يبه اسعار لبيوت نار

[bo_walid]

ياجماعة الخير شنو هل اسعار اقل بيت على 200 ألف وين قاعدين أحنا معقول كل الناس عندهم 200الف حرام الي يحصل مع العلم مشواري طويل على شروة البيع بس الواحد مايقول الا اللله يكون بعون الي ماعنده فلسين عشان يشتريله بيت

 

[look4land]

افهم معاناتك و نعاني معاك....

لا و التجار و الدلالين ماي يصدقون اي خبر يطلع علشان يدعون انتعاش السوق و ارتفاع الأسعار

و يجونك بعض أعضاء هالمنتدى هداهم الله و يقولون عبارات مثل "الاسعار يا بلاش"..."منها للأعلى ان شاء الله"..."اسعار زهيدة" و يتضياقون اذا طنقرنا عليهم

 

[bo_walid]

الكل يمدح بضاعته والله المستعان

 

[أبوعلي1]

اهي واقفه على البيوووت بس !!

الحين حتي المواد الغذائيه مولعه

يعني يبي لنا فترة وبعدها لا تقدر تآكل ولا حتي تسكن ...

عسي الله يستر بس

 

[بو حسن22]

ياجماعه انا كنت شغال بالعقار وبالاسبوع القادم راح اجع اشتغل فيه للامانه وللي يعرفوني يدرون بمصداقيتي لله الحمد وانا بقولكم كلمه الي يبي البيت باسعار معقوله يبحث مو يعتمد على غيره وهو مايعرفه في ناس تعرفني مثل ابومشعل جبتله 4 قسايم وكلها اسعارهم ماعجبته ومن حقه ماتضايقت منه قلت افا عليك ندور .. يعني هي مصداقيه فقط ...

 

[look4land]

ياجماعه انا كنت شغال بالعقار وبالاسبوع القادم راح اجع اشتغل فيه للامانه وللي يعرفوني يدرون بمصداقيتي لله الحمد وانا بقولكم كلمه الي يبي البيت باسعار معقوله يبحث مو يعتمد على غيره وهو مايعرفه في ناس تعرفني مثل ابومشعل جبتله 4 قسايم وكلها اسعارهم ماعجبته ومن حقه ماتضايقت منه قلت افا عليك ندور .. يعني هي مصداقيه فقط ...

ما هي احسن طريقة للبحث؟ نعتمد على الجرايد ولا نحط طلبنا عند دلال؟؟

و مشكور على المشاركة

 

[4 Ever Kuwait]

والله اخوي بووليد نفس ماقلت الاسعار نــــــار وعساها خيره
(وعسى أن تكرهوا شيئا وهو خير لكم وعسى)

 

[تويجر]

الله المستعان

 

[الحريه وطن]

لازم يكون لك معرفه بجيران البيت اللي تبيه
ولازم يدور لك اخوك او ابن عمك حتي لوكان دلال المهم المسفطيه

 

[مــشــعل 2009]

السلام عليكم

اول شئ اذا كان ابو حسن 22 يقصدنى فى كلامه انه جاب لى اربع قسايم وماعجنى السعر

هالكلام غير صحيح بالمره

مره وحده عطانى سعر قسيمه بسعد العبدالله وقال سعرها معقول ولما رحت للقسيمه لقيتها

مبيوعه من زمان وهو ما يدرى وسعر خيالى جدا جدا جدا

هذا للتوضيح فقط

وبعدها مايرد على التليفون واختفى

وسلامتكم

 

[بيبلوس]

ياجماعة الخير الاسعار صاعدة لان محد يبى يتنازل ويسكن فى المناطق البعيدة ابن الرميثية يبى فى الرميثية وابن الفحيحييل يبى فى العاشرة وابن الجهراء يبى فى منطقتة ولا احد يبى يروح المدن الجديدة هذة سنة الحياة واللة المعين

 

[بدون مجامله]

استعينوا بالله وان شاءالله ييسر لكم اموركم

 

[جامعي]

هذا من اسباب المشكله السكانيه الواحد لا تزوجج ينطرا 15 سنه
ياللله يطلعها بيت وياليته عاد حلو 400متر ومنطقه ضيقه وكل الديره فاضيه
ماني عارف وين المشكله

 

[محب جوجل]

السلام عليكم يا أخوان
أنا جديد على المنتد الطيب ولاكن استوقفني هذا الموضوع الجميل والله يجزى الذي طرحه خير الموضوع مهم
أنا من الشباب الذين نطر 16 سنه حتى طلع البيت ونصف راسي شيب
كان الهم الذي أرقني واشغلني لمدة 16 هو البيت والسكن رحت كل الوزارات وكل البنوك والدلالين فريت كثير وسمعت كلا الكلام و كل الأعذار وكانت القناعة الاكيده بنسبه لي هي
( المحتكر الأول للأراضي هي الدوله والمتسبب بلمشكله هي الدوله )
كيف
لو وزعت الاراضي على الناس بشكل عادل وعلى أن يكون خارج المناطق الحالية والكويت واسعة مثال غرب الجليب و الجهراء والاحمدي والدوحة و الساحل الى شمال الجهراء و المحمية
محمية (صباح الاحمد)
جون الكويت يا سلام المكان فوق الخيال لوحولوها الى مدينة لحلت المشكله لمدة 100 سنه وأنا المسؤول مساحة بس جون الكويت تأخذ الكويت بالكامل مع جوا خير كبد زياده
أم القروض السكانية ولو تأخره شي بسيط على الدور والميزانيه

النتائج
1 - رخص الاراضي وبتالي رخص البيوت مناطق الداخليه مع حفظ التوازن السعري لمصلحة المناطق الاقدم
2- تفتك الحكومه من بدل الإجار المكلف (يكلف في السنة تكلفة بناء منطقة كامله)
3- تحرك الاقتصاد وكثرة البدائل للناس والتجار ألي عنده فلوس يشتري ولي ميبي أرضه يبيعه
(عرض وطلب و السوق يتحرك )
والناس تتوسع مثل باقي الدول
الخسلره بنسبه للتجار ورقيه لان النزول على الكل يبيع بنازل ويشتري من النازل و المستأجر يفضل القرب من الدوام والاسواق يعني داخل
يا ناس الحسبه العالميه تقول أن سعر الارض الطبيعي نصف تكلفت البنيان يعني تبني ب 70 ألف سعر الارض 35 بلمتوسط في المدن مو 150 ألف ونت طالع
أذا أنا غلطان وجهوني الله يوفق الجميع
مشكرا
​