عزيزي الاخ صريح ضد الريح
اولا ماكو مشكله انك تشتري رخصه وتخليها ومن ناحيه الرسوم السنويه فقط غرفه التجاره والصناعه بالسنه 45 دينار (العاده لمن يصير انتخابات غرفه التجاره يطيحونها لك أو يدفعونها عنك بس تصوت لهم وهذي غير شرعي )
وعند شرائك شركه انت ماعليك أي مسئوليه لان راح يحطون بالجريده الرسميه للدوله الكويت اليوم بأن الشركه الفلانيه بيدخل فيها الاخ صريح ضد الريح والي عنده مديونيه على الشركه خل يتقدم بسند المديونيه خلال 15 يوم والا بعدها ماراح تطالبون ضريح ضد الريح ولا حتى الشركه (جذي انت ماعليك شي نهائيا) .
بس شي واحد تسويه عقب ماتشتري الشركه تروح البنوك وتصكر حسابات الشركه اذا كان لها حسابات وافتح حسابات يديده بتوقيعك
وانصحك ماتشتري شركه تأسيسها 2008 و 2009 و 2007 لان قاعدين يوقفون ملفاتهم والسبه تزوير شهادات الرصيد (طبعا حتى لو انت شريتها قانونيا ماعليك شي بس ماتسوى عليك يقولون لك وقفنه الشركه (والي بيهاجمني الحين لايحاول يهاجمني عشان ما اضطر احط اقتباسات عن الجرايد وتصاريح وزاره التجاره بأعداد الشركات الموقوفه)
ونصيحه ابتعد عن الشركات الي عندها عماله وايد يعني ياي يرفع بالشركه الي يبي يبيعها ويقول فيها مجال او فيها 20 عامل (هذيل كلهم عليهم لفت نظر من الشئون وعليها رموز ممكن تتحول الى النيابه للاتجار بالبشر ) انصحك تدور شركه ماعليها عماله نظيفه تأسيس 2006 وانت نازل تحت وصاحبها مو مشتغل فيها وكان مسويها والحين بيبيعها يعني شركه لقطه
