استفسار هااااااااام

[yosaf86]

بغيت اعرف اذا كان عندي رخصة استيراد تجارة عامة ومقاولات

1- هل استطيع استيراد ماركات مثل سوني باناسونيك إل جي

او اي شي له وكيل ؟

2- سمعت انه في وكلاء ماخذين حكم محكمة بمنع الاستيراد من غيرهم
من وين اعرف منو اهما الشركات اللي ماخذين حكم ؟

علما انه جمارك المطار نفسيه حييل
ووزارة التجارة كل واحد يقول حجي غير

اقول البعض اللي طحت فيهم بالوزاره مادري يمكن انا حظي جذي

3- ياليت لو في قسم للاستفسارات بالوزارة او بالجمارك .

 

[rahaly]

اخوي باناسونيك اكيد عندهم حكم ...

أسأل الجمارك .. روحلهم

واذا تبي احد يفيدك اتصل على ارامكس كأنك بتجيب عن طريقهم يقولولك عندهم خبر

 

[fayoona74]

في قرار من مجلس الوزراء بمنع الاحتكار عن طريق وكلاء محليين مرة نشروه بالجريدة

 

[yosaf86]

في قرار من مجلس الوزراء بمنع الاحتكار عن طريق وكلاء محليين مرة نشروه بالجريدة

يا ليت تعطينا نسخة من القرار لأني محتاجه ضروري وشكرا .

 

[rahaly]

في قرار من مجلس الوزراء بمنع الاحتكار عن طريق وكلاء محليين مرة نشروه بالجريدة

فيونة الاحتكار ماله علاقة ...

بعض الشركات استصدرت احكام بالحجز على اي بضاعه تخص وكالتهم عن ورودها الى الكويت

مثل باناسونيك .. واعتقد سوني واخرى

نوكيا ما قدرت تستصدر حقكم

في ناس يدفعون 100 الف دينار اذا تقدرين تلغين لهم منع باناسونيك ..حلال زلااااال

 

[أبوإبراهيم]

10000 دينار كافي وأشيلك الحجز بحكم نهائي

عندي حكمين على ماركتين رفعت الحجز عنهم بمجهودي وبدون محامي

 

[أبوإبراهيم]

وتقدر تعرف الماركات اللي عليها حجز من الادارة القانونية بالجمارك بالشويخ مقابل الموانيء

 

[yosaf86]

يعني الحين الزبده يصير ولا لا

 

[rahaly]

10000 دينار كافي وأشيلك الحجز بحكم نهائي

عندي حكمين على ماركتين رفعت الحجز عنهم بمجهودي وبدون محامي

10 الاف اوكي ..
بس نبي باناسونيك مو غيره

 

[fayoona74]

للاسف ماعندي القرار لكن مرة نشر بالجريدة بعدين رحالي شلون ماله علاقة واهو يخص الموضوع

معاك اذا الشركة استصدرت حكم اكيد ماراح ينطبق عليها قرار مجلس الوزرا لكن كقاعدة عامة القرار موجود مالم تستصدر الشركة حكم من القضتء يجيز لها احتكار السلعة

 

[best banker]

يعني الحين الزبده يصير ولا لا

عزيزي انا فعلا قريت مره بالجريده قرار صادر من الدوله ان منع الاحتكار ومافي شيء اسمه وكيل , لكن للتأكيد يجب عليك مراجعه وزاره التجاره والصناعه وتسألهم ولا تاخذ بكلام اي احد دام السالفه ممكن يكون فيها حجز على البضاعه يودونها بيت المال أو اعاده تصدير

ملاحظه : ما اجزم ولا أأكد على شيء

 

[مودQ8]

حسب اتفاقية القات ممكن ان تستورد اي شي الا ان الكويت لم تفعلها بالرغم من دخولها حيز النفاذ عالميا وممكن ان تسال الجمارك

 

[fayoona74]

ممكن أ مود تعطينا نص الاتفاقية اذا موجودة عندك او مضمونها وشكرا

 

[مودQ8]

استاذه فيونه والله النص مو عندي بس سبق ان دشينا دوره كامله على الاتفاقيه والفكره فيها هو تحرير التجاره الدوليه ورفع القيود عنها
بمعنى جعل العالم كله قريه واحده والمستفيد طبعا المصدر وانتي عارفه ان الدول العربيه كلها دول ذات نمط استهلاكي ومانصدر الا النفط وبيفرضون عليه ضريبة الكربون يعني بيطيرون نص ارباحنا من النفط والله يستر من اللي ياي

 

[fayoona74]

اشكرك عالمعلومة