ليش المؤشر السعري والوزني نايمين

[فيغو]

ياجماعه ليش المؤشر السعري نايم 5951 مو راضي يروح مرحلة

6000 ؛ والوزني كسر الحاجز وللعلم ان عدد الصفقات 4345

الكمية
154,612,500

القيمة
66,328,980
​

 

[بوعنتر]

عزيزي المؤشر غير دقيق من وجهة نظر كثير من المختصين ولايعكس الواقع
وبنظري للحين السوق ماسجل ارتفاع مقنع علشان يصير تصحيح.
مع العلم ان اخر سنه 2003 كان المؤشر تقريبا 4800 وحاليا المؤشر 5900 يعني الفرق اكثر من 1000 نقطه بس تعال شوف الاسعار بنهايه 2003 لما كان المؤشر اقل من الحين باكثر من 1100 نقطه وشوف
الوطني كانت 1460 الحين 1280
الخليج 880 الحين 840
التمويل 1600 الحين 1580
مع العلم جميعهم اعلنو نمو فى الارباح اكثر من 5% هذا بالنسبه للبنوك
الاسثمار
مشاريع كانت 255 والحين 206 بالرغم من انه ارباح النصف الاول توازي ارباح العام كلها وهي اكبر شركه بالسوق
الكويتيه كانت 425 واليوم 395
التسيهلات كانت 980 الحين 780
وممكن نستنثي بعض الشركات مثل الاوسط والمال والدار
المركز 230 الحين 208
الغالبيه اقل من سعرها باستناء البعض
وبالنسبه لقطاع التأمين بشكل عام مثل ماهو اذا مو اقل بالاسعار
ولو نشوف الصناعه
اكبر الشركات اسعارها اقل
ويمكن شركتين او 3 اهي اللى ارتفعت
صناعات كانت 590 الحين 480
انابيب كانت 920 الحين 720
الكابلات 3740 الحين 3140
لخدمات باستناء سلطان والمخازن هذول حاله اسثنائيه عقود خارجيه
غالبيه الشركات وخصوصا القياديه اقل من اسعارها بوايد
هواتف كانت 3960 الحين 3200
وطنيه 2900 والحين 1940
والاغذيه مافي ارتفاع

والعقارات اغلب الشركات تحت بوايد من اسعارها
مع العلم الطفره بسوق العقار
لؤلؤه ارباحها السنه هذي وايد اكثر من لعام مع ذلك سعرها مثل ماهي ومتوهق بوعنتر


الخليجيات ماعلينه منهم :d


خلاصه الكلام الاسهم الكبيره والثقيله والقياديه للحين ماوصلت سعرها بالرغم من توقعات زياده ارباح ...طيب 1000 نقطه على المسالخ وصخور ومعامل واعاده
مع احترامي للشركات هذي بس اساميهم ماتشجع الواحد يشتري ناقصين سلخ وصخر
واسف على الاطاله

 

[الريان]

بوعنتر شيل اسعار التوزيع ويطلع الفرق


وخاصه المنح وزيادة راس المال

 

[مستثمر73]

الريان أعتقد حتى لو تشيل المنح والتوزيعات مازال الفرق كبير ..

لكن لاننسى أن في شركان جديده تم أدراجها بالبورصه السنة هذي وبالتأكيد راح أتغير من قراءة المؤشر السعري والوزني..


الخير بالطريق أنشاء الله مابقى ألا القليل...

وبالتوفيق

 

[فيغو]

اشكركم
يا بو عنتر

مستثمر 73

والريان

علي الردود الجميله ؛ لكن يابوعنتر انت ما خليت شي

وبصراحه مشكو ر علي الجهود والله كريم

 

[بوعنتر]

عزيزي الريان كلامك صحيح نظريا ولكن بالتدقيق فى الارقام مره اخري وحتى اصل لوجهة نظري سوف اكرر المقارنه مع اقفالات نفس اليوم من العام الماضي 16/9/2003 مقارنه باقفال الاربعاء 16/9/2004 لكي تتضح الصوره وللعلم المؤشر اقفل على 4200 فى نفس هذا اليوم من السنه الماضيه اي الفرق يزيد عن 1800 نقطه ومع ذلك نلاحظ الاتي
الوطني السعر الان -140 فلس بالرغم من زياده الارباح
الخليج نفس السعر
المشاريع -4 فلس بالرغم من زياده الارباح الكبيره
الاتصالات نفس السعر
الهواتف -280 فلس

اذا عادت هذه الاسهم الى اسعار الاقفال السابقه سوف تعطي المؤشر زياده بمقدار 2000 نقطه وهذا الرأي نشر اليوم بالراي العام لن نفرط بالتفاؤل
ولكن على اقل تقدير المؤشر يجب ان يكون مابين 6500 و7000 مع الاقفالات