الســـــلام عليكم
ارتفعت أربـاح أسـهم الخليجيات هل الســـنه بزياده ممتازه عن السنه الي طافت وهل الشي يشهد فيه الجميع .. ناخذ مثال أرباح أم القيوين لهل السنه كانت فووق الممتازه بصراحه ( ما عندي ولا ســهم لين الحين والله فيها ) ... بس الناس متخوفه من شيء واحد وهل الشيء لمسته لما أعطيت واحد الرأي انه يشتري سهم أم القيوين لمـا كان سعره 250 فلس ... ورده ورأيه كان ( بالنســبه للأربـاح ممتازه .. بس بالنســبه لأعلى سعر وصله من قبل تقدر تقوول وايد !!! )
طبعــا كلامه مو مقياس موليــه الأربـاح زادت تقريبـا 4 مرات ( 21.5 فلـس )
أنــــا أتوقع أن هل القطـاع راح يتحرك بسرعه بشــرط واحد لا محالــه .. أربـــاح الربــع الثالـــث هو الي راح يحدد كل شــي ، يعني لو أستمرت أكثر هل الشــركات بنفس معدل الأرباح للنصف الثاني .. راح يكوون لنــــــا كلام ثـانــــي راح يبين مع الوقت
( مالنـــــــــا إلا الصـــــــبر ) ولكل حادث حديث
معلومات بسيطه
الـــــــ P/E لأم القوين
31/5/2004 كانت 9.6 مره
31/3/2004 كانت 10.4 مره
31/4/2003 كانت 15 مره
من جريده الرأي العـــام
