سؤال بخصوص النفقة

[بوفهد2010]

السلام عليكم ورحمة الله وبركاتة

بغيت اسأل ويا ليت الاجابة تكون بالتفصيل لانة الامر مهم بالنسبة لي ولاني ايضا ما اعرف شي نهائيا عن النفقة

انا متزوج صارلي سنة ونص وما عندي عيال وابي اطلق ابي اعرف شنو تستحق الزوجه من نفقة سواء متعه او نفقة عدة وكم مدتم ومقدارهم علما بأن الزوجه موظفه وراتبها زين وانا نفس راتبها تقريبا لكن عندي اقساط
راتبي 580 وعندي اقساط بقيمة 180 دينار ممكن اعرف جم النفقة ومدتها كاملة

شاكر لكم هالقسم المفيد

 

[شيل و مشي]

اخوي حسب خبرتي تقدر تتفق وياها تسوي مخالعة مع انها تتنازل عن كل شي من نفقه زوجية وعدة ومتعة وتعطيها حسب الاتفاق مبلغ وقدره لانك لو طلقتها راح ترفع عليك قضية نفقه عدة ومتعة ونفقة زوجية متأخرة ان وجدت وتصل حتى 1500 دينار على حسب يسر او عسر الزوج وتقسط على 12 شهر وان تأخرت عن السداد راح يحجزون على راتبك وممتلكاتك مثل السيارة وكذلك منعك عن السفر

والله يعينك!!!!

 

[fayoona74]

بوفهد يعتمد سني شيعي ويعتمد عندك عيال ولا ماعندك

شيعي بدون عيال= نفقة عدة + نفقة زوجية ان وجدت
سني بدون عيال= نفقة متعة+ نفقة عدة+ نفقة زوجية ان وجدت
القيمة مو ثابتة حسب يسار او اعسار الزوج بس اظن 1000 مناسب للحالتين

شيعي مع عيال يعتمد على اعمارهم واذا الحضانة لك او لامهم
سني او شيعي مع عيال والحضانة للام= النفقة المذكورة فوق +اجرةحاضنة+اجرةمسكن+ نفقة اولاد+اجرة خادمة وسائق بحسب الاحوال

القيمة مو ثابته حسب يسار او اعسار الزوج وحسب تقدير القاضي او بحسب الاتفاق ويجوز ان تتغير زيادة او نقص بحسب المستجدات على حاجة الاولاد او حالة الزوج المادية

 

[q8royale]

لا حول و لا قوة الا بالله العلي العظيم
انشاء الله ما يحصل انفصال

 

[العازمي32]

ابو فهد الله يستر عليكم ان شاء الله مايحصل طلاق تصالحو ابرك ان شاء الله كلكم خير وبركه هون الدنيا ماتسوي شئ الله يرزكم اعيال وترتحون مع بعض انا طالبك هون

 

[alakhal]

اخوي اللي اعرفه ما لها نفقه بس تمتع وتقريبا الفين دينار واذا دفعتها خل يكون ناك شي رسمي
لان المراة ما تاخذ من مطلقها نفقه الا اذا كانت ما تشتغل وعندها عيال منه وانا اقول اسال محامي احسن واذا تعرف بالاحوال الشخصيه احد يفيدك اكثر

 

[بوفهد2010]

مشكوورين على الردود وما قصرتم

والله يجيب اللي فيه الخير ان شاءالله

والله يستر عليكم ويرحم والديكم

 

[الموحد1]

ابو فهد الله يستر عليكم ان شاء الله مايحصل طلاق تصالحو ابرك ان شاء الله كلكم خير وبركه هون الدنيا ماتسوي شئ الله يرزكم اعيال وترتحون مع بعض انا طالبك هون

ياطيبكم يالعوازم والله خوتكم ترفع الراس

ترى ماني عازمي علشان لايقولون حميه

 

[qanon]

السلام عليكم


بو فهد

امبين من كلامك انه ما عندكم اى مشكلة

واتمنى لكم الاستمرارية بالزواج

 

[بوفهد2010]

تسلم اخوي قانون لا والله ما انجبرت على الطلاق الى عندي مشاكل شسوي مجبور وانا اخوك

يالله عسى بالامر خيرة والله يجيرني بمصيبتي ويخلفني خير منها

 

[طيبه ومالي حظ]

أقووول بوفهد

تعوووذ من إبليس وانا إختك

ترى الطلاق مااايسر والله

عسى الله يهدي سرك ويبعد عنكم المشاااكل​

 

[بوفهد2010]

الله يجزيج خير على النصيحه

والله وانا اخييج عجزت وانا ارقع لكن ماكو فايدة

قال انفخ يا شريم قال مامن برطم

 

[طيبه ومالي حظ]

إستخير في الاستخاااره بركه وانا إختك

وتصبر يمكن تتعدل امووورك

ولا تستعجل