مطلوب برنامج لإرسال الرسائل

[salem.srsr]

السلام عليكم

شباب منو يقدر يفيدني ابي برنامج

اللي يرسل رسائل حق الإيميلات

وجزاكم الله خير

 

[pedram]

اخوي في سكربتات تركبهم على موقعك تقدر انك تدز منهم ايميلات بس طبعا لازم تسأل شركة الاستضافة عن الموضوع هذا لانه لو زادت الايميلات عن حدها يصير سبام و اوفرلود على السيرفر

بس اعتقد 500 ايميل باليوم يمشي

في بعد القائمة البريدية الي تيي مع ال cpanel تقدر تسوي منها نفس الحركة

اما بالنسبة للبرامج ففي برنامج اسمه email robot sender جربته من مده و ما منه فايده
اول شي لازم تشتريه ب 49 دولار و كله اعدادات ... (الزبده "يدوخ")

يعني خلك على السكربتات بس تأكد من سالفة السبام من السيرفر مالك



اتمنى اني افدتك

 

[salem.srsr]

مو انا من جذي ذبحني صاحب شركه الاستضافة
وانا مركب السكربت ... بس المشكله صاحب الشركه

وبخصوص السي بنل هذي اللي انت تقصدها مالت لوحة تحكم المنتدى الرئيسية

او تقصد غيرها ... لاني ما اعرف عنها شي ... اذا ممكن تنورني

والله يعطيك الصحة والعافية

ولك دعوتين بعد

 

[pedram]

لا اخوي لوحة التحكم مالت المساحة الي عطاك اياه الاستضافة الي اهي
www.asm-mwq3ek.com:2082
طبعا مع تغيير الي اسم موقعك

هناك في شغلة اسمها mailing list

كان ودي افيدك اكثر بس المشكلة حاليا ما عندي مساحه عشان اطبق عليها الشرح
كله اشتغل على الدومينات الحين

بس على طاري المنتدى
اذا عندك vb تقدر تدز رسايل لاعضاء منتداك من داخل الكنترول بانل مال المنتدى

اعتقد اسمه النشره الدورية او لما تدش من الكنترول بانل على الاعضاء مكتوب ارسال رساله للاعضاء

و جذي ما يحتاج تكتب ايميلاتهم لانه اهو راح يستخدم الايميلات الي سجلو فيها بالمنتدى

بس افضل لك انك تدز مثلا حق 200 شخص باليوم و تكمل يوم ثاني للاعضاء الباجين

اتمنى اني افدتك

 

[pedram]

مشكور على الدعوتين

 

[salem.srsr]

ما قصرت وبيض الله وجهك

وشرح وافي

تحياتي لك