الافادة في موضوع زيادة العمالة

[rayes83]

ياشباب انا عندي محطة غسيل وشؤون العاصمة عطتني 35 موظف والعدد هذا كلش مو مكفيني وعندي نقص 8 عمال تقريباً وطلبت اكثر من مرة زيادة لكن ماكو فايدة بالشؤون... ارجو الافادة واقتراح الحلول للي يقدر يفيدني

 

[السهم المجروح]

والله يالغالي ماأدري شقولك بس عندك 3 حلول مافي غيرهم
1ـ واسطه .
2ـ دهان سير ( من تحت الطاوله ) .
3ـ ييب عمال مو على اقامتك .

 

[general]

ارجو اتباع الطرق القانونيه
اولا تسوي كتاب طلب زياده عماله وتروح الشئون وترفق مع الكتاب اشياء ممكن تثبت وتساند طلبك عند المدير عشان يحس فعلا تحتاج عماله بس اعتقد دام عندك 35 عامل فالموافقه راح تقل نسبتها لانهم سمحوا لك بعدد كبير

 

[العنزي1]

بصراحه العدد المقدر لك كبييييير جداً واحمد ربك انهم ماينقصون منه بصراحه

ولكن خطواتهم انا اقولك .

انت اطلب زياده عدد 10 لنفرض .. وثق تماماً انهم ماراح يعطونك اكثر من 5 .. ولكن اطلب 10

سو كتاب اضافة عدد وسو نموذج تقدير إحتياج وارفقه بالطلبات التاليه : إعتماد توقيع - المعلومات المدنيه -عقد ايجار وصل ايجار - شهادة رواتب - اتوقع بس هذي الطلبات ..

وروح سو موعد بقسم تقدير الإحتياج وخلهم يسوون كشف .. وبالكشف اطرد كل عمالك الا مو على اقامتك والي على اقامتك خلهم موجودين كلهم ال35 واحد والمسافر سو له اجازه ..

واتوقع مو من حقهم يرفضونها بدون سبب مقنع لك .. ولكن ان تم رفض الطلب هذا تقدر تدش على المدير وتكلمه شخصياً إنت ياصاحب العمل وليس المندوب .. وتناقشه وان شاء الله مايقصر معاك
وعالعموم ككل موظفين الشؤون بأقسامها يخافون من تواقيعهم على اي معامله مهما كانت ..

تحياتي لك

 

[بوفهيد]

اخوي من بعد رب العالمين مالك الا

1ـ واسطه .

و الله يوفقك

 

[rayes83]

مشكورين على الردود وبالنسبة للشباب اللي قالوا ان 35 عامل كفاية احب اقولهم ان مساحة المحطة 1000 متر والدوام من 8 الصبح الى 10 بالليل بدون توقف وعندي بوليش داخل المحطة ومحل زينة وغرفة محاسبة، يعني صج نقص بس شتقول خلها على الله

 

[لاعبتها لعب]

وين محطتك خل نمر نغسل ونسوي بوليش ونزين السياره

 

[fahad95]

سو لمنتدى المؤشر نت خصم ونشتغل عندك بس الى نغسل سيارته ناخذ فلوسه

 

[انا الفهد]

اخوي شوف مكاتب تخليص المعاملات . افتح الوسيط تلقا ارقامهم واتصل عليهم واحد واحد وقول لهم موضوعك اكيد تحصل احد يضبطك . لانه حسب علمي سابقا كان فيهم سماسره للشئون والمرور والوزارات كافه يعني تلقا مكتب قوي بالشئون . وتلقا مكتب قوي بالمرور و... الخ وكله بحسابه ولد عمي ضبط امورك .

 

[(@فهد علي@)]

شوف البنقالي الي يصب قهوة للمدير عطه كم دينار سنع ويخلص

صجججججججججججججج ديرة بطيخ شيء يبجي القلب لاحول ولا قوة الا بالله الله ينصرنا على من عادانا