للبيع سيدي نورتن انترنت سكيوريتي 2009

[pedram]

سلام عليكم

للبيع سيدي نورتن انترنت سيكيوريتي 2009 اصلي جديد مغلف
لجهاز واحد

السعر بالغانم 27 دينار و كسور

انا ببيعه على السوم

و ماني طماع و مو حاط ببالي سعر معين
بس ماني مستفيد منه

 

[salem.srsr]

اخوي

انا امس شاريه 16 ونص من الغانم ومعاه ميموري 4 قيقا هدية

اعتقد والله اعلم قصدك (نورتن 360 ) لان هذا سعرة تقريبا

 

[pedram]

معقولة !!

انا اليوم شريت لابتوب عطوني السيدي معاه مكتوب عليه 27 و شي

بس انا نسيت سالفة ال20 بال%

خل نشوف 27.5×20%= 5.5
27.5-5.5 = 22.5

والله مادري

المهم انا مابي فيه وايد

 

[pedram]

هذي صورة السيدي مثل ما تشوفون مغلف و مكتوب عليه سعرة

 

[xnet]

5 دنانير
99812228

 

[salem.srsr]

هذي صورة السيدي مثل ما تشوفون مغلف و مكتوب عليه سعرة

اعتقدد هذي الاسعار القديمه والله اعلم
لكن انا مثل ما قلت لك
انا شريت نفسة بالتحديد امس الساعة 8 تقريبا من الغانم اللي بالشويخ بسعر 16.5 دينار
على العموم الله يوفقك ببيعته
واسمحلي انا مو قاصد اخرب بيعتك ولا قطاع ارزاق
لكن خفت انك تكون غلطان بنوع السي دي
او تسمع كلام ما يعجبك من احد
تقدر تتأكد من شركة الغانم ان كلامي صحيح
والله على ما افول شهيد

انا اسوم السي دي 10 دننانير
مع اني مو محتاجة لكن والله احس اني سويت شوشره بالموضوع
الله يوفقك

 

[pedram]

لا اخوي ما خربت علي البيعه ولا شي
ما قصرت على الاقل عرفت سعره اليدييد جم

بصراحة لو مو محتاجة ما في داعي تسوم لان حرام تشتري شي ما تبيه

الاخ xnet سايمه على 5 دنانير
لو محد زاد عليه السيدي يكون من نصيبة باذن الله

 

[salem.srsr]

الله يرحم والديك

لا أخوي انا جاد بالشراء

يمكن أهدية أو ابيعه .

حلفتك بالله اذا محد زاد علي انا شراي

السوم عندي

10 دنانير

 

[pedram]

خلاص لو مصر اخوي و محد زاد عليك لي باجر العصر تكون من مصيبك

 

[salem.srsr]

الله يرحم والديك
ويباركلك في مالك وولدك

 

[pedram]

خلاص السيدي من نصيب الاخ سالم

بس ياريت تدز رقمك عشان نتفق على المكان

 

[salem.srsr]

جزاك الله خير

 

[pedram]

تم بيع السيدي للاخ بوعبدالله
موفق

 

[salem.srsr]

تسلم يالغالي وفرصة سعيد شفناك

 

[pedram]

وانا اسعد

والله انك انسان محترم في تعاملك

اتمنى لك التوفيق

مع السلامة

يرجى من المشرف اغلاق الموضوع