<دعم العمالة> دع مايريبك الى مالايريبك

[عادل12]

الحلال بين والحرام بين

 

[الـعـتـيـبـي]

شنو تبي تفهمنا يعني

 

[أبوفلان]

شكرا

 

[.:. عطر .:.]

الريال ينصح ما قال شي غلط و خير الكلام ما قل و دل

 

[Se7T]

كلام الأخ عادل2 مضبوط
وقدوتنا الفضايح المالية اللي كل يوم واخرها الإستجواب
وقفت على الفقارة
هذا حلالكم يالكويتيين ولاتخلونة ولو ماانصرف لنا بيروح هبات للزلمات وغيرهم
واتركو عنكم اصحاب الفتاوي والمبادئ المتغيرة
الكويتي اولى بحلالة

 

[عادل12]

قال صلى الله عليه وسلم <لن تموت نفس حتى تستكمل رزقها> والله سبحانه وتعالى امر بكتابة رزق العبد وهو في بطن امه وانه مسائل عن ماله من اين اكتسبه وفيما انفقه فأنظر الى ما تأخذ هل هو مما شرعه الله ام مما نهى عنه ( كل امرئ بما كسب رهين) وقال تعالى <ولا تقولوا لما تصف السنتكم الكذب هذا حلال وهذا حرام> ولا تتحايل على حدود الله فتتشبه بأصحاب السبت الذين خسف الله بهم وجعل منهم القردة والخنازير

 

[Se7T]

من الأخير ياخوي عادل
دعم حكومي بطريقة غير مباشرة للكويتين
والسبب ان البنك الدولي صنف الكويت الاولى عالميا من حيث توظيف الكويتيين بالقطاع الحكومي
فتأكد لو يبونك والله ماتستلم فلس
اتركو الكويتيين يعيشون وهذا حق وثروتهم وطالما رب العمل راضي ومايبيك تداوم اذا الأمر حاله حال الوظايف الحكومية اللي بأغلبها تضبيط وتنسيق...وشوف لما حطو نظام البصمه شصار طلعت الفضايح...حتى نواب الأمة اعترضو على ان سكرتاريتهم يطبقون البصمة
ولو كل واحد بيدقق على هالأمور معظم الرواتب حرام...
بتفهمني انك ماتتأخر ثانية لأن التأخير هم فيه حرام والتقصير بالعمل حرام والإهمال حرام والـــــــــخ صدقني ماتخلص

 

[عادل12]

سددوا وقاربوا

 

[q8rottweilers]

قريت خبر بالجريدة ان الكويت على سنة 2030 ماراح تقدر تدفع رواتب موظفينها...الاولى هالمبالغ الكبيرة الي تروح لفئة كبيرة تاخذها بدون استحقاق انها تنصرف على مشاريع استثمارية وسياحية ومصادر دخل للدولة غير النفط
والسلام عليكم

 

[بوفهيد]

الكويت للكويتيين ... و فلوسكم اذا ما انصرفت لكم بتروح حق غيركم

 

[أسمراني]

والله صراحه انا ما افتي ولكن كلام اخووي سحت اعتقد قريب من الصحه والله اهما بيعطونا فلوس لكن بطريقه غير مباشره يعني حطو دعم العماله للي ما يبي يوظف مرته او واحد بيدرس بره فا على راسي والله احلى قرار دعم العماله بس للكويتيين على راسي والله من فووق ما نبي حد يحسدنا والله فلووسنا اترووح يمين ويسار وما قالو حرام واللي يقهرك بطيحون ديون العراق ودعم العماله مناشبينا عليها
تحياتي ليسحت والشباب الحلوين

 

[عادل12]

؟؟؟؟؟؟؟؟؟؟؟؟؟

 

[م_منصور]

يجماعه نابي فتوي من شيخ كبير بهل الموضوع عن دعم العماله؟؟
ممكن احد يفيدنا الله يجيزكم خير.

 

[ابو ريتاج]

اخوى عادل---- ليش وقفت على 200 دينار اللى تمشى لنا مساعده من الدوله -- الدوله تدرى ولو ماتبى جان والله ماتستلم فلس ...
فأرجوك اخى عادل تكلم عن فلوسنا الى تروح يمين ويسار --ليش ساكت منها ----- والله اذا انت ماانت فى الحاجه وعسى الله يزيدك ترا غيرك محتاج ....

 

[q8.1911]

يا جماعة الأخ جزاه الله خير بين ونصح والواحد إذا كان مرتاب من هالأمر يتركه

عموما حتى لو ثبت أن الموضوع هذا حلال ١٠٠ ٪ أنا أعتقد بأن الدولة ربحانه من هالموضوع ١٠٠ ٪ ... اشلون

أنا أقولك اشلون

بدال ما تبتلش فيك الدوله وتوظفك في الحكومة وتعطيك راتب ٥٠٠ دينار واهي مو مستفيده منك تقولك لا يبه اجلس في بيتك ( بطريق غير مباشر ) واستلم ٣٠٠ دينار ... وبهالطريقة تكون الدولة وفرت ٢٠٠ دينار منك .... وال ٢٠٠ اضربها بعدد الموظفين يطلع مبلغ كبير وفرته الدولة

وإلي فعلا راح يتوظف بالقطاع الخاص ويعمل أيضا راح يستفيد إنه عمل في المجال إلي يبيه واستلم راتب من الجهتين مقارب لراتبه في الحكومة هذا إذا مو أعلا بعد

عموما أنا عندي كذا رخصة بإسم المعزبة فحبيت إني أحطلها راتب على دعم العمالة وسألت واحد من الربع ما شاء الله عليه شيخ ودكتور في كلية الشريعة فقال إن هالأمر ما يجوز إذا ما كانت تعمل فعليا في هالمكان .... إلخ

وأنا عن نفسي ما آخذ دعم العمالة لزوجتي لأني حتى هذه اللحضة مقتنع بأنه حرام ومايجوز ولا ألزم غيري كلن عنده رايه بهالموضوع ولكن بودي أن هالموضوع يعرض على علماء ومشايخ كبار لهم خبره ودرايه بهذه المواضيع بمعنى مطلعين على هذا الأمر وتفيدونا فيه لأنه والله مبلغ مغري واحنا بروحنا منتفين .... وهالأمر فيه فلوس يعني ياتوكل عيالك حلال والا حرام

عموما جزاك الله خير أخوي والله لا يحرمك الأجر

 

[رياح العز]

يجماعه صلو على النبي محمد صلى الله عليه واله سلم
انتو فاهمين دعم العماله غلط , يخوان قليل الي ياخذون دعم عماله وهم جالسين بي بيوتهم , وبعدين لاتنسون ان دعم العماله له ضوابط وشروط مو كل من يقدر يطبقها يعني الدعوا مو سايبه , بالنسبه للي ياخذون دعم العماله ويدرسون برا او باكويت ترا يادوب تغطي المصاريف الي الله معطيه وفلوسه زايده ليش مايفكر بخوانه الي اقل منه او يمكن عشانه فوق مايشوف!!!!
واذا ع الفتاوى بهالزمن للاسف اكثر المشايخ ع حسب السلاطين يبيه السلطان يحلل حلل وجاب لك الادله ولا اقوى من ذلك تشق الحجر يبيه يحرم حرم وايضا باستخدامن نفس الاسلوب اهم شي صدق النفس مع ربها ومولها وهو الي يقول ( يعلم خائنة الاعين وماتخفي الصدور)
والي يتكلم عن الحلال والحرام نقوله ياخي وينك عن البنوك الربويه ؟ وينك عن البنوك الي مسويه متأسلمه؟ وينك عن صرف المعروف في غير اهله محاباه ومجامله!!!!

 

[وقاص]

السلام عليكم ورحمه الله وبركاته

اخوي عادل

اي حرام وأي حلال الله يصلحك

كلامك الي كتبته حلو وجزاك الله خير عني وعن باقي الاخوان

ولكن الواحد شنو يسوي بالله ..؟

مو الكل عنده بيزات ومستغني ومو الكل يقدر يقعد يجابل ام عياله و يصرف

يبا الناس ميتة والله اعرف ناس

عندهم عيال وماجله بيت ماكو

الناس وراها اقساط والتزامات وغلاء بكل شيء

اجارات ومواد غذائية وحتى السيارات طارت وشقحت بالسما

لو تتوفر وظايف حكومية والله محد يروح القطاع الخاص

ولا علبالك الي بالقطاع الخاص مرتاح

او الي ياخذ وهمي مستانس ؟؟

حتى الي ياخذ وهمي جم دينار ويبي وظيفه ويبي دخل اكبر

اذكر الله على الاقل حاله حال غيره

ماراح اقولك شي

بشكل مختصر روح شوف الموقع هني اقل شي

كويتيين وعيالهم بكبرهم وتلقاه يبيع شغلات رخيصه يربح من وراها دينار ودينارين وخمسه

علبالك مرتاح ولا يبي يصير تاجر ؟

كل دينار ينفعه وينفع عياله وبالحلال

زبده الكلام الي انا مقتنع فيه

الله يحفظ الامير ومن يسانده ويحفظ هالديره الطيبة

ويحفظ شعبها الي هم انت وغيرك وخصوصا من ذوي الدخل المحدود

وقول إن شاء الله

الكل يتوظف والكل يرتاح والهيكلة تنلغى ونفتك

كلامك على عيني وراسي وانت بكبرك على راسي من فوق

بس الي ايده بالماي مو مثل الي ايده بالشواية

​

 

[general]

ياجماعه كثرت المهاترات والمغالطات في استبيان الحرام من الحلال بخصوص دعم العماله
فلكم مني كلمه غاليه و عزيزه جدا على الانفس واعتبروني شيخكم الي افتي لكم

كل انسان عقله في راسه وله قدره اجتهاد شخصي على الاقل , وبإمكانك تحكم لنفسك والي بيقولي فتاوى و رجال الدين و علماء اقوله كلامهم على العين والراس ومثل ما انت ملزم شرعا بالاستفسار منهم حتى يجتهدون لك , انت ايضا شرعا ملزم انك تجتهد انت مسئول امام ربك يوم الاخره ماراح تقول هذاك حللي وذاك حرم لي انت انسان لك عقل و لك فكر ولك لسان و لك تمييز الصح من الخطأ واعتقد كل هل مؤهلات تخليك على الاقل تفتي لنفسك بالامور الدنيويه .
خلوا الفتاوى والعلماء للافتاء في مسائل شرعيه تستعصي على الانسان التفريق بين حلالها وحرامها خلوا العلماء تنشغل في افتاءاتهم الي تفيد البشريه والمخلوق البشري , ولا تخلون عقول علمائكم الافاضل تنشغل في اشياء عيب حتى على الحريم يتكلمون فيها في مجالسهم (دعم العماله) .
واحد يقول انا قاعد بالبيت استلم 200 دينار والثاني يقول انا نمت بدوامي والثاني يقول خذيت مرضيه وماداومت هل فلوسي حلال وانا ذاك اليوم حطيت عيني بعين امرأه في الدوام وانا اداوم لكن صاحب العمل معطيني اجازه من عنده
افتونا جزاكم الله خيرا ؟؟؟؟؟؟؟؟

وصل الدين الاسلامي الحنيف الى درجه لاتقوم اساسها الا على هذه المسائل الي تعتبر رخيصه ؟؟
اصبح الانسان يتهم اخيه المسلم بأن ماله حرام ورزقه حرام والجلوس معه حرام لان من دعم العماله ؟؟
وصل فيكم الدرجه تحسد اخوك المسلم على رزقته ؟؟
والله الذي لا اله الا هو ان البعض (البعض) منكم وصل معاه الدرجه من الحقد والحسد في اخوه (من امه وابوه) انه يستلم دعم العماله ولو بإيده جان قذفه بالكفر .

علماء الامه الاسلاميه الي لهم دور كبير في بناء دين اسلامي في بناء حضاره اسلاميه امثال الشيخ ابن باز وبن جبرين وبن عثيمين و السيد السيستاني والشيخ الالباني وجميع علماء الامه الاسلاميه من المذهبين مكانتهم وشأنهم ارتفع في احكام الحلال والحرام في دعم العماله الوطنيه ؟؟؟؟؟
سيره هؤلاء العلماء اختفت في قلوبكم وتحيا ذكراهم عندما الموضوع يتعلق في دعم عماله ؟؟

والله انكم خاسرون

 

[Se7T]

قريت خبر بالجريدة ان الكويت على سنة 2030 ماراح تقدر تدفع رواتب موظفينها...الاولى هالمبالغ الكبيرة الي تروح لفئة كبيرة تاخذها بدون استحقاق انها تنصرف على مشاريع استثمارية وسياحية ومصادر دخل للدولة غير النفط
والسلام عليكم

هالكلام من دجال كبير
الشركة حق رئيس الوزراء البريطاني السابق بلير وشريكة الأخر البريطاني من اصل اردني (فلسطيني) وعليه قضايا بأمريكا نصب وإحتيال ومطلوب للقضاء الأمريكي ...
وشوف منو واقف ورى هالدراسه وألف السيناريو مالها ويبي يسويلنا فلم مثل الأفلام اللي ملينا منها ... المصفاة ... الداو كيمكال ... المكلسن ... Bot ... والخ من الأفلام الي تذكرني بالعجز الإكتواري مال سرطعوس اللي كلنا عارفينة
عاد روحو شوفو منو ورى سالفة افلاس الكويت بعد 30 سنة وجم اندفع للدراسة والخ
والأخ يبي الدولة تستثمر
شوف الأسألة اللي موجهه للشمالي من البراك
وشوف المصايب والخساير بسوريا ومصر وبدول اوربا وامريكا

 

[م_منصور]

يجماعه نابي فتوي من شيخ كبير بهل الموضوع عن دعم العماله؟؟
ممكن احد يفيدنا الله يجيزكم خير.