عيوب النقال الصيني

[الصريح777]

.

أبي أشتري تلفون لي وللأهل بس بصراحة سمعت أن الصناعة الصينية ( لعب عيال ) بمعني أن يقول البائع أنت وحظك
سألته شلون ؟؟؟
قال أعطيك التلفون شغال تطلع برى المحل ما أرجعه !!!!
وناس يسبون التلفون ويقولون يسبب صداع ومافيه ميزة الرنين الصامت !!

شنهو هذا ...هذا كلام عقال ..... ماشاء الله عندنا بالمنتدى قسم كامل لبيع وشراء الهواتف النقاله نبي رايكم ...يمكن الكلام هذا يضايق بعض الناس لكن لايكون ربحك على جهل الناس ببضاعتك وبعيوبها !! ترى الله بيعوضك خير لو صدقك النيه فالرجاء يا أخوان اللي جرب النقال الصيني لايبخل علينا بالمشورة وربعن تعاونوا ماذلوا


ودمت بحفظ الله










.

 

[HWZ]

السلام عليكم
اخوي انا عندي تلفون صيني
استعماله الحمدالله زين بس ترا من ناس لي ناس يختلف مثلا واحد يعرف الهواتف الصينيه وتكون عنده زينه وبعضهم يكونون مو متعودين على الهواتف الصينية فتكون عندهم موزينه
و بعض تلفونات الصينيه ماتخترب بسرعه و وبعضهم بسرعه يختربون
بس ترا بعضهم فيهم رنين صامت وانشاء الله عطيتك معلومه على اقل

 

[f.16]

حط ببالك اذا تبي تشتري تلفون صيني ماراح يقزر معاك يومين ولا خربان
وسمعت انه اكثر ضرر على الاذن

 

[بوغمازات]

الصناعة الصينيه تختلف من مصنع لمصنع ,,,, قبل اسبوع كنت في محل الهاتف الاوروبي ويقولي كل التلفونات اللي عندنا صينيه بس اصليه !!! يعني كل شي صار صيني وماتدري اصلي او لاء !!!

 

[اقشر]

بصراحه ما استخدمت الصيني بس ما انصحك فيه لسبب مشاكله الكثيره بشكل عام مهما زادت مميزاته وحط في بالك انك راح تغامر بفلوسك لانه لا مكفول ولا له قطع غيار ولا حتى يتصلح هذا غير انه ممكن يكون مو متوافق مع المعدلات العالمية المسموح فيها للذبذبات الصادره من التلفون النقال اثناء الاستعمال يعني ممكن مخك الله يكافيننا معاك الشر يتأثر وساعته تقول يا ليتني ما شريت ولا وفرت.

اما بخصوص التلفونات الصينيه الاصلية فهذي ان شاء الله ما عليها خطورة لانها تتصنع تحت اشراف شركات معروفه وعالميه مثل النوكيا او السوني اريكسون او غيره وسبب تصنيعها في الصين يرجع الى رخص العماله والمواد هناك مو اكثر.

 

[النسور الجارحة]

بالتوفيق ان شاء الله

 

[أبـو راشـد]

نصيحة أخ

أدبل السعر وريح بالك, حتى وقت البيع الأصلي يجيب سعر والصيني محد يقولك جم!

 

[fesalll]

سوني اريكسون البراك صناعته صينيه

 

[الصريح777]

.


شكراً للجميع على أبدء الرأي والمشاركة


بس يا أخوان تذكروا موضوعنا عن النقال الصيني اللي موجود بالسوق



مو نقد عام عن الصناعة الصينية



نبي اللي شرا التلفون وأستخدمه .... يقول عن تجربته بس واحد اللي ذكر أنه استخدمه ويمدحه



ولانعيب على الصناعة الصينية ..... زين مايصنعون أوادم






.

 

[ابو فرح2005]

تلفون صيني ماكو مشكله
بس لا يكون تقليد ماركات نوكيا مثلا ...... لانه زباله

 

[ولد البراك]

نصيحة أخ

أدبل السعر وريح بالك, حتى وقت البيع الأصلي يجيب سعر والصيني محد يقولك جم!

كلامك عدل

 

[أبـو راشـد]

كلامك عدل

أشكرك

 

[gaaind]

الصيني كله زبالة
يوفرون في الخامات و معدلات الامان وكله علي حساب الصحة و الجودة

 

[mishaal 55]

والله ياإخوان عندى واحد من الربع معاه جهاز صينى وصارله مستعمله أكثر من أربع أشهر ويمدحه حيل ويقول والله مافرق معاه شى علما إن إستعماله كراف يعنى التليفون مايطيح من إذنه وتلفونه e66 بس شكله نفس الاصلى ولا يفرق عنه شى

 

[الصريح777]

شكرا لجميع الاخوان المشاركين آرائكم تهمنا

 

[G900]

الصيني ممتاز التقليد استخدمه من أكثر من 8 شهور ويكفي انو يشغل خطين

 

[f.16]

والله عند واحد من الشباب تقليد e66 طاح بشوربة اندومي ولا صار فيه شي

بس الضاهر من الحراره طاح برغي من الجهاز

 

[SUL6AN]

والله يا خوي انا اتكلم من تجربه
شريت الـe66 صيني وعلى قولتهم درجه اولى ومن هالكلام
وكانت ميزته يشغل خطين
لكن الجهاز تعبان وبطيء وعادي الاحرف تقلب عندك ما تكتب عدل
وخطه حيييل صغير
وعادي السيرفس كل شوي طايح
والبطاريه شحنها يطير بسرعه
نصيحه وخر عن الصيني كله
طبعا انا اكلمك عن التقليد الصيني
لان الحين في صيني اصلي اللي تحصله عند محلات البيع المعتمده
وصدقني لحد يقولك غير هالكلام
وانشاء الله اكون فدتك

 

[إذكر الله]

من واقع تجربتي ولا ني من شركة يقولون ,,, لا يخفى عليكم أن أغلب المستخدمين للهواتف لديهم أكثرمن خط ..

أنا استعمل التلفون الصيني نوعيه معينه .. ليش ؟؟

إيجابياته :

1 - يشغّل خطّين ، ولديه 2 مومري .(ليست موجوده بالتلفونات النوكيا وغيرها من الماركات )
2 - تقنية عاليه وتوجد لديه مواصفات كبيره وعاليه مثل (تلفزيون مجاني ) وبسعر رخيص .. بحيث لا توجد بتلفونات ذوي الأسعار المرتفعه ..

3 - تجد داخل الكرتون إكسسوارات كثيره بحيث لا تجدها بتلفونات ذوي الكفاله .. والسبب تفريقها وبيعها قطع للتجاره ...

4 - إستعمالي لهذا الجهاز .. جعل من أصدقائي البحث عنه لدرجة أني قبل يومين إشتريت 3 أجهزه من خارج الكويت هدايا من نفس الماركة بنصف سعر جهاز نوكيا واحد .. لرخصه ..

5 - الجهاز لديه ميزة الوارد على شكل وارد 1 ووارد 2 .. لكل خط لوحده كذلك( ألـ مسد كول) وهذه الميزه إرتحت لها بحيث تختصر عليّ المهام ..

العيوب :

1 - البطاريه عمرها قصير عند الإستخدام ( هذه المشكله تؤرقني ) ولكن أعتدت عليها ..
2 - اللغة غير مختصره أو غير مفهومه مثلا ً قائمة الآله الحاسبه مكتوبه بجملة (الأمور المنتظره للعمل ) !!!

3 - الرسائل المرسله من الكمبيوتر مثلا ً رساله من البنك عند سحب مبلغ تأتي لي سحب مبلغ وقدره >> بدون أرقام << وذلك بتاريخ >>بدون تاريخ << يعني الأرقام غير موجوده .. لاحظ (من جهاز الكمبيوتر فقط ) ؟؟؟؟

ولكن للأمانه : التلفون ميزاته كبيره مع إني لا أستخدمها وإهتمامي له بأنه يشغّل خطّين ولديه واردين للرسائل لكل خط .. وفوق هذا رخيص جدا ً .. والمشكله ليست بالمال ولكن هل الهاتف يخدمني بشكل كبير أم لا ؟؟.. أفضل من جهاز غالي الثمن ولا يمتاز بـ 70 % من تقنية الجهاز الصيني ناهيك عن كفالته التي لا نفع منها إلا بتفكيرنا بالبيع لا أكثر .. ولكن لو للإستخدام عليك بالتلفون الصيني ولو خرب لا خوف على المبلغ لأنه رخيص ...

 

[ســـــاحـــــر]

من واقع تجربتي ولا ني من شركة يقولون ,,, لا يخفى عليكم أن أغلب المستخدمين للهواتف لديهم أكثرمن خط ..

أنا استعمل التلفون الصيني نوعيه معينه .. ليش ؟؟

إيجابياته :

1 - يشغّل خطّين ، ولديه 2 مومري .(ليست موجوده بالتلفونات النوكيا وغيرها من الماركات )
2 - تقنية عاليه وتوجد لديه مواصفات كبيره وعاليه مثل (تلفزيون مجاني ) وبسعر رخيص .. بحيث لا توجد بتلفونات ذوي الأسعار المرتفعه ..

3 - تجد داخل الكرتون إكسسوارات كثيره بحيث لا تجدها بتلفونات ذوي الكفاله .. والسبب تفريقها وبيعها قطع للتجاره ...

4 - إستعمالي لهذا الجهاز .. جعل من أصدقائي البحث عنه لدرجة أني قبل يومين إشتريت 3 أجهزه من خارج الكويت هدايا من نفس الماركة بنصف سعر جهاز نوكيا واحد .. لرخصه ..

5 - الجهاز لديه ميزة الوارد على شكل وارد 1 ووارد 2 .. لكل خط لوحده كذلك( ألـ مسد كول) وهذه الميزه إرتحت لها بحيث تختصر عليّ المهام ..

العيوب :

1 - البطاريه عمرها قصير عند الإستخدام ( هذه المشكله تؤرقني ) ولكن أعتدت عليها ..
2 - اللغة غير مختصره أو غير مفهومه مثلا ً قائمة الآله الحاسبه مكتوبه بجملة (الأمور المنتظره للعمل ) !!!

3 - الرسائل المرسله من الكمبيوتر مثلا ً رساله من البنك عند سحب مبلغ تأتي لي سحب مبلغ وقدره >> بدون أرقام << وذلك بتاريخ >>بدون تاريخ << يعني الأرقام غير موجوده .. لاحظ (من جهاز الكمبيوتر فقط ) ؟؟؟؟

ولكن للأمانه : التلفون ميزاته كبيره مع إني لا أستخدمها وإهتمامي له بأنه يشغّل خطّين ولديه واردين للرسائل لكل خط .. وفوق هذا رخيص جدا ً .. والمشكله ليست بالمال ولكن هل الهاتف يخدمني بشكل كبير أم لا ؟؟.. أفضل من جهاز غالي الثمن ولا يمتاز بـ 70 % من تقنية الجهاز الصيني ناهيك عن كفالته التي لا نفع منها إلا بتفكيرنا بالبيع لا أكثر .. ولكن لو للإستخدام عليك بالتلفون الصيني ولو خرب لا خوف على المبلغ لأنه رخيص ...

شنو اسم الجهاز نوعه او رقمة وسعره ماعليك امر