رفض التسويه!!! فما الحل رجو الرد بسرعه وشكرا

[مصدر سهم]

السلام عليكم مستشارينا و مستشاراتنا الكرام

انا مطلوب للوطنيه للآتصالات اكثر من 3000 دينار

وايضا لزين للآتصالات 2212 دينار

وللبنك الوطني 4200 دينار تقريبا

واللي ماسك هالمعاملات هو مكتب التويجري للمحاماة

ورفض التسويه بتقسيط المبلغ

فما الحل

مع العلم انه يوجد علي قضيه بمبلغ 183 الف دينار وحكم علي بآمر اداء لكن استآنفت الحكم واعادوها محكمة درجه اولي ولست بموظف بجهة حكوميه او خاصه وليس لي دخل ثابت

فما الحل وماهي هي الثغرات القانونيه

مع العلم استطيع التوظف بشركة خاصه لكن لا اريد

فآرجو التكرم منكم بإعلامي بالثغرات والامور التي استطيع عملها مع المكتب او القاضي وشكرا

 

[rahaly]

ما يبيلها ثغرات طال عمرك

لا تنتظر يسوولك ضبط واحضار

روح بنفسك عن قاضي التنفيذ عشان يعرف انك جاد

وجهز مستنداتك .. حكم بو 183 .. واثباتات انك معسر

وقوله ما عندي .. وانا متورط .. وقول اقدر ادفع شهري 100 - 150 دك
وانك عرضت عالشركة التنقسيط ورفضوا

وان شاء الله خير ........... ماكو شئ مضمون طبعا

 

[مصدر سهم]

لك الشكر يا مستشارنا العزيز

لكن استفسار انا راح اروح للقاضي هل اذا قلتله ماقدر ادفع كاش

وعرضت تسويه ورفضو التسويه يقدر يحكم علي بدفع كل المبلغ ويحطني بالتنفيذ بنفس الوقت

انا اعلم ان القاضي سلطه تقديره علي مزاجه لكن احتمالاتها

مع العلم انه القضيه ١٧٣ الف اعادوها لدرجة اولى

انا اريد الاحتمالات واكون شاكرلك يا مستشارنا

ولك اجمل التحيات

والسلام ختام

 

[rahaly]

لك الشكر يا مستشارنا العزيز

لكن استفسار انا راح اروح للقاضي هل اذا قلتله ماقدر ادفع كاش

وعرضت تسويه ورفضو التسويه يقدر يحكم علي بدفع كل المبلغ ويحطني بالتنفيذ بنفس الوقت

انا اعلم ان القاضي سلطه تقديره علي مزاجه لكن احتمالاتها

مع العلم انه القضيه ١٧٣ الف اعادوها لدرجة اولى

انا اريد الاحتمالات واكون شاكرلك يا مستشارنا

ولك اجمل التحيات

والسلام ختام

اذا اخذت ما يثبت اعسارك من مستندات(شهادة تامينات انك لا تعمل .. سيارات .. عقار .. ان ما عندك)
واخذ معاك الحكم .. قوله اذا كسبت القضية راح اسدد لهم بالكامل .. والحين ما اقدر اكثر من المبلغ الفلاني

ما اتوقع انه يحبسك لما يشوفك جاد .. ومع هذا .. اسوء الاحتمالات (لو) قرر حبسك .. تطلع بعمل اشكال في التنفيذ(اذا كنت مو مسويه من اول)

لا تحاتي .. اتوقع ما في حبس
خاصة ان المدين مكلف باثبات اليسار


والله اعلم

 

[fayoona74]

رحالي اظن تقصد الدائن مكلف باثبات يسار مدينه صح

 

[مصدر سهم]

مشكور يا مستشارنا انا تعبتك وياي

ومشكوره خيتي فيونه

منها للآعلي للكل

للعلم انا مسوي اشكال سابقا علي قضية امر اداء

لكن هل اذا كنت مسوي اشكال بقضيه

ما يحق لي اشكال بقضيه ثانيه

وشكرا تحملوني شوي

 

[fayoona74]

كل قضية قائمة بذاتها شللي يمنع انك تسوي اشكال اذا القضيتين منفصلتين وحتى عالقضية الوحدة تقدر تسوي اشكال اكثر من مرة وسبق وناقشنا الموضوع بموضوع مشابه

 

[مصدر سهم]

مشكوره خيتو

ومشكور مستشارنا رحالي

ومنها للآعلي لكم

 

[rahaly]

كل قضية قائمة بذاتها شللي يمنع انك تسوي اشكال اذا القضيتين منفصلتين وحتى عالقضية الوحدة تقدر تسوي اشكال اكثر من مرة وسبق وناقشنا الموضوع بموضوع مشابه

!! الاشكال الثاني لا يوقف التنفيذ
واذا كان مسوي الاشكال في امر الاداء .. ما راح يفيده الاشكال في نفس القضية بعد ما يسوي تظلم او استئناف مثلا


اكيد ما تقصدين يسوي اشكال ثاني بدون لا يوقف التنفيذ .. لان ما راح يكون منه اي فايده ...
ممكن توضيح قصة اكثر من اشكال؟؟

ثانكس

 

[fayoona74]

اي صح رحالي سبق وناقشنا هالموضوع بس اهو سؤاله يقدر يرفع اشكال والاجابة يقدر مرة واثنين وبغض النظر عن الاثر

 

[fayoona74]

تفضل الرابط بخصوص مناقشة الاشكال واثره
http://www.indexsignal.com/vb/showthread.php?t=172421
رحالي لحد يسمع (عيزانة اكتب مرة ثانية)

 

[ابوهايف]

السلام عليكم .... بعطيكم معلومه بسيطه بس يمكن تفيد بعد اذن الاساتذه .. الاشكال الاول يوقف التنفيذ ويرفع الضبط والاحضار فقط ولا يرفع مثلا منع السفر او حجز المركبه ويحق عمل اكثر من اشكال بس الاول فقط يوقف التنفيذ ... وشكرا يااخوان ويااخوات