مطـلوب مشـروع تكفـون

[مواطن بدرجة وزي]

... السلام و عليكم و رحمة الله و بركاتة ...

... اخواااني الاعزاء ...

عندي 30 الف دينار كويتي و مأدري شسوي افتح مشروع

شنو , ابكتسب من خبراتكم و من مشاريعكم الله يعافيكم

الله يجعلة في ميزان حسناتكم ...


$ مواطن بدرجة وزي $

 

[محمد خليفه]

بسم الله الرحمن الرحيم

اشتر فيهم شقه تمليك وريح راسك هالمبلغ يجيب لك شقه بالفروانيه او المهبوله وانصحك بالفروانيه واجرها لا يقل عن 240 قليل دايم ولا كثير متقطع وفلوسك مضمونه اذا ماتزيد ماتنقص والله يوفقك

 

[الجبري555]

... السلام و عليكم و رحمة الله و بركاتة ...

... اخواااني الاعزاء ...

عندي 30 الف دينار كويتي و مأدري شسوي افتح مشروع

شنو , ابكتسب من خبراتكم و من مشاريعكم الله يعافيكم

الله يجعلة في ميزان حسناتكم ...


$ مواطن بدرجة وزي $

راجع الخاص

 

[مواطن بدرجة وزي]

يمكن الاعضاء يفيدونا . . . جزاك الله خير

 

[بو حسن22]

طيب اخوي انا بعطيك فكره حلوه وانت جربها وع فكره مطبقه فعليا

اشتر باص تويوتا او نيسان 12 راكب او 10 وحط توصيل طلبه على كل طالب 30 بالشهر والمعاهد شغاله صيف وشتاء وتقدر ايام الاجازه والايام العاديه بليل يعني تاجره على الحريم الي يبون يرحون عروس يبون يطلعون حديقه يبون سوق وطلعة الباص 10 لانه بيوديهم ويجيبهم .. والله يوفق يالغالي ...

 

[فـــهــد]

أفضل مشروع لاتصدق احد وحاول تكتسب خبرة من الواقع وليس الكلام والنصايح

 

[العنزي1]

زودهم اخوي شوي .. ودورلك قسيمه صناعيه باحد المناطق الصناعيه .. وخلها تطلع لك اجار صافي شهري لايقل عن 500 ...

حاول تبحث عن المدخول الثابت أفضل إن كنت غير قادر على إدارة العمل بشكل يومي

 

[مواطن بدرجة وزي]

لي الحين مافية شي دخل مزاااجي

همتـكــم يــا شبـاب

مواطن بدرجة وزي

 

[بو جابر]

حبيبي مالك الا القهاوي سوقهم ماشي بس يبيلك تشتغل صح على الموقع واللي يشتغلون عندك والديكورات الزينه والخدمه الزينه والله يوفقك

 

[بو عمر77]

والله يا خوي نصيحة لك البورصة وبس ، أشتري سهم ثقيل ويكون مثلا من البنوك ، هذا رأيي والله يوفقك

 

[فـــهــد]

دزيت لك رالة بالخاص

 

[مواطن بدرجة وزي]

جــزاكــم اللــه خـيــر و إنشاءاللــة الاخــوان يفيدونـا اكـثــر ...

 

[بوفهيد]

مصبغة بتكلفك بحدود 5 من غير خلو و مع خلو حسب المكان و اتعب على المكان

 

[rock404]

افتح صالون بالسالمية وسوي شسوار , وحلاقة, ولحية وشوف بالشهر جم اذا مو فوق 2000 وريح نفسك

 

[anwarkamel]

انا انصحك زي ما قالو الشباب قهوة ... او حتى مطعم بس اتعب على المكان او محل بشارع الزينة ... الصراحة انا ناوي على واحد من الثلاثة .

 

[best banker]

اما انا اقولك اول شي ابتعد عن الي يقولك اشتغل لك فيهم وبضماناااااااااات ترا وايد كليناها وشبعنه من هل حجي اما نصيحتي لك شوي غريبه بس لو تتعمق فيها راح تشوف كلامي مضبوط
عندك 30 ألف والحين سنه 2009 ان سنه 2012 لازال عندك هل مبلغ (30 ألف) فأنت ربحااااان ملايين .
اما الردود الي بتيني وبتقولي ماسوى شي والريال بيشغلهم فأقول لهم مقدما مشاريعكم كله مصيرها الفشل بنوك عندها مليارات مايعرفون يشتغلون مستعدين يشترون سندات بنك المركزي بفايده 1 % بس
اما اذا كلش كلش مبيت النيه والا تبي تشتغل فيهم فأقولك زودهم 10 واشتر اراضي سكنيه 400 متر في خيران هل يومين اسعارهم حدود 40 الف بعد ماكانت 90 و 80 وبما ان الحكم طلع من صالح بيت التمويل فأقولك زودهم وتوكل على الله
اما ان يايبهم من قرض فهذي مصيبه