارتفاع ارباحها
بكل الاحوال ربحانه
----------------
قبل اقفال الربع الثانى
حققة كامكو ارباح 6.1 مليون دينار ومن بداية العام حقق 25 مليون من خلال صندوق كامكو الاستثمارى
تبلغ قيمة الصندوق 81 مليون
----------------
نشوف الرسم البيانى
الرسمه ل6 شهور من خلال الشموع نجد الاتى
نقطة قاع تعتبر 740
نقطة مقاومه هامه 760 يخترقها السهم تكرارا يلامس حاجز 770 ويرتد
فى حال كسر السهم حاجز ال770 راح نشوف 800 وهى تعتبر النقطه الهامه مابعد 780
المراد
السهم اشوف بال 850 مع تحرك المشاريع

كامكو ​

 

[اسعار]

اسهم البدر
اسهم شعبيه
تتعرض بالصعود والنزول الى عاملين بنظام الثيران والدببه
لحظة الصعود نرى هجوم شرائى يسمى بدخول الثيران ( اسبانيا ) لما يهدون الثيران وهى رايحه الحلبه يصير مداعم
ولحظة توقف عمليات الشراء على طول نشوف حذف اندفاع الدببه
هذا اللى صاير باسهم البدر تكه وتكتين بالكثير
وهالنوع من الاسهم يعطى عائد ممتاز فى حال
تجميعها بشكل ممل ( يعنى لا تندفع اطلب وطول بالك )
ومن يصير دخول تقول تفضلوا وترجع من الاول
طبعا انت تقط وترجع تلم من تحت ( بالك طويل ) شى حلو بما ان صانع السوق قاعد يلم بهالمناطق الى ان يملأ المحفظه عدل بعدها بيطير
ومو يطير تلحقه تقول صادنى

واعتقد وايد يلمون من تحت ويحطون فوق من تروح كميتهم ويشوفون السهم صار عليه دعم يدشون فوق بعدها يقولون صادنى

تبيه مايصيدك
يا تلم من تحت وتعطيه فوق ومن يطير تخليه ماتضايقه ( علشان ماتقول صادنى فوق )
يا تلم وتطول بالك لما يخلص دورانه ويلم المنح لانى اشوف الاسهم فيها خير واسعار حلوه

عندك حلين ( شرايك ايهو تختار )​

 

[Al-Marzouq]

okhoooy as3ar
?shrayek fi nour wel dar wel 9afat lel estethmar

 

[اسعار]

في إدارة توزيع المخاطر يجب معرفة أكثر الأمور أهمية وهي:
يجب تحديد أقصى خسارة ممكن تقبلها في الصفقة الواحدة.
لا تتداول بأكثر من 15% من إجمالي رأس المال في سهم واحد.
لا تتداول بأكثر من 30 % من إجمالي رأس المال في قطاع واحد.
لا تتداول بأكثر من 60 % من إجمالي رأس المال في وقت واحد.
في حال المضاربة لا تتداول بأكثر من 25 % من إجمالي رأس المال المخصص للاستثمار بالأسهم.
في حال المضاربة يجب أن لا تدع الخسارة في الصفقة الواحدة تتعدى 5 % من إجمالي قيمة الصفقة.
في حال المضاربة لا تتداول في أكثر من 5 أسهم في وقت واحد، وإذا كنت تدير أكثر من 5 أسهم في وقت واحد فسوف تفقد التركيز والسيطرة.
لا تدع العاطفة تأثر في قراراتك وابتعد عن الخوف والطمع .
إذا كان لديك شك في وضع السوق واحتمالات تأثره بعوامل خارجية، اجلس جانبا لأنه في بعض الأحيان إذا لم تفعل شيئا فهو أفضل شيء تفعله​

الكلام منقول حلو دقق فيه عدل ( طريجك يصير مميز بالنجاح )
السوق رايح لل 13 الف على الراحه ( المعطيات التى تتمتع بها الشركات طفره لن تمر بها وسيكون عام 2007 افضل بكثير من عام 2005 )
لم ابالغ بقول 14 الف نقطه سيصلها السوق فضلنا الرقم 13 مؤقتا
لكن بالحذر لاتندفع الاندفاع يعنى خسائر ( لاتصعد فوق انتبه )

هناك اسهم ممتازه للغايه والدور قادم لها من بعد تجميع
المعادن ( تجميع وتنتظر اخبار حلوه هالاسبوع ) سعر 900 اقفال اليوم
اسمنت الكويت ( تخارج من الصفاة من سعر التاسيس بتحقيق 400بالميه والسهم موسعره 1400 )
اغذيه ( نية الملاك يعلقونه اسبوع كامل )
الكابلات ( بيد الملاك والسهم ناوين له حاله حال الاغذيه )
الصناعات الوطنيه عندها ثلاث اخبار قويه وناوين لاهداف عاليه اخر العام تصل لل 2.500
اسواق والاستثمارات الصناعيه والتجاريه العقاريه ( فيه محافظ قاعده تجهز تحالفات قويه ناويه عليهم بسبب الضغط وتجميد سيولتهم )
كامكو وخليج متحد ( ممسوكه الاسهم بنسب كبيره )
تكتيك قادم بقوه لل ......
الصفاة
( حولة جميع الاسهم التى تمتلكها للاجل للاستفاده من الكاش )
من ضمن هالاسهم الحاسبات الاسماك والخ...
الاستثمارات الوطنيه
استبدلت كمياتها بالمحافظ الى بيوع اجله للاستفاده من الكاش
البحر ( عام 2007 راح يدوبل اسعار الاسهم ) ارباح النصف الاول لشركاته جيده جدا والربع الثالث راح يكون احلى

المشاريع تجميع لفترات طويله وارباح للشركات خياليه
مجموعة البدر الى الان مااسفادت من صعود السوق والتجميع مستمر

تخارجات ضخمه وارباح خياليه للشركات بالربع الثانى وبالربع الثالث اغلبها راح نشوفها

صيف ساخن
لكن خل بالك لاتندفع ركز على سهمين او ثلاث وأبدأ ببناء المراكز عليها
دائما خل عندك كاش ( لاصطياد الفرص ) خارج المحفظه

السوق حلو لكن ركز عدل من الدورانات ولاتغيير مركز بالاندفاع على اسهم مرتفعه فوق ( بناء المراكز على اسهم من الاسفل وليس من الاعلى )

 

[اسعار]

لما تقول هالكلمه
السوق صعد وانا خسران
الاسباب
تكون مركز على جم سهم وقاعد تلم فيهم
من يصعد سهم تكه تقطه وتروح تركض على سهم واحد موصيك عليه تصعدله فوق وتنصاد ومن ينزل يصير عليك جنى الارباح تقعد تخبص وتقطه
ترجع لسهمك فوق ويصيدونك فيه بجنى ارباح والسيناريو يتكرر وفلوسك تتأكل

المحافظ تقعد على سهم او اثنين او ثلاث تلم
كمثال
بيان صارله فتره محفظه تلم فيه وهو بنزول من صعدت المخازن قطها فوق ورد استردها منك من تحت
قطها عليك فوق و رد اخذها منك تحت ليش
لانك مضارب مافيك صبر مندفع تلحق السهم متأخر وتطلع منه مبجر
عرفتوا اسباب خسائركم الان ​

ركز ولاتسمع لاحد
ادرس السهم عدل وتابع سيناريو غروبه ولاتندفع

لاحظ الساحل قاعد يلم يوميا على 440 و 435
من تصعد الهواتف يصير تدافع على سهم الساحل ومن توقف الهواتف عن الصعود يقول فيك ( تصريف عليك ويرد يستلم من ك من تحت )
هذا مثال والامثله بالسوق كثيره
ركز ركز ركز ركز ركز ركز ركز ​

 

[NBK]

بارك الله فيك يالغالي

 

[jeme_E]

جزاك الله مليون خير اخونا اسعار
وياريتك تحطنا من اللى توصيهم بالخاص
فضلا لا امرا


ومن لايشكر الناس لايشكر الله

 

[1aziz]

(دزيناها مسج لاكثر من 25شخص الساعه 11 مساء قبل ان يبدأ السهم بالحركه القويه والى الان ماشفت احد دز رسالة يقول مشكور على 300 فلس )

اخي اسعار الرجاء الاضافة بلستة التوصيات على الخاص

جزاك الله خير
الله يعطيك العافية . وعسي الله يعطيك علي قد نيتك ويجعلها في ميزان أعمالك يا رب

 

[محتار شلون أربح]

صباح الخير

جزاك الله خير أبو مشعل وماقصرت ويا إخوانك

أنا أعلن انضمامي لمجموعتك وأنتظر توصياتك على الخاص والعام بصدر رحب وشوق دائم

مشكووووووووووووووووووووووووووور سلفا ومقدما

 

[GRAND]

ظبطنا تكفى يا بو مشعل خلني بس ارد خسارتي القويه في اللبنانيه وجراند والكاش موجود ابي احطه فيه تعويض والعوض من الله ثم منك وترى دزيت لك على الخاص من قيل وما رديت بس معذور بو مشعل ضمنا على الخاص

 

[almaymoni2007]

اخوي اسعار بومشعل
نصايحك تنشرا واتمنا تضيفنا على الخاص هذي ثالث مره اقولها والثالثه ثابته على قوله اخوانا المصريين
لك كل الشكر مع اني ما استفدت من توصياتك اللي بالخاص
تنبيهاتك بالصفحه استفيد منها واتابعها
الله يوفقك

 

[ضرار.]

ضيفنـــــــى معاه ضافـــــــــك الرحمــــــــن

 

[aboibrahim]

صبحك الله بالخير اخ اسعار
الله لايحرمنا منك والله يرزك برزكه الواسع لك والطيبين من شرواك

 

[كوكتيل]

مرحبا بومشعل ترى دزيتلك على الخاص والعام ماشفنا رد. لكني مقدر وضعك الله يرحم والديك ظيفني معاهم. ويزاك الله خير.

 

[اسعار]

جزاك الله مليون خير اخونا اسعار
وياريتك تحطنا من اللى توصيهم بالخاص
فضلا لا امرا


ومن لايشكر الناس لايشكر الله

(دزيناها مسج لاكثر من 25شخص الساعه 11 مساء قبل ان يبدأ السهم بالحركه القويه والى الان ماشفت احد دز رسالة يقول مشكور على 300 فلس )

اخي اسعار الرجاء الاضافة بلستة التوصيات على الخاص

جزاك الله خير
الله يعطيك العافية . وعسي الله يعطيك علي قد نيتك ويجعلها في ميزان أعمالك يا رب

جزاك الله خير أبو مشعل وماقصرت ويا إخوانك

أنا أعلن انضمامي لمجموعتك وأنتظر توصياتك على الخاص والعام بصدر رحب وشوق دائم

مشكووووووووووووووووووووووووووور سلفا ومقدما

ظبطنا تكفى يا بو مشعل خلني بس ارد خسارتي القويه في اللبنانيه وجراند والكاش موجود ابي احطه فيه تعويض والعوض من الله ثم منك وترى دزيت لك على الخاص من قيل وما رديت بس معذور بو مشعل ضمنا على الخاص

اخوي اسعار بومشعل
نصايحك تنشرا واتمنا تضيفنا على الخاص هذي ثالث مره اقولها والثالثه ثابته على قوله اخوانا المصريين
لك كل الشكر مع اني ما استفدت من توصياتك اللي بالخاص
تنبيهاتك بالصفحه استفيد منها واتابعها
الله يوفقك

ضيفنـــــــى معاه ضافـــــــــك الرحمــــــــن

صبحك الله بالخير اخ اسعار
الله لايحرمنا منك والله يرزك برزكه الواسع لك والطيبين من شرواك

مرحبا بومشعل ترى دزيتلك على الخاص والعام ماشفنا رد. لكني مقدر وضعك الله يرحم والديك ظيفني معاهم. ويزاك الله خير.

ان شاء الله نحطكم بالخاص ولاتزعلون
لكن هااااااااااااا ( طول بالك معاى ) مو تلعوزنى
وموتصير من اللى وصيناهم واربحوا ارباح حلوه ( واخرتها قاعد يذم من ورانا )​

 

[navy_q8]

أسعار ضبطنا تراك ناسيني

ان شاء الله نحطكم بالخاص ولاتزعلون
لكن هااااااااااااا ( طول بالك معاى ) مو تلعوزنى
وموتصير من اللى وصيناهم واربحوا ارباح حلوه ( واخرتها قاعد يذم من ورانا )​

جزاك الله خير