احذروا تلفون مبيوق و مسروق نوكيا نيكل

[السنفور]

السلام عليكم

اخواني الاعزاء .. الله يعطيكم العافيه

بس حبيت اقول انه في تلفون انباق من الاهل امس يوم كنا بالسينما و هو عباره عن نوكيا نيكل .. و انسالله راح اكتب رقم التسلسل انشاالله بس اطلع الكرتون .. و جاري تسجيل قضية بالمخفر..

و طبعا سألنا السينما و ما لقوا .. فأكيد انباق و اللي باقه حطه مغلق .. حسبي الله و نعم الوكيل .. فغالبا الشخص اذا بيبيعه راح يدش النت علشان يشيل الشبهه عنه و عن امور تصوير البطاقة المدنية ..

و رجاءا اللي يلقي يتقي ربه و يساعدني و جزاكم الله كل خير ..

تقبلوا تحياتي

 

[Kuwait]

الله يعينكم ضيقت خلقي بصراحه

عكر عليكم الطلعه

اهم شي الجهاز عسى مافيه اي شي خاص فيكم



وفدوه لكم



فيه ناس نفوسهم ضعيفه بصراحه



نصيحه : اذا سويت قضيه ترى المباحث يطنشون يوميا خلك عندهم عشان يهتمون

وقولهم الجهاز فيه شغلات خاصه راح يهتمون اكثر

 

[العازمي32]

حسبي الله ونعم الوكيل ناس ماتخاف الله ولا تستحي == الله يعنيك اخوي ==انت وش وداك السينما الله يقلع السينما ماوارها لي الخراب== تحياتي ان شاء الله يصيدونه الحرامي الخبيث

 

[mishaal 55]

السلام عليكم اخوى سو قضيه وخل المباحث يعطونك كتاب حق شركة الاتصالات علشان يتابعون السيريل مال الجهاز بس يحط شريحه ويشغل الجهاز يصيدونه لكن لاتنسى اخذ معاك السيريل مال الجهاز قبل لاتروح المخفر وارجو لك الاستفاده انت ومن يقرأ الموضوع

 

[بو ناصر@]

الله يعينكـ ،،

 

[ولد^الكويت]

الله يعينك ولد عمي المخفر مايسولك قضيه اله فاتوره الجهاز وكرتون الجهاز وانشالله تلقي الي باقه

 

[Bo-Jarrah]

ياما تلفونات راحت منا بس ان شاءالله يكون شوي فيه ذمه وضمير وانه يمسح الأشياء الخاصه إلي فيه أما التلفون عساه يحترق اهو وياه. ومعوض خير ان شاءالله

 

[ThankYou]

انا كان ودي ما تحط الموضوع بهذه السرعة ..جذي انت عطيته فكرة للي سرق الموبايل انه ما يبيعه على الانترنت. لو كنت تنطر شوي لحين تشوف المشاركات اذا في احد يبيع نفس جهازك.

على العموم ان شاء الله ربنا يعوضك بأحسن منه

وعسى ان تكرهوا شيئا فهو خيرا لكم.

تقبل تحياتي

 

[alanzi]

انسى المخفر يسوي لك شى
انسى مليوووووووووووون مره
ما ابى اضيق خلقك ولكن
هذي هى الحقيقة

اطلب العوووض وعليه العوووض بواحد احسن منه
تحياااتى للك واللجميع

اخووووووووووووووكم

 

[ابو عبدالله htc]

شلون اخوي المخفر مايسويله شي يعني معناته المخفر زينه حاطينه
لاخوي راح يتمرمطه وصبر وقل شي 7 سنوات سجن عموما اي خط يركب على الجهاز راح يصيدونه

 

[بو متعب]

الحمدلله الناس ان شاء الله ما ياخذون حرام ولكن احتمال ينغشون بمثل هالامور ودائما يجب علينا تسجيل وتصوير البطاقة المدنية حتى نحد من هذه السرقات والعادة ترسل هذه الاجهزة الى خارج الكويت ويتم تشغيلها او بيعها
الخطوة الاولى اخذ كرتون الجهاز المدون عليه رقم السيريل نمبرز بعدها كتاب من المحقق موجه الى الشركات الثلاث لمتابعة تشغيل الجهاز من اي رقم يوضع به بعدها طلع الحمامي من الفخ يعني افشت المجرم وحلت وفلت

 

[الافوكاتو]

انا كان ودي ما تحط الموضوع بهذه السرعة ..جذي انت عطيته فكرة للي سرق الموبايل انه ما يبيعه على الانترنت. لو كنت تنطر شوي لحين تشوف المشاركات اذا في احد يبيع نفس جهازك.

على العموم ان شاء الله ربنا يعوضك بأحسن منه

وعسى ان تكرهوا شيئا فهو خيرا لكم.

تقبل تحياتي

مع احترامي لجميع الردود ولكن هذا الرد المقنع
لان الحين حتى لو كان بيدخل يبيعه فانت خليته ينتبه
الله يعوضك ونصيحه اذا ماكان فيه شي خاص غير الارقام فانسى موضوعه

 

[اليوفي الثاني]

^^^^^^^^^^^^^^^^^^^^^^^^^^^^^^^^^^^^^^^^^^^^^
كلامك عين الصواب
الله يعوضك يمعود على ولا فيه صور الاهل

 

[تركي الفضلي]

الله كريم يا الحبيب

 

[الحريه وطن]

يارجال انا انباق مني بالمقهي تلفون وبلغت المخفر وبعد ثلاث اسابيع صدته انا مو المخفر

واخذت فلوس بدل التلفون لانه باع تلفوني