استفسار عن اشتراكات البلاك بيري

[ولد الجهراء]

السلام عليكم

إخواني حبيت أستفسر عن خدمة البلاك البيري
مثلا الحين فيفا تعطيني بـ 15 دينار ..
التصفح غير محدود
لكن اذا استخدمت متصفح الفيفا يكون محدود ( 200 ميغا بايت )
و الي فهمته إن ميزة متصفح الفيفا هي إنه يفتح الفلاشات و اليوتيوب
انزين إذا فتحت اليوتيوب بواسطة البرامج و المتصفحات الموجودة بالنت ، هل يحسب علي بعد من ضمن الـ 200 ميغا ؟
أتمنى الي جرب يبلغني
لأن هذا السؤال موظفي فيفا ما يملكون الإجابة عليه !!!!!!!
و بالنسبة لشركة زين ، قالوا يعطوني واحد غيغا ، حتى لو استخدمت متصفح غير متصفح زين ( صراحة إجابة غير مقنعة ! عيل شلون يقولون النت استخدام غير محدود و إلخ ؟ )
و إذا أنا استخدمت متصفح آخر غير متصفح زين او فيفا ، ليش يحسبونها من ضمن الـ 200 ميغا ؟ أو الواحد غيغا بالنسبة لزين ؟

أتمنى تفيدوني ^_^

 

[KuWaiT DriFT]

أخوي رووح حق الوطنية أفضلك سعر الخدمة 13 دينار و اللمت 10 قيقا

يعني حسب ما حسب انت ما راح تتأثر ان شاء الله

 

[ولد الجهراء]

يعطيك العافية


مشكلة الوطنية إنهم يدبسونك بعقد لمدة سنة !
افرض ما عجبتني الخدمة
فعشان جذي ميزة فيفا و زين انك تكنسل الخدمة ( ببلاش )
خصوصا إني أول مرة أجرب الشيء هذا
فعشان جذي أفضل فيفا و زين عليها ( طبعا إذا ما كان يحسب علي من اللمت )

 

[KuWaiT DriFT]

قلت العكس ياخوي !!

الوطنية الشركة الوحيدة اللي مو عقد سنة و الأجهزه عندهم أسعارها غاليه لأنها من غير عروض

و الفيفا مادري عنهم بس زين أنا متأكد عقد سنة و اذا بتقطعه تدفع 50 غرامة و 15 رسوم طبيعية لازمه عند القطع حتى لو بعد السنة

طول عمرها الوطنية الأفضل الصراحة

و لو تشتغل بقطاع حكومه (( وزارة )) تحط خدمة الوزارات مع خدمة البلاك بيري رااح توفر وااااايد الدقيقه 30 - 24 - 12 فلس حسب الأوقات من حزه لي حزه تفرق الدقيقه

و اشتراك الخدمة دينارين و نص

و التسعيره مع كل الشبكات

و اذا ما تشتغل حط خدمة وفر بلاس

و الأحمر يعبر ياخوي

و موفق خير

 

[ولد الجهراء]

أنا صراحة طول عمري مع الوطنية ( عندي قناعة بالشيء هذا )
لكن ما أخفيك
دقيت على الوطنية قبل شوي
قالوا لي بدون ليمت معين
لكن بالنسبة للداون لود .. الكيو بايت الواحد بفلس واحد ):
و سألته عن اليوتيوب .. الفلاشات .. قالي تعتبر داون لود
بالتالي عرض فيفا أحسن ! يعطونك ( على الأقل ) 200 ميغا مجانا ..
طبعا 200 ميغا ما تسوي شي نهائيا ! لكن يعني شي أحسن من لا شيء


" اذا بتقطعه تدفع 50 غرامة و 15 رسوم طبيعية لازمه عند القطع "
فيفا و زين ما عندهم هالغرامة

 

[فـــهــد]

فيفا لمه تشترك فيها عقد مدة سنة ولو تبي تكنسله تدفع 50 دينار

منو قالك غير هالكلام

 

[ولد الجهراء]

فيفا قالوا لي !!